https://arm.sputniknews.ru/20260624/vorvoshum-ka-himnavvorum-voch-rvobert-qvocharjani-pashtpany-kyhi-dem-nerkajacvats-hajci-masin-103789355.html

Որոշում կա, հիմնավորում` ոչ. Ռոբերտ Քոչարյանի պաշտպանը` ԿԸՀ–ի դեմ ներկայացված հայցի մասին

Որոշում կա, հիմնավորում` ոչ. Ռոբերտ Քոչարյանի պաշտպանը` ԿԸՀ–ի դեմ ներկայացված հայցի մասին

Sputnik Արմենիա

Արամ Օրբելյանի խոսքով՝ ԿԸՀ որոշման մեջ առկա են նաև ընթացակարգային խնդիրներ, ինչպես նաև նյութերին ծանոթանալու և դիրքորոշում ներկայացնելու հնարավորությունը... 24.06.2026, Sputnik Արմենիա

2026-06-24T12:46+0400

2026-06-24T12:46+0400

2026-06-24T12:46+0400

ռոբերտ քոչարյան

հայց

կենտրոնական ընտրական հանձնաժողով (կըհ)

դատարան

հհ դատախազություն

միջնորդություն

https://cdn.am.sputniknews.ru/img/07ea/06/18/103786530_0:78:1500:922_1920x0_80_0_0_afdf824c523b26ec9a842843dd2bf0b8.jpg

ԵՐԵՎԱՆ, 24 հունիսի – Sputnik. ՀՀ երկրորդ նախագահ, «Հայաստան» դաշինքի պատգամավորի թեկնածու Ռոբերտ Քոչարյանի` վարչական դատարան ներկայացված հայցի առանցքային խնդիրը ոչ թե քրեական գործի բովանդակությունն է, այլ այն, որ ԿԸՀ-ն իր որոշման մեջ չի ներկայացրել բավարար հիմնավորումներ, թե ինչու է համաձայնություն տվել դատախազության միջնորդությանը։ Այս մասին դատարանի դիմաց լրագրողների հետ զրույցում ասաց Քոչարյանի փաստաբան Արամ Օրբելյանը։Նշենք, որ ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը Կենտրոնական ընտրական հանձնաժողովի դեմ հայցադիմում է ներկայացրել վարչական դատարան։ Sputnik Արմենիայի տեղեկություններով` նա վիճարկում է ԿԸՀ–ի` հունիսի 17-ի որոշումը, որով հանձնաժողովը համաձայնություն տվեց, որ Քոչարյանի նկատմամբ քրեական գործ հարուցվի։Փաստաբանը նշեց, որ ԿԸՀ–ում քննվող վարույթի ընթացքում պաշտպանական կողմը մի շարք փաստարկներ է ներկայացրել՝ պնդելով, որ քրեական հետապնդումը իրավաչափ չէ, առկա են քաղաքական դրդապատճառների մասին կասկածներ, ինչպես նաև հարցեր են առաջանում գործընթացի ժամանակագրության վերաբերյալ։ Սակայն, նրա խոսքով, հանձնաժողովը հրաժարվել է այդ հարցերին բովանդակային գնահատական տալ։«Մենք շատ պարզ հարց ենք տվել՝ ի՞նչ պետք է լինի, որ համաձայնությունը մերժվի, որովհետև եթե իրավունք ունի համաձայնություն տալ, նշանակում է՝ իրավունք ունի նաև համաձայնություն չտալ։ Մենք պետք է հասկանանք ապացուցողական ստանդարտը՝ դա կարող է ցածր լինել, կարող է բարձր լինել»,– ասաց Օրբելյանը։Փաստաբանն ընդգծեց, որ ԿԸՀ-ն բոլոր ներկայացված առարկություններին պատասխանել է նույն տրամաբանությամբ՝ նշելով, թե դատարան չէ, իրավական գնահատականներ չի տալիս և քաղաքական հարցեր չի քննարկում։ Միևնույն ժամանակ, Օրբելյանի գնահատմամբ, վերջնական վարչական ակտում բացակայում են պատճառաբանությունները, որոնք կհիմնավորեին հանձնաժողովի որոշումը։Օրբելյանի խոսքով՝ առկա են նաև ընթացակարգային խնդիրներ։ Նրա պնդմամբ՝ նյութերին ծանոթանալու և դիրքորոշում ներկայացնելու հնարավորությունը լիարժեք չի ապահովվել, իսկ հանձնաժողովի որոշման հիմքերը դատարանում փաստացի ստիպված են պարզաբանել ոչ թե ԿԸՀ ներկայացուցիչները, այլ դատավարության մյուս մասնակիցները։Փաստաբանը շեշտեց, որ վարչական դատարանը չպետք է գնահատական տա անձի մեղավորության կամ քրեական հետապնդման հիմնավորվածության վերաբերյալ։ Նրա խոսքով՝ դատարանի առաքելությունն է ստուգել, թե արդյոք Կենտրոնական ընտրական հանձնաժողովը պատշաճ կերպով իրականացրել է իրեն վերապահված լիազորությունները և բավարար կերպով հիմնավորել է իր որոշումը։Հիշեցնենք՝ հունիսի 14-ի երեկոյան հայտնի դարձավ, որ Ռոբերտ Քոչարյանին «Զվարթնոց» օդանավակայանում թույլ չեն տվել մեկնել երկրից։ ՀՀ գլխավոր դատախազությունը հունիսի 16-ին դիմեց ՀՀ կենտրոնական ընտրական հանձնաժողով՝ «Հայաստան» կուսակցությունների դաշինքի պատգամավորի 3 թեկնածուի, այդ թվում` Քոչարյանի նկատմամբ քրեական հետապնդում հարուցելու և նրանց ազատությունից զրկելու համաձայնություն ստանալու միջնորդությամբ։Հունիսի 17-ին փաստաբան Արամ Օրբելյանը հայտարարեց` Քոչարյանին անձեռնմխելիությունից զրկելու և նրա նկատմամբ քրեական հետապնդում հարուցելու վերաբերյալ միջնորդության մեջ որևէ հանցագործություն նկարագրված չէ. գործը վերաբերում է 2004թ․ կատարված մի գործարքի, որը հաստատել է ՀՀ կառավարությունը, այդ որոշումը որևէ կերպ չի վիճարկվել, և Ռոբերտ Քոչարյանը որևէ կապ չունի այդ գործարքի հետ։

2026

Լուրեր

am_HY

ռոբերտ քոչարյան, հայց, կենտրոնական ընտրական հանձնաժողով (կըհ), դատարան, հհ դատախազություն, միջնորդություն