https://arm.sputniknews.ru/20260716/datakhazutjuny-pndum-e-araratcementy-hanqardjunahanum-e-irakanacrel-khakhtumnervov-104693171.html
Դատախազությունը պնդում է` «Արարատցեմենտը» հանքարդյունահանում է իրականացրել խախտումներով
Դատախազությունը պնդում է` «Արարատցեմենտը» հանքարդյունահանում է իրականացրել խախտումներով
Sputnik Արմենիա
Դատախազը քննչական մարմին հաղորդում է ներկայացրել գույքահարկի գծով պարտավորությունները և տարեկան վարձավճարները չկատարելու նպատակով։ 16.07.2026, Sputnik Արմենիա
2026-07-16T14:49+0400
2026-07-16T14:49+0400
2026-07-16T15:14+0400
հհ դատախազություն
հհ գլխավոր դատախազություն
արարատցեմենտ
գագիկ ծառուկյան
հանքարդյունաբերություն
խախտում
https://cdn.am.sputniknews.ru/img/07ea/07/09/104410016_0:83:1600:983_1920x0_80_0_0_2d8fb2d72473fd01abcc6d4355a14a29.jpg
ԵՐԵՎԱՆ, 16 հուլիսի – Sputnik. ՀՀ դատախազությունն «Արարատցեմենտ» ՓԲԸ–ի իրականացրած հանքարդյունահանման գործընթացքում հայտնաբերվել են մի շարք խախտումներ։ Տեղեկությունը հայտնում է ՀՀ գլխավոր դատախազության մամուլի ծառայությունը։Այսօր ավելի վաղ ՀՀ գլխավոր դատախազությունը հայտնել էր, որ ապօրինի ծագում ունեցող գույքի բռնագանձման պահանջով դեռևս 2023 թվականի հոկտեմբերի 9-ին հայցադիմում է ներկայացրել Հակակոռուպցիոն դատարան` ընդդեմ «Մուլտի գրուպ» կոնցեռնի (դրա կազմում է նաև «Արարատցեմենտը») սեփականատեր Գագիկ Ծառուկյանի և նրան փոխկապակցված անձանց: Հայցադիմումով, ի թիվս այլնի, պահանջվում էր հօգուտ Հայաստանի Հանրապետության բռնագանձել «Արարատցեմենտ» ՓԲԸ–ի բաժնետոմսերը: Հուլիսի 16-ից «Արարատցեմենտը» հանձնվել է ՀՀ կառավարմանն ու պահպանմանը։Կառույցից նշում են, որ այդ խախտումները հայտնաբերվել են պետական (համայնքային) շահերի պաշտպանության լիազորության շրջանակում։Նշվում է, որ հուլիսի 16-ին դատախազը հաղորդում է ներկայացրել քննչական մարմնին։ Դատախազության նախաձեռնած ուսումնասիրությունները շարունակվում են:Ավելի վաղ Նիկոլ Փաշինյանը Լոռու մարզի Շնող համայնքում քարոզարշավի ժամանակ հայտարարել էր, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն արձագանքել էր այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։Փաշինյանի հայտարարությունից կարճ ժամանակ անց դատախազությունը հայտարարեց, որ «Արարատցեմենտի» մասնավորեցման հարցով դիմել է դատարան։Փաշինյանը նախընտրական քարոզարշավի ժամանակ հայտարարել էր նաև, որ կոչնչացնի «պատերազմի եռագլուխ կուսակցությունը»՝ նկատի ունենալով «Ուժեղ Հայաստան» և «Հայաստան» դաշինքներին, ինչպես նաև «Բարգավաճ Հայաստան» կուսակցությանը: Նա խոստացել էր «կզացնել» նշված ուժերի ղեկավարներին։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ դատախազություն, հհ գլխավոր դատախազություն, արարատցեմենտ, գագիկ ծառուկյան, հանքարդյունաբերություն, խախտում
հհ դատախազություն, հհ գլխավոր դատախազություն, արարատցեմենտ, գագիկ ծառուկյան, հանքարդյունաբերություն, խախտում
Դատախազությունը պնդում է` «Արարատցեմենտը» հանքարդյունահանում է իրականացրել խախտումներով
14:49 16.07.2026 (Թարմացված է: 15:14 16.07.2026) Դատախազը քննչական մարմին հաղորդում է ներկայացրել գույքահարկի գծով պարտավորությունները և տարեկան վարձավճարները չկատարելու նպատակով։
ԵՐԵՎԱՆ, 16 հուլիսի – Sputnik. ՀՀ դատախազությունն «Արարատցեմենտ» ՓԲԸ–ի իրականացրած հանքարդյունահանման գործընթացքում հայտնաբերվել են մի շարք խախտումներ։ Տեղեկությունը հայտնում է ՀՀ գլխավոր դատախազության մամուլի ծառայությունը։
Այսօր ավելի վաղ ՀՀ գլխավոր դատախազությունը հայտնել էր, որ ապօրինի ծագում ունեցող գույքի բռնագանձման պահանջով դեռևս 2023 թվականի հոկտեմբերի 9-ին հայցադիմում է ներկայացրել Հակակոռուպցիոն դատարան` ընդդեմ «Մուլտի գրուպ» կոնցեռնի (դրա կազմում է նաև «Արարատցեմենտը») սեփականատեր Գագիկ Ծառուկյանի և նրան փոխկապակցված անձանց: Հայցադիմումով, ի թիվս այլնի, պահանջվում էր հօգուտ Հայաստանի Հանրապետության բռնագանձել «Արարատցեմենտ» ՓԲԸ–ի բաժնետոմսերը: Հուլիսի 16-ից
«Արարատցեմենտը» հանձնվել է ՀՀ կառավարմանն ու պահպանմանը։
Կառույցից նշում են, որ այդ խախտումները հայտնաբերվել են պետական (համայնքային) շահերի պաշտպանության լիազորության շրջանակում։
«Ընկերությունը 2008 թվականից տրավերտինի և կավի արդյունահանման նպատակով լիազոր մարմնից ստացել է ընդերքօգտագործման թույլտվություն, որի կոորդինատներում ընդգրկվել են Արարատի մարզի համայնքներում գտնվող տարբեր նպատակային նշանակության հողամասեր: Այնուհետև «Արարատցեմենտը», տարեկան վարձավճարները և գույքահարկի գծով պարտավորությունները չկատարելու նպատակով, խախտել է ՀՀ օրենսդրությունը, իրականացրել ապօրինի ընդերքօգտագործում»,– ասված է հաղորդագրությունում:
Նշվում է, որ հուլիսի 16-ին դատախազը հաղորդում է ներկայացրել քննչական մարմնին։ Դատախազության նախաձեռնած ուսումնասիրությունները շարունակվում են:
Ավելի վաղ Նիկոլ Փաշինյանը Լոռու մարզի Շնող համայնքում քարոզարշավի ժամանակ
հայտարարել էր, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն
արձագանքել էր այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։
Փաշինյանի հայտարարությունից կարճ ժամանակ անց դատախազությունը
հայտարարեց, որ «Արարատցեմենտի» մասնավորեցման հարցով դիմել է դատարան։
Փաշինյանը նախընտրական քարոզարշավի ժամանակ հայտարարել էր նաև, որ կոչնչացնի «պատերազմի եռագլուխ կուսակցությունը»՝ նկատի ունենալով «Ուժեղ Հայաստան» և «Հայաստան» դաշինքներին, ինչպես նաև «Բարգավաճ Հայաստան» կուսակցությանը: Նա
խոստացել էր «կզացնել» նշված ուժերի ղեկավարներին։
Գագիկ Ծառուկյանի քրեական գործը
Հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Այդ օրվանից ընկերությունների դռները կապարակնքված են, և աշխատանքը դադարեցված է։ Սկսել է աշխատել միայն «Արարատցեմենտ» գործարանը։ Արդեն մի քանի օր է` բոլոր ձեռնարկությունների աշխատակիցները բողոքի ակցիաներ են անում և ՔԿ–ից պահանջում, որ թույլ տան վերսկսել իրենց բնականոն աշխատանքը։
Գագիկ Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց 2 ամսով։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:
