https://arm.sputniknews.ru/20261014/rus-amerikjan-tntesakan-gvortsarqy-mez-hamar-hetevutjunner-anelu-lav-arit-e-tsarukjan-108087288.html
Ռուս-ամերիկյան տնտեսական գործարքը մեզ համար հետևություններ անելու լավ առիթ է. Ծառուկյան
Ռուս-ամերիկյան տնտեսական գործարքը մեզ համար հետևություններ անելու լավ առիթ է. Ծառուկյան
Sputnik Արմենիա
ԲՀԿ առաջնորդը խոսել է բաց թողնված տնտեսական հնարավորությունների և դրանց հետևանքների մասին։ 14.10.2026, Sputnik Արմենիա
2026-10-14T11:35+0400
2026-10-14T11:35+0400
2026-10-14T11:44+0400
գագիկ ծառուկյան
հայաստան
ռուսաստան
ամն
տնտեսություն
https://cdn.am.imgsputniknews.ru/img/07ea/07/15/104858816_0:83:1600:983_1920x0_80_0_0_389aa5ec9b543c285ed0c3a4a55ecd6b.jpg
ԵՐԵՎԱՆ, 14 հոկտեմբերի - Sputnik. Ռուս-ամերիկյան վերջին խոշոր տնտեսական գործարքը մեզ համար հետևություններ անելու լավ առիթ է և պարտավորություն։ Այսպես է իր հերթական ուղերձը սկսել «Երևան–Կենտրոն» ՔԿՀ–ում պահվող «Բարգավաճ Հայաստան» կուսակցության առաջնորդ Գագիկ Ծառուկյանը։Ավելի վաղ ՌԴ–ի և ԱՄՆ–ի նախագահներ Վլադիմիր Պուտինն ու Դոնալդ Թրամփը հեռախոսազրույցի ընթացքում պայմանավորվածություն էինձեռք բերել Ռուսաստանից դիզվառելիքի մատակարարումների վերաբերյալ։ Թրամփիխոսքով` ԱՄՆ–ն շատ ուրախ է ռուսական դիզվառելիք ստանալու համար և ունի դրա կարիքը։ Կրեմլից էլ հայտնել էին, որ Ռուսաստանը հաստատել է նավթ և նավթամթերք ամերիկյան և համաշխարհային շուկաներ մատակարարելու պատրաստակամությունը։ԲՀԿ առաջնորդը կրկին ընդգծել է, որ երբեք չի կարելի հայտնվել խոշոր տերությունների շահերի բախման կենտրոնում։ Փոքր պետությունների համար դա միշտ ավարտվում է կորուստներով, իսկ երբեմն՝ ողբերգությամբ։«ԱՄՆ–ի և Ռուսաստանի նախագահները պաշտպանում են իրենց պետությունների տնտեսական շահերը, հետևաբար՝ իրենց ժողովուրդների շահերը, իրենց քաղաքացիների բարեկեցությունը։ Տնտեսությունը չի լինում արևմտամետ կամ ռուսամետ. սա ես վերջին մեկ տարում ասել եմ բազմաթիվ անգամներ, երբ տեսնում էի, որ մեր տնտեսության համար արհեստականորեն խնդիրներ են ստեղծվում»,–հիշեցրել է Ծառուկյանը` նկատի ունենալով արտահանման սահմանափակումները։Նա նշել է, որ մեր գյուղատնտեսությունը, արտահանողները կանգնած են ծանր խնդրի առջև. շատերը չեն դիմանալու, ուղղակի սնանկանալու են։Ծառուկյանը մոլորություն է համարել այն, որ ասում են` հենց Ռուսաստանի հետ խնդիրը լուծվի, միանգամից կվերսկսենք մեր արտադրանքի, գյուղմթերքի արտահանումը։«Վստահեցնում եմ` երբ այդ օրը գա, շատերը հայտնաբերելու են, որ իրենց տեղն արդեն զբաղեցրել են ուրիշները՝ այլ պետությունների արտադրանքով։ Ես էլ գիտեմ, դուք էլ գիտեք, թե հատկապես ո´ր պետության։ Տնտեսական կյանքը երբեք կանգ չի առնում, և դիմացինի սխալներից միշտ ուրիշներն օգտվում են։ Որքան երկար տևի այս վիճակը, այնքան ավելի մեծ ծավալով ենք կորուստներ արձանագրելու»,–նշել է ԲՀԿ առաջնորդը։Նրա խոսքով` անընդհատ արտաքին պարտք վերցնելով հնարավոր չէ տնտեսական կայուն զարգացում ապահովել։ Տնտեսությունը զարգանում է կառուցելով, ստեղծելով, ներդրումներ անելով։ Խլելու փորձերով, աշխատող հիմնարկները փակելով, կապարակնքելով, հազարավոր ընտանիքներ առանց աշխատանք ու առանց ապրուստի միջոց թողնելով՝ տնտեսություն չի զարգանում։«Մենք ունենք թե´ Ռուսաստանի, թե´ ԱՄՆ-ի, թե´ Եվրոպայի, թե´ Չինաստանի, թե´ հարևանների ու շատ-շատերի հետ փոխշահավետ համագործակցության լավ հնարավորություններ։ Բայց կարող ենք նաև ինքներս մեզ դնել ծանր վիճակում»,–եզրափակել է Ծառուկյանը։Հիշեցնենք, որ հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։Ծառուկյանը հենց նույն օրը ձերբակալվեց, իսկ հաջորդ օրը կալանավորվեց։Սեպտեմբերի 4-ին Երևանի առաջին ատյանի ընդհանուր իրավասության դատարանը որոշում կայացրեց Գագիկ Ծառուկյանի կալանքը ևս 2 ամսով երկարաձգել։ՀՀ հարկադիր կատարումն ապահովող ծառայությունը հոկտեմբերի 7-ին հայտնեց, որ արգելանք է կիրառվել Ծառուկյանին պատկանող շուրջ 29 անշարժ, 488 շարժական գույքի, 33 տրանսպորտային միջոցի, և 27 տարբեր ընկերություններում առկա բաժնեմասերի, ինչպես նաև վերջինիս հետ փոխկապակցված 40 իրավաբանական կազմակերպությունների բաժնեմասերի և բաժնետոմսերի, ինչպես նաև վերջիններիս պատկանող գույքի նկատմամբ։Ավելի ուշ հայտնի դարձավ, որ «Արարատցեմենտը» և Երևանի «Արարատ» կոնյակի–գինու–օղու կոմբինատը հանձնվել են Հայաստանի Հանրապետության կառավարմանը, «Մուլտի Վելնես» մարզասրահի շենքն անցել է Երևանի քաղաքապետարանին, իսկ դատախազությունը պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գագիկ ծառուկյան, հայաստան, ռուսաստան, ամն, տնտեսություն
գագիկ ծառուկյան, հայաստան, ռուսաստան, ամն, տնտեսություն
Ռուս-ամերիկյան տնտեսական գործարքը մեզ համար հետևություններ անելու լավ առիթ է. Ծառուկյան
11:35 14.10.2026 (Թարմացված է: 11:44 14.10.2026) ԲՀԿ առաջնորդը խոսել է բաց թողնված տնտեսական հնարավորությունների և դրանց հետևանքների մասին։
ԵՐԵՎԱՆ, 14 հոկտեմբերի - Sputnik. Ռուս-ամերիկյան վերջին խոշոր տնտեսական գործարքը մեզ համար հետևություններ անելու լավ առիթ է և պարտավորություն։ Այսպես է իր հերթական
ուղերձը սկսել «Երևան–Կենտրոն» ՔԿՀ–ում պահվող «Բարգավաճ Հայաստան» կուսակցության առաջնորդ Գագիկ Ծառուկյանը։
Ավելի վաղ ՌԴ–ի և ԱՄՆ–ի նախագահներ Վլադիմիր Պուտինն ու Դոնալդ Թրամփը հեռախոսազրույցի ընթացքում պայմանավորվածություն էինձեռք բերել Ռուսաստանից դիզվառելիքի մատակարարումների վերաբերյալ։ Թրամփիխոսքով` ԱՄՆ–ն շատ ուրախ է ռուսական դիզվառելիք ստանալու համար և ունի դրա կարիքը։ Կրեմլից էլ հայտնել էին, որ Ռուսաստանը հաստատել է նավթ և նավթամթերք ամերիկյան և համաշխարհային շուկաներ մատակարարելու պատրաստակամությունը։
ԲՀԿ առաջնորդը կրկին ընդգծել է, որ երբեք չի կարելի հայտնվել խոշոր տերությունների շահերի բախման կենտրոնում։ Փոքր պետությունների համար դա միշտ ավարտվում է կորուստներով, իսկ երբեմն՝ ողբերգությամբ։
«ԱՄՆ–ի և Ռուսաստանի նախագահները պաշտպանում են իրենց պետությունների տնտեսական շահերը, հետևաբար՝ իրենց ժողովուրդների շահերը, իրենց քաղաքացիների բարեկեցությունը։ Տնտեսությունը չի լինում արևմտամետ կամ ռուսամետ. սա ես վերջին մեկ տարում ասել եմ բազմաթիվ անգամներ, երբ տեսնում էի, որ մեր տնտեսության համար արհեստականորեն խնդիրներ են ստեղծվում»,–հիշեցրել է Ծառուկյանը` նկատի ունենալով արտահանման սահմանափակումները։
Նա նշել է, որ մեր գյուղատնտեսությունը, արտահանողները կանգնած են ծանր խնդրի առջև. շատերը չեն դիմանալու, ուղղակի սնանկանալու են։
«Հաճելի և անիրական խոստումների դիմաց մենք կանգնեցինք լուրջ խնդրի առաջ, որը հարյուր հազարավոր մեր քաղաքացիների բարեկեցությանն է վերաբերում։ Ես լավ գիտեմ, թե ինչքան դժվար է շուկա գտնել և մնալ այդ շուկաներում։ Դրա համար տարիների դժվար ու համառ աշխատանք է պահանջվում։ Բայց շուկա կարելի է կորցնել մեկ սխալի պատճառով, մեկ օրվա ընթացքում»,– գրել է նա։
Ծառուկյանը մոլորություն է համարել այն, որ ասում են` հենց Ռուսաստանի հետ խնդիրը լուծվի, միանգամից կվերսկսենք մեր արտադրանքի, գյուղմթերքի արտահանումը։
«Վստահեցնում եմ` երբ այդ օրը գա, շատերը հայտնաբերելու են, որ իրենց տեղն արդեն զբաղեցրել են ուրիշները՝ այլ պետությունների արտադրանքով։ Ես էլ գիտեմ, դուք էլ գիտեք, թե հատկապես ո´ր պետության։ Տնտեսական կյանքը երբեք կանգ չի առնում, և դիմացինի սխալներից միշտ ուրիշներն օգտվում են։ Որքան երկար տևի այս վիճակը, այնքան ավելի մեծ ծավալով ենք կորուստներ արձանագրելու»,–նշել է ԲՀԿ առաջնորդը։
Նրա խոսքով` անընդհատ արտաքին պարտք վերցնելով հնարավոր չէ տնտեսական կայուն զարգացում ապահովել։ Տնտեսությունը զարգանում է կառուցելով, ստեղծելով, ներդրումներ անելով։ Խլելու փորձերով, աշխատող հիմնարկները փակելով, կապարակնքելով, հազարավոր ընտանիքներ առանց աշխատանք ու առանց ապրուստի միջոց թողնելով՝ տնտեսություն չի զարգանում։
«Մենք ունենք թե´ Ռուսաստանի, թե´ ԱՄՆ-ի, թե´ Եվրոպայի, թե´ Չինաստանի, թե´ հարևանների ու շատ-շատերի հետ փոխշահավետ համագործակցության լավ հնարավորություններ։ Բայց կարող ենք նաև ինքներս մեզ դնել ծանր վիճակում»,–եզրափակել է Ծառուկյանը։
Հիշեցնենք, որ հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի
առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող
ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։
Ծառուկյանը հենց նույն օրը
ձերբակալվեց, իսկ հաջորդ օրը
կալանավորվեց։
Սեպտեմբերի 4-ին Երևանի առաջին ատյանի ընդհանուր իրավասության դատարանը որոշում կայացրեց Գագիկ Ծառուկյանի
կալանքը ևս 2 ամսով երկարաձգել։
ՀՀ հարկադիր կատարումն ապահովող ծառայությունը հոկտեմբերի 7-ին հայտնեց, որ
արգելանք է կիրառվել Ծառուկյանին պատկանող շուրջ 29 անշարժ, 488 շարժական գույքի, 33 տրանսպորտային միջոցի, և 27 տարբեր ընկերություններում առկա բաժնեմասերի, ինչպես նաև վերջինիս հետ փոխկապակցված 40 իրավաբանական կազմակերպությունների բաժնեմասերի և բաժնետոմսերի, ինչպես նաև վերջիններիս պատկանող գույքի նկատմամբ։
Ավելի ուշ հայտնի դարձավ, որ
«Արարատցեմենտը» և Երևանի «Արարատ» կոնյակի–գինու–օղու
կոմբինատը հանձնվել են Հայաստանի Հանրապետության կառավարմանը, «Մուլտի Վելնես» մարզասրահի շենքն
անցել է Երևանի քաղաքապետարանին, իսկ դատախազությունը
պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։
