https://arm.sputniknews.ru/20260912/tsarukjany-kalanavajric-ir-timin-kvoch-e-arel-aktivvoren-nergravvel-erkri-hanrajin-kjanqum-106765912.html
Ծառուկյանը կալանավայրից իր թիմին կոչ է արել ակտիվորեն ներգրավվել երկրի հանրային կյանքում
Ծառուկյանը կալանավայրից իր թիմին կոչ է արել ակտիվորեն ներգրավվել երկրի հանրային կյանքում
Sputnik Արմենիա
ԲՀԿ առաջնորդը շեշտել է, որ այժմ շատ կարևոր է իր թիմի արդյունավետ համագործակցությունը՝ տարբեր քաղաքական, հասարակական միավորների, մասնագիտական խմբերի, ակտիվ... 12.09.2026, Sputnik Արմենիա
2026-09-12T11:21+0400
2026-09-12T11:21+0400
2026-09-12T11:25+0400
գագիկ ծառուկյան
ուղերձ
քրեակատարողական հիմնարկ (քկհ)
բարգավաճ հայաստան կուսակցություն (բհկ)
https://cdn.am.sputniknews.ru/img/07ea/07/15/104858970_0:83:1600:983_1920x0_80_0_0_a940f27fe7928779432c8a68cae0f4e3.jpg
ԵՐԵՎԱՆ, 12 սեպտեմբերի – Sputnik. «Բարգավաճ Հայաստան» կուսակցության առաջնորդ Գագիկ Ծառուկյանն իր թիմին կոչ է արել ակտիվորեն ներգրավվել երկրի հանրային կյանքում, մասնակցել բոլոր կարևոր հարցերի քննարկմանը։ Այս մասին նա ուղերձ է հղել «Երևան–Կենտրոն» ՔԿՀ–ից։Նա նշել է, որ իրենց նախընտրական ծրագիրը` երկրի զարգացման համար, մնում է արդիական, և պետք է աշխատել այդ ուղղությամբ։Նա շեշտել է, որ այժմ շատ կարևոր է իր թիմի արդյունավետ համագործակցությունը՝ տարբեր քաղաքական, հասարակական միավորների, մասնագիտական խմբերի, ակտիվ քաղաքացիների, ինչպես նաև միջազգային գործընկերների հետ։«Մեր բոլորի խնդիրը պետք է լինի ուժերի ներածին չափով աշխատել հանուն մեր երկրի, հանուն մեր ժողովրդի։ Ես ակնկալում եմ սա նաև իմ թիմից։ Վստահ եմ, որ մեր ժողովուրդն ունի բոլոր ռեսուրսները այս բարդ փուլը հաղթահարելու համար»,–նշել է Ծառուկյանը։Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:Ավելի ուշ հայտնի դարձավ, որ «Արարատցեմենտը» և Երևանի «Արարատ» կոնյակի–գինու–օղու կոմբինատը հանձնվել են Հայաստանի Հանրապետության կառավարմանը, «Մուլտի Վելնես» մարզասրահի շենքն անցել է Երևանի քաղաքապետարանին, իսկ դատախազությունը պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գագիկ ծառուկյան, ուղերձ, քրեակատարողական հիմնարկ (քկհ), բարգավաճ հայաստան կուսակցություն (բհկ)
գագիկ ծառուկյան, ուղերձ, քրեակատարողական հիմնարկ (քկհ), բարգավաճ հայաստան կուսակցություն (բհկ)
Ծառուկյանը կալանավայրից իր թիմին կոչ է արել ակտիվորեն ներգրավվել երկրի հանրային կյանքում
11:21 12.09.2026 (Թարմացված է: 11:25 12.09.2026) ԲՀԿ առաջնորդը շեշտել է, որ այժմ շատ կարևոր է իր թիմի արդյունավետ համագործակցությունը՝ տարբեր քաղաքական, հասարակական միավորների, մասնագիտական խմբերի, ակտիվ քաղաքացիների, ինչպես նաև միջազգային գործընկերների հետ։
ԵՐԵՎԱՆ, 12 սեպտեմբերի – Sputnik. «Բարգավաճ Հայաստան» կուսակցության առաջնորդ Գագիկ Ծառուկյանն իր թիմին կոչ է արել ակտիվորեն ներգրավվել երկրի հանրային կյանքում, մասնակցել բոլոր կարևոր հարցերի քննարկմանը։ Այս մասին նա
ուղերձ է հղել «Երևան–Կենտրոն» ՔԿՀ–ից։
Նա նշել է, որ իրենց նախընտրական ծրագիրը` երկրի զարգացման համար, մնում է արդիական, և պետք է աշխատել այդ ուղղությամբ։
«Ե´վ խնդիրներն են մնում, և´ բարձրացված հարցերը, և´ առաջարկված լուծումները։ Դեռևս ամիսներ առաջ, երբ մեր թիմն աշխատում էր մեր ծրագրի վրա, ես ասում էի, որ սա մեկ ամսվա կամ մեկ ընտրության ծրագիր չէ։ Սա Հայաստանի զարգացման, վերականգնման ծրագիրն է, որը բարձրացնում է շատ հարցեր ու տալիս շատ լուծումներ։ Ես նույնը ասում եմ հիմա, երբ զրկված եմ ժողովրդի հետ շփվելու հնարավորությունից»,–գրել է Ծառուկյանը։
Նա շեշտել է, որ այժմ շատ կարևոր է իր թիմի արդյունավետ համագործակցությունը՝ տարբեր քաղաքական, հասարակական միավորների, մասնագիտական խմբերի, ակտիվ քաղաքացիների, ինչպես նաև միջազգային գործընկերների հետ։
«Մեր բոլորի խնդիրը պետք է լինի ուժերի ներածին չափով աշխատել հանուն մեր երկրի, հանուն մեր ժողովրդի։ Ես ակնկալում եմ սա նաև իմ թիմից։ Վստահ եմ, որ մեր ժողովուրդն ունի բոլոր ռեսուրսները այս բարդ փուլը հաղթահարելու համար»,–նշել է Ծառուկյանը։
Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի
առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող
ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։
Ծառուկյանը հուլիսի 6-ին
ձերբակալվեց, իսկ հաջորդ օրը
կալանավորվեց։ Գործարարը և ևս մեկ անձ
մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:
Ավելի ուշ հայտնի դարձավ, որ
«Արարատցեմենտը» և Երևանի «Արարատ» կոնյակի–գինու–օղու
կոմբինատը հանձնվել են Հայաստանի Հանրապետության կառավարմանը, «Մուլտի Վելնես» մարզասրահի շենքն
անցել է Երևանի քաղաքապետարանին, իսկ դատախազությունը
պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։
