Ծառուկյանին պատկանող գինու կոմբինատի կապարակնիքները հանվել են, բայց աշխատանքը չի վերսկսվել
11:58 17.07.2026 (Թարմացված է: 12:19 17.07.2026)
© Sputnik
Բաժանորդագրվել
Փաստաբանի խոսքով՝ քննչական մարմիններն ու ՊԵԿ աշխատակիցները ստուգումներ են իրականացնում։
ԵՐԵՎԱՆ, 17 հուլիսի – Sputnik. Երևանի «Արարատ» կոնյակի-գինու-օղու կոմբինատի կապարակնիքները հանվել են, սակայն կոմբինատը դեռ չի աշխատում։ Այս մասին հայտնում է Sputnik Արմենիայի թղթակիցը։ Նրա խոսքով՝ վարչական մասի աշխատակիցներին թույլ է տալիս ներս մտնել, գույքագրում է իրականացվում։
Ավելի վաղ Aysor.am-ի հետ զրույցում ԲՀԿ առաջնորդ Գագիկ Ծառուկյանի փաստաբան Էմին Խաչատրյանը հայտնել էր, որ կոմբինատում ստուգումներ են արվում։
«Քննչական մարմինները, ՊԵԿ աշխատակիցների մասնակցությամբ, ստուգումներ են իրականացնում: Ենթադրում եմ, որ ապրանքային մնացորդի ստուգումներ են կատարում»,- ասել էր Խաչատրյանը։
Ավելի վաղ կոմբինատի աշխատակիցները բողոքի ակցիա էին արել՝ պահանջելով վերաբացել գործարանը, թույլ տալ իրենց վերադառնալ աշխատանքի։ Կոմբինատի աշխատակիցների խոսքով՝ եթե պետական մարմինները հարցեր ունեն, ապա ստուգումները պետք է իրականացնեն առանց արտադրությունը կաթվածահար անելու։
Հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Այդ օրվանից ընկերությունների դռները կապարակնքված են, և աշխատանքը դադարեցված է։ Սկսել է աշխատել միայն «Արարատցեմենտ» գործարանը։ Արդեն մի քանի օր է` բոլոր ձեռնարկությունների աշխատակիցները բողոքի ակցիաներ են անում և ՔԿ–ից պահանջում, որ թույլ տան վերսկսել իրենց բնականոն աշխատանքը։
Գագիկ Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց 2 ամսով։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:
Հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Այդ օրվանից ընկերությունների դռները կապարակնքված են, և աշխատանքը դադարեցված է։ Սկսել է աշխատել միայն «Արարատցեմենտ» գործարանը։ Արդեն մի քանի օր է` բոլոր ձեռնարկությունների աշխատակիցները բողոքի ակցիաներ են անում և ՔԿ–ից պահանջում, որ թույլ տան վերսկսել իրենց բնականոն աշխատանքը։
Գագիկ Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց 2 ամսով։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:
