Ամերիկահայ պրոֆեսիոնալ պոկեր խաղացող, դերասան և ինտերնետային աստղ Դեն Բիլզերյանը ծնվել է 1980 թվականի դեկտեմբերի 7-ին Ֆլորիդայում։
Պրոֆեսիոնալ պոկերում Դեն Բիլզերյանի առաջին մեծ հաջողությունը եղել է 2009 թվականին՝ Պոկերի միջազգային մրցախաղին։ Նա հայտնվել է այդ մրցախաղին նվիրված հեռուստատեսային շոուի 6 դրվագում։ Այդ մրցախաղում նա գրավել է 180-րդ հորիզոնականը և հաղթել 36 626 դոլար: Համարվում է Victory Poker-ի հիմնադիրներից մեկը : 2010 թվականին Թվիթերում Bluff ամսագրի կողմից անվանվել է ամենածիծաղելի խաղացողներից մեկը։
2013 թվականին Դեն Բիլզերյանը մասնակցել է «Օլիմպոսի անկումը» ֆիլմի նկարահանումներին։ Ներդրել է մեկ միլիոն դոլար «Վերապրող» ֆիլմի ստեղծման համար և ստացել է դերերից մեկը։ 2014 թվականին նաև նկարահանվել է «Այլ կին» և «Մեծն հավասարեցնող» ֆիլմերում:
2018թ.-ի օգոստոսի 27-ին պոկերի արքան ժամանել է մայր հայրենիք։ Նրան ուղեկցում էր սևահեր մի գեղեցկուհի` Սուելին Մեդերեոսը, եղբայրը` Ադամը և հայրը` Փոլ Բիլզերյանը։ Նրանք իջևանել են Երևանի բարձրակարգ հյուրանոցներից մեկում։
Կանանց, ալկոհոլի, զենքի, մարիխուանայի և էքստրեմալ մարզաձևերի մոլի սիրահար, 37-ամյա Դեն Բիլզերյանը միշտ սոցցանցերի օգտատերերի ուշադրության կենտրոնում է. նա Instagram-ում ունի ավելի քան 23,5 միլիոն հետևորդ, իսկ Twitter-ում՝ 1,47 միլիոն։
![Ден Билзерян обедает в кафе на Северном проспекте (27 августа 2018). Еревaн Ден Билзерян обедает в кафе на Северном проспекте (27 августа 2018). Еревaн - Sputnik Արմենիա](https://cdn.am.sputniknews.ru/img/1409/71/14097144_0:14:1600:918_600x0_80_0_0_7476f0e5b16a53de3a6163b6ec6b3dc1.jpg)