https://arm.sputniknews.ru/20260716/araratcementy-handznvel-e-hajastani-hanrapetutjan-karavarmany-hh-glkhavvor-datakhazutjun-104689940.html
«Արարատցեմենտը» հանձնվել է Հայաստանի Հանրապետության կառավարմանը. ՀՀ գլխավոր դատախազություն
«Արարատցեմենտը» հանձնվել է Հայաստանի Հանրապետության կառավարմանը. ՀՀ գլխավոր դատախազություն
Sputnik Արմենիա
Փաշինյանը քարոզարշավի ժամանակ հայտարարել էր, որ շատ շուտով Ծառուկյանի բիզնես-ողնաշարը լինելու է պետական և պատկանելու է Հայաստանի Հանրապետությանը 16.07.2026, Sputnik Արմենիա
2026-07-16T13:10+0400
2026-07-16T13:10+0400
2026-07-16T14:53+0400
հայաստան
արարատցեմենտ
հհ դատախազություն
https://cdn.am.sputniknews.ru/img/07ea/07/09/104410037_0:126:1600:1026_1920x0_80_0_0_9a8000020f98478c068ac9f395f4deed.jpg
ԵՐԵՎԱՆ, 16 հուլիսի – Sputnik. «Արարատցեմենտը» հանձնվել է Հայաստանի Հանրապետության կառավարմանն ու պահպանմանը։ Այս մասին հայտնում է ՀՀ գլխավոր դատախազությունը։Գերատեսչությունը նշել է, որ դեռ 2023 թվականի հոկտեմբերի 9-ին հայցադիմում է ներկայացրել Հակակոռուպցիոն դատարան ընդդեմ «Բարգավաճ Հայաստան» կուսակցության առաջնորդ Գագիկ Ծառուկյանի և նրան փոխկապակցված անձանց՝ ապօրինի ծագում ունեցող գույքի բռնագանձման պահանջի մասին: Հայցադիմումով, որպես ապօրինի ծագում ունեցող գույք, ի թիվս այլնի, պահանջվում էր հօգուտ Հայաստանի Հանրապետության բռնագանձել «Արարատցեմենտ» ՓԲԸ–ի բաժնետոմսերը:Ապօրինի ծագում ունեցող գույքի բռնագանձման գործի շրջանակում 2026 թվականի հուլիսի 13-ին գլխավոր դատախազության կողմից Հակակոռուպցիոն դատարան է ներկայացվել հայցի ապահովման միջոց կիրառելու վերաբերյալ միջնորդություն՝ «Արարատցեմենտ» ՓԲԸ–ի բաժնետոմսերի կառավարումն ու պահպանումը Հայաստանի Հանրապետությանը հանձնելու վերաբերյալ:Ավելի վաղ Նիկոլ Փաշինյանը Լոռու մարզի Շնող համայնքում քարոզարշավի ժամանակ հայտարարել էր, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն արձագանքել էր այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։Փաշինյանի հայտարարությունից կարճ ժամանակ անց դատախազությունը հայտարարեց, որ «Արարատցեմենտի» մասնավորեցման հարցով դիմել է դատարան։Փաշինյանը նախընտրական քարոզարշավի ժամանակ հայտարարել էր նաև, որ կոչնչացնի «պատերազմի եռագլուխ կուսակցությունը»՝ նկատի ունենալով «Ուժեղ Հայաստան» և «Հայաստան» դաշինքներին, ինչպես նաև «Բարգավաճ Հայաստան» կուսակցությանը: Նա խոստացել էր «կզացնել» նշված ուժերի ղեկավարներին։Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Այդ օրվանից ընկերությունների դռները կապարակնքված են, և աշխատանքը դադարեցված է։ Սկսել է աշխատել միայն «Արարատցեմենտ» գործարանը։ Արդեն մի քանի օր է` բոլոր ձեռնարկությունների աշխատակիցները բողոքի ակցիաներ են անում և ՔԿ–ից պահանջում, որ թույլ տան վերսկսել իրենց բնականոն աշխատանքը։Գագիկ Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց 2 ամսով։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:Ծառուկյանի պաշտպանները կդիմեն միջազգային արբիտրաժ՝ նրա ընկերությունների պարապուրդի հարցով
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արարատցեմենտ, հհ դատախազություն
հայաստան, արարատցեմենտ, հհ դատախազություն
«Արարատցեմենտը» հանձնվել է Հայաստանի Հանրապետության կառավարմանը. ՀՀ գլխավոր դատախազություն
13:10 16.07.2026 (Թարմացված է: 14:53 16.07.2026) Փաշինյանը քարոզարշավի ժամանակ հայտարարել էր, որ շատ շուտով Ծառուկյանի բիզնես-ողնաշարը լինելու է պետական և պատկանելու է Հայաստանի Հանրապետությանը
ԵՐԵՎԱՆ, 16 հուլիսի – Sputnik. «Արարատցեմենտը» հանձնվել է Հայաստանի Հանրապետության կառավարմանն ու պահպանմանը։ Այս մասին հայտնում է ՀՀ գլխավոր դատախազությունը։
Գերատեսչությունը նշել է, որ դեռ 2023 թվականի հոկտեմբերի 9-ին հայցադիմում է ներկայացրել Հակակոռուպցիոն դատարան ընդդեմ «Բարգավաճ Հայաստան» կուսակցության առաջնորդ Գագիկ Ծառուկյանի և նրան փոխկապակցված անձանց՝ ապօրինի ծագում ունեցող գույքի բռնագանձման պահանջի մասին: Հայցադիմումով, որպես ապօրինի ծագում ունեցող գույք, ի թիվս այլնի, պահանջվում էր հօգուտ Հայաստանի Հանրապետության բռնագանձել «Արարատցեմենտ» ՓԲԸ–ի բաժնետոմսերը:
Ապօրինի ծագում ունեցող գույքի բռնագանձման գործի շրջանակում 2026 թվականի հուլիսի 13-ին գլխավոր դատախազության կողմից Հակակոռուպցիոն դատարան է ներկայացվել հայցի ապահովման միջոց կիրառելու վերաբերյալ միջնորդություն՝ «Արարատցեմենտ» ՓԲԸ–ի բաժնետոմսերի կառավարումն ու պահպանումը Հայաստանի Հանրապետությանը հանձնելու վերաբերյալ:
«Դատարանի՝ 2026 թվականի հուլիսի 15-ի որոշմամբ, ներկայացված միջնորդությունը բավարարվել է։ «Արարատցեմենտ» փակ բաժնետիրական ընկերությունը հանձնվել է Հայաստանի Հանրապետության կառավարմանն ու պահպանմանը»,– ասված է հաղորդագրությունում:
Ավելի վաղ Նիկոլ Փաշինյանը Լոռու մարզի Շնող համայնքում քարոզարշավի ժամանակ
հայտարարել էր, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն
արձագանքել էր այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։
Փաշինյանի հայտարարությունից կարճ ժամանակ անց դատախազությունը
հայտարարեց, որ «Արարատցեմենտի» մասնավորեցման հարցով դիմել է դատարան։
Փաշինյանը նախընտրական քարոզարշավի ժամանակ հայտարարել էր նաև, որ կոչնչացնի «պատերազմի եռագլուխ կուսակցությունը»՝ նկատի ունենալով «Ուժեղ Հայաստան» և «Հայաստան» դաշինքներին, ինչպես նաև «Բարգավաճ Հայաստան» կուսակցությանը: Նա
խոստացել էր «կզացնել» նշված ուժերի ղեկավարներին։
Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի
առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող
ձեռնարկություններ և խուզարկություններ են իրականացնում։ Այդ օրվանից ընկերությունների դռները կապարակնքված են, և աշխատանքը դադարեցված է։ Սկսել է աշխատել միայն «Արարատցեմենտ» գործարանը։ Արդեն մի քանի օր է` բոլոր ձեռնարկությունների աշխատակիցները
բողոքի ակցիաներ են անում և ՔԿ–ից պահանջում, որ թույլ տան վերսկսել իրենց բնականոն աշխատանքը։
Գագիկ Ծառուկյանը հուլիսի 6-ին
ձերբակալվեց, իսկ հաջորդ օրը
կալանավորվեց 2 ամսով։ Գործարարը և ևս մեկ անձ
մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:
