ԵՐԵՎԱՆ, 28 օգոստոսի — Sputnik. Հայաստան ժամանած «պոկերի արքա» Դեն Բիլզերյանը նստեց ուղղաթիռ և մեկնեց Ստեփանակերտ։ Նա մի քանի կադր է հրապարկել Ինստագրամի իր էջում։
Բիլզերյանի հետ Արցախ մեկնեցին նրա հայրը, եղբայրը, ընկերուհիները, ինչպես նաև Ռոբերտ Քոչարյանի որդին՝ Լևոն Քոչարյանը։
Արցախի մարդու իրավունքների պաշտպան Ռուբեն Մելիքյանը Ֆեյսբուք սոցիալական ցանցի իր էջում արդեն լուսանկար է հրապարակել Բիլզերյանի հետ։
Բիլզերյանը Հայաստան է ժամանել օգոստոսի 27-ի առավոտյան մասնավոր ինքնաթիռով։
«Զվարթնոց» օդանավակայանում նրան դիմավորել են լրագրողներն ու երկրպագուները։ Նա հասցրել է հայկական անձնագիր ստանալ, զբոսնել Հայաստանի մայրաքաղաքում։
Զբոսանքի ժամանակ նրան ուղեկցել են երկու գեղեցկուհիներն ու ՀՀ երկրորդ նախագահ Ռոբերտ Քոչարյանի կրտսեր որդին` Լևոնը։
Երեկ` օգոստոսի 27-ին, նրանք մեկնել են Սևան, որտեղ Բիլզերյանի ընկերուհին լուսանկարվել է Սիրուշոյի հետ։
