https://arm.sputniknews.ru/20250321/databzhshkakan-pvordzaqnnutjuny-chi-hastatel-arcakhci-tigran-ulubabjani-dazhan-tsetsy-nakharar-86999138.html
Դատաբժշկական փորձաքննությունը չի հաստատել արցախցի Տիգրան Ուլուբաբյանի դաժան ծեծը. նախարար
Դատաբժշկական փորձաքննությունը չի հաստատել արցախցի Տիգրան Ուլուբաբյանի դաժան ծեծը. նախարար
Sputnik Արմենիա
Արփինե Սարգսյանը վստահեցրեց, որ այս դեպքով օբյեկտիվ քննություն է իրականացվելու և կոչ արեց միակողմանի չքննարկել այս հարցը։ 21.03.2025, Sputnik Արմենիա
2025-03-21T14:41+0400
2025-03-21T14:41+0400
2025-03-21T14:56+0400
տիգրան ուլուբաբյան
արփինե սարգսյան
ծեծ
նախարար
ոստիկան
խոշտանգում
https://cdn.am.sputniknews.ru/img/07e9/01/10/84823049_0:84:1600:984_1920x0_80_0_0_ec6c7f5c77673cccb8e038e3ad28249f.jpg.webp
ԵՐԵՎԱՆ, 21 մարտի – Sputnik. Արցախցի Տիգրան Ուլուբաբյանի ծեծի դեպքով հարուցվել է ծառայողական քննություն և զուգահեռ ՀՀ քննչական կոմիտեում կա քրեական վարույթ։ Այս մասին ՀՀ ԱԺ պաշտպանության և անվտանգության հարցերի մշտական հանձնաժողովի նիստում ասաց ՀՀ ներքին գործերի նախարար Արփինե Սարգսյանը` պատասխանելով «Հայաստան» խմբակցության պատգամավոր Աննա Գրիգորյանի հարցին։Ինչպես ավելի վաղ հայտնել էինք, փաստաբան Ռոման Երիցյանը մարտի 17–ին ասել էր, որ 28-ամյա Տիգրան Ուլուբաբյանին մի խումբ ոստիկաններ ծեծի են ենթարկել ոստիկանության Վանաձորի բաժնում` պահանջելով իր վրա վերցնել բարեկամի` 28-ամյա կնոջ և նրա մանկահասակ երեխայի նկատմամբ տեղի ունեցած ավազակային հարձակման մեղքը։Նախարար Սարգսյանը նշեց, որ տեղյակ և՛ դեպքի, և՛ այն մասին, թե հանրային տիրույթում ինչ քննարկումներ են ծավալվում այս թեմայով, սակայն որպես ՆԳ նախարար, անմիտ է համարում մտնել տեղեկատվական հոսքի մեջ և հընթացս հայտարարել այնպիսի փաստեր, որոնք դեռևս պետք ճշտվեն։Նա անդրադարձավ այն հայտարարություններին, որ ՀՀ–ն չի պաշտպանում ԼՂ–ից բռնի տեղահանվածներին, և նրանց ոստիկաններից պետք է պաշտպանել։Նա վստահեցրեց, որ խոշտանգման հետ կապված ցանկացած ահազանգ մտահոգիչ է համարում հատկապես այն պայմանններում, երբ խոսք է գնում իր գլխավորած կառույցի մասին։ Նախարարն ընդգծեց, որ այս դեպքով օբյեկտիվ քննություն է իրականացվելու և կոչ արեց միակողմանի չքննարկել այս հարցը։ Նախարարը նշեց, որ համապատասխան առաջարկ է ուղարկել ՀՀ գլխավոր դատախազին ու քննչական կոմիտեի նախագահին, արդարադատության նախարարին, ՄԻՊ–ին և քաղաքացիական հասարակության ներկայացուցիչներին, որպեսզի ձևավորեն աշխատանքային խումբ` հասկանալու` ինչ անելիքներ կան մարդու իրրավունքների ու խոշտանգումների փաստերով։Սարգսյանը նաև հայտարարեց, որ համացանցում տարածված հայտնի լուսանկարը, որտեղ ոստիկաններն օգնում են ծեծված երիտասարդին դուրս գալ բաժանմունքից, ընդհանրապես կապ չունի Ուլուբաբյանի դեպքի հետ։Եզրափակելով խոսքը` ՆԳ նախարարը տեղեկացրեց, որ երեկ ստացել է դատաբժշկական փորձաքննության արդյունքը, և այնտեղ պետք է լիներ ավելի բարդ նկարագրություն, եթե 8 հոգով ինտենսիվ ծեծած լինեին Ուլուբաբյանին, մինչդեռ այդ հանգամանքը չի հաստատվել փորձաքննությամբ։Հիշեցնենք, որ մարտի 19–ին քաղաքացիները բողոքի ակցիա են անում ՔԿ–ի դիմաց` պահանջելով օրենքի ամբողջ խստությամբ պատասխանատվության ենթարկել Վանաձորի ոստիկանական բաժնում 28-ամյա Տիգրան Ուլուբաբյանին խոշտանգած ոստիկաններին։ Նրանք շուրջ կես ժամով փակեցին Մամիկոնյանց փողոցը, ապա բացեցին, քանի որ պարզվեց` ՔԿ ներկայացուցիչներից մեկն ասել է, որ պատրաստ է ընդունել Ռոման Երիցյանին և Տիգրան Ուլուբաբյանին։ Հանդիպումից հետո փաստաբանը հայտնեց, որ ՔԿ–ն առաջարկել է մարտի 20-ին լրացուցիչ հարցաքննություն կազմակերպել։Տիգրան Ուլուբաբյանն այսօր հստակ մատնանշելու է իրեն ծեծած երկու ոստիկաններին․ ԵրիցյանՄարտի 20–ին` հարցաքննությունից հետո, Երիցյանը հայտարարեց, որ Տիգրանն իր խոշտանգման դեպքով 2 ոստիկանի անուն է տվել, առկա են ոստիկաններին ձերբակալելու հիմքեր, բայց ՔԿ–ն անհիմն հրաժարվում է ձերբակալել ոստիկաններին։Հավելենք, որ Վանաձորի ոստիկանությունում Տիգրան Ուլուբաբյանին բռնnւթյան ենթարկելու հաղորդման հիման վրա քրեական վարույթ է նախաձեռնվել Քրեական օրենսգրքի 450-րդ հոդվածի 2-րդ մասի 7-րդ կետի հատկանիշներով (մի խումբ անձանց կողմից կատարված խոշտանգում)։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տիգրան ուլուբաբյան, արփինե սարգսյան, ծեծ, նախարար, ոստիկան, խոշտանգում
տիգրան ուլուբաբյան, արփինե սարգսյան, ծեծ, նախարար, ոստիկան, խոշտանգում
Դատաբժշկական փորձաքննությունը չի հաստատել արցախցի Տիգրան Ուլուբաբյանի դաժան ծեծը. նախարար
14:41 21.03.2025 (Թարմացված է: 14:56 21.03.2025) Արփինե Սարգսյանը վստահեցրեց, որ այս դեպքով օբյեկտիվ քննություն է իրականացվելու և կոչ արեց միակողմանի չքննարկել այս հարցը։
ԵՐԵՎԱՆ, 21 մարտի – Sputnik. Արցախցի Տիգրան Ուլուբաբյանի ծեծի դեպքով հարուցվել է ծառայողական քննություն և զուգահեռ ՀՀ քննչական կոմիտեում կա քրեական վարույթ։ Այս մասին ՀՀ ԱԺ պաշտպանության և անվտանգության հարցերի մշտական հանձնաժողովի նիստում ասաց ՀՀ ներքին գործերի նախարար Արփինե Սարգսյանը` պատասխանելով «Հայաստան» խմբակցության պատգամավոր Աննա Գրիգորյանի հարցին։
Ինչպես ավելի վաղ
հայտնել էինք, փաստաբան Ռոման Երիցյանը մարտի 17–ին ասել էր, որ 28-ամյա Տիգրան Ուլուբաբյանին մի խումբ ոստիկաններ ծեծի են ենթարկել ոստիկանության Վանաձորի բաժնում` պահանջելով իր վրա վերցնել բարեկամի` 28-ամյա կնոջ և նրա մանկահասակ երեխայի նկատմամբ տեղի ունեցած ավազակային հարձակման մեղքը։
Նախարար Սարգսյանը նշեց, որ տեղյակ և՛ դեպքի, և՛ այն մասին, թե հանրային տիրույթում ինչ քննարկումներ են ծավալվում այս թեմայով, սակայն որպես ՆԳ նախարար, անմիտ է համարում մտնել տեղեկատվական հոսքի մեջ և հընթացս հայտարարել այնպիսի փաստեր, որոնք դեռևս պետք ճշտվեն։
Նա անդրադարձավ այն հայտարարություններին, որ ՀՀ–ն չի պաշտպանում ԼՂ–ից բռնի տեղահանվածներին, և նրանց ոստիկաններից պետք է պաշտպանել։
«Պիտի հստակ արձանագրեմ, որ ԼՂ–ից բռնի տեղահանված մեր հայրենակիցներն առանց այն էլ հիմա խոցելի վիճակում են, և հիմա անընդհատ փորձել էմոցիոնալ դաշտ ստեղծել նրանց համար` ոչ մեկի համար օգուտ բերող պրոցես չէ։ Այդպես ավելի են թիրախավորվում մեր հայրենակիցները։ Այս պառակտիչ գործողությունները պետք է դադարեցվեն ընդհանուր հանրային խոսույթում, քանի որ դա առնվազն բարոյական չէ։ Պատասխանատու կերպով հայտարարում եմ` Հայաստանում լինի ՀՀ քաղաքացի, թե ԼՂ–ից բռնի տեղահանված անձ, եթե կա անձի իրավունքների խախտման հետ կապված հարց, չկա որևէ տարբերություն, որովհետև մենք գործ ունենք մարդու հետ»,– հայտարարեց Սարգսյանը։
Նա վստահեցրեց, որ խոշտանգման հետ կապված ցանկացած ահազանգ մտահոգիչ է համարում հատկապես այն պայմանններում, երբ խոսք է գնում իր գլխավորած կառույցի մասին։ Նախարարն ընդգծեց, որ այս դեպքով օբյեկտիվ քննություն է իրականացվելու և կոչ արեց միակողմանի չքննարկել այս հարցը։ Նախարարը նշեց, որ համապատասխան առաջարկ է ուղարկել ՀՀ գլխավոր դատախազին ու քննչական կոմիտեի նախագահին, արդարադատության նախարարին, ՄԻՊ–ին և քաղաքացիական հասարակության ներկայացուցիչներին, որպեսզի ձևավորեն աշխատանքային խումբ` հասկանալու` ինչ անելիքներ կան մարդու իրրավունքների ու խոշտանգումների փաստերով։
Սարգսյանը նաև հայտարարեց, որ համացանցում տարածված հայտնի լուսանկարը, որտեղ ոստիկաններն օգնում են ծեծված երիտասարդին դուրս գալ բաժանմունքից, ընդհանրապես կապ չունի Ուլուբաբյանի դեպքի հետ։
Եզրափակելով խոսքը` ՆԳ նախարարը տեղեկացրեց, որ երեկ ստացել է դատաբժշկական փորձաքննության արդյունքը, և այնտեղ պետք է լիներ ավելի բարդ նկարագրություն, եթե 8 հոգով ինտենսիվ ծեծած լինեին Ուլուբաբյանին, մինչդեռ այդ հանգամանքը չի հաստատվել փորձաքննությամբ։
«Եթե պարզվի, որ կա կեղծ մեղադրանք ոստիկանների նկատմամբ, ապա վրա կհասնի պատասխանատվություն տվյալ անձի նկատմամբ` սուտ մատնության համար»,– տեղեկացրեց նախարարը` ավելացնելով` եթե կրկնակի փորձաքննության կարիք լինի, կնշանակվի։
Հիշեցնենք, որ մարտի 19–ին
քաղաքացիները բողոքի ակցիա են անում ՔԿ–ի դիմաց` պահանջելով օրենքի ամբողջ խստությամբ պատասխանատվության ենթարկել Վանաձորի ոստիկանական բաժնում 28-ամյա Տիգրան Ուլուբաբյանին խոշտանգած ոստիկաններին։ Նրանք շուրջ կես ժամով
փակեցին Մամիկոնյանց փողոցը, ապա բացեցին, քանի որ պարզվեց` ՔԿ ներկայացուցիչներից մեկն ասել է, որ պատրաստ է ընդունել Ռոման Երիցյանին և Տիգրան Ուլուբաբյանին։ Հանդիպումից հետո
փաստաբանը հայտնեց, որ ՔԿ–ն առաջարկել է մարտի 20-ին լրացուցիչ հարցաքննություն կազմակերպել։
Մարտի 20–ին` հարցաքննությունից հետո,
Երիցյանը հայտարարեց, որ Տիգրանն իր խոշտանգման դեպքով 2 ոստիկանի անուն է տվել, առկա են ոստիկաններին ձերբակալելու հիմքեր, բայց ՔԿ–ն անհիմն հրաժարվում է ձերբակալել ոստիկաններին։
Հավելենք, որ Վանաձորի ոստիկանությունում Տիգրան Ուլուբաբյանին բռնnւթյան ենթարկելու հաղորդման հիման վրա
քրեական վարույթ է նախաձեռնվել Քրեական օրենսգրքի 450-րդ հոդվածի 2-րդ մասի 7-րդ կետի հատկանիշներով (մի խումբ անձանց կողմից կատարված խոշտանգում)։
