https://arm.sputniknews.ru/20260309/pastaban-ara-zvohrabjann-apacucvoghakan-baza-e-havaqum-3-datavvorneri-veraberjal-99652136.html
Փաստաբան Արա Զոհրաբյանն ապացուցողական բազա է հավաքում 3 դատավորների վերաբերյալ
Փաստաբան Արա Զոհրաբյանն ապացուցողական բազա է հավաքում 3 դատավորների վերաբերյալ
Sputnik Արմենիա
Այսօրվա նիստում փաստաբան Արա Զոհրաբյանն ինքնաբացարկի միջնորդություն է ներկայացրել դատավոր Սիմա Աբովյանին։ 09.03.2026, Sputnik Արմենիա
2026-03-09T18:49+0400
2026-03-09T18:49+0400
2026-03-09T19:21+0400
արա զոհրաբյան
ստեփան ասատրյան
դատավոր
հայ առաքելական եկեղեցի
https://cdn.am.sputniknews.ru/img/07ea/01/1a/98107558_0:83:1600:983_1920x0_80_0_0_e9446a803c4ef79c0f0ece86949db0ac.jpg
ԵՐԵՎԱՆ, 9 մարտի – Sputnik. Փաստաբան Արա Զոհրաբյանն ապացուցողական որոշակի բազա է հավաքում երեք դատավորների` Սիմա Աբովյանի, Էդգար Հովհաննիսյանի և Հովհաննես Մելքոնյանի նկատմամբ քրեական հետապնդում սկսելու համար։ Այդ մասին նա այսօր լրագրողներին ասաց Արմավիրի մարզի առաջին ատյանի ընդհանուր իրավասության դատարանի բակում։Ինչպես հայտնի է, փետրվարի 17–ին դատարանը որոշել էր, որ կարգալույծ արված քահանաներ Ստեփան Ասատրյանը (նախկինում՝ տեր Արամ) և Արամայիս Թախմազյանը (նախկինում՝ տեր Թադե) պետք է շարունակեն պաշտոնավարել, մինչև վերջնական դատական ակտի ուժի մեջ մտնելը։ Հաջորդ օրը` փետրվարի 18–ին, Զոհրաբյանը հայտարարեց, որ բարձրացնելու է Արմավիրի մարզի առաջին ատյանի ընդհանուր իրավասության դատարանի նախագահ Հովհաննես Մելքոնյանին, դատավորներ Սիմա Աբովյանին և Էդգար Հովհաննիսյանին քրեական պատասխանատվության ենթարկելու հարցը:Նշենք, որ այսօր դատարանը քննում էր Ստեփան Ասատրյանի (նախկինում` տեր Արամ) հոգևոր ծառայությունը դադարեցնելու վերաբերյալ Հայ առաքելական եկեղեցու հայցը։ Արա Զոհրաբյանն ընդգծեց, որ այս երեք դատավորները որոշակի ճնշման ներքո են գործում, քանի որ նման ակնառու ապօրինի որոշում չէին կարող կայացնել։Ըստ նրա` դատավորների այս որոշումներով արդեն քրեական պատասխանատվության սպառնալիք կա. քահանաները խնդրի առաջ են կանգնում` մի դեպքում պետք է ենթարկվեն դատարանի որոշմանը, հակադրվեն կրոնական համոզմունքներին, եկեղեցական կանոններին, որը հիմք կդառնա սրբապղծության, մյուս կողմից էլ, եթե պահեն եկեղեցու կանոնները, կստացվի, որ իրավախախտ են։Հավելենք, որ այսօրվա նիստի ժամանակ Զոհրաբյանն ինքնաբացարկի միջնորդություն է ներկայացրել դատավոր Սիմա Աբովյանին։ Այդ մասին որոշումը կհրապարակվի հաջորդ դատական նիստի ժամանակ` մարտի 12–ին` ժամը 14։00–ին։Հիշեցնենք` հոկտեմբերի 21–ին Ամենայն հայոց կաթողիկոս Գարեգին Երկրորդի տնօրինությամբ կարգալույծ է հռչակվել տեր Արամ քահանա Ասատրյանը (ավազանի անունը` Ստեփան Ասատրյան): ՀԱԵ-ի կողմից կարգալույծ արված, իրեն Նիկոլ Փաշինյանի անվերապահ աջակից հռչակած Ստեփան Ասատրյանը, սակայն, հոկտեմբերի 26-ին ինքնահռչակ կերպով «պատարագ» է հայտարարել Հովհաննավանք եկեղեցում՝ հրապարակավ սպառնալով 10.000 մարդու ներկայություն ապահովել այդ միջոցառմանը, որին իր մասնակցության մասին նախապես հայտարարել էր նաև Նիկոլ Փաշինյանը:Հոկտեմբերի 23-ին Մայր աթոռը Ասատրյանից պահանջել էր ազատել Հովհաննավանքը և եկեղեցու բանալիները հանձնել Արագածոտնի թեմի վարչական խորհրդի ատենապետ տեր Շնորհք աբեղա Պալոյանին, իսկ Մայր աթոռի կողմից ծառայողական նպատակներով տրամադրված բնակարանն ազատել մինչև 2026 թվականի հունվարի 15-ը։ Այդ պահանջները չկատարելու պատճառով Հայ առաքելական եկեղեցին հունվարին հայց էր ներկայացրել Ստեփան Ասատրյանի դեմ (տեր Արամ)։ Դատավորներ Սիմա Աբովյանը և Հովհաննես Մելքոնյանը պարտավորեցրել էին Հայաստանյայց առաքելական Սուրբ եկեղեցուն և այլ անձանց ամբողջությամբ և առանց խոչընդոտ ապահովել նախկին քահանաներ Ստեփան Ասատրյանի և Արամայիս Թախմազյանի պաշտոնավարումը հոգևոր հովվի պաշտոնում, իսկ Էդգար Հովհաննիսյանն էլ պարտավորեցրել է եկեղեցուն ապահովել, որ Արման Սարոյանը (նախկինում՝ Գևորգ եպիսկոպոս Սարոյան) պաշտոնավարի Մասյացոտնի թեմի առաջնորդի պաշտոնում։ Հայ առաքելական եկեղեցին հայց է ներկայացրել այս որոշումների դեմ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արա զոհրաբյան, ստեփան ասատրյան, դատավոր, հայ առաքելական եկեղեցի
արա զոհրաբյան, ստեփան ասատրյան, դատավոր, հայ առաքելական եկեղեցի
Փաստաբան Արա Զոհրաբյանն ապացուցողական բազա է հավաքում 3 դատավորների վերաբերյալ
18:49 09.03.2026 (Թարմացված է: 19:21 09.03.2026) Այսօրվա նիստում փաստաբան Արա Զոհրաբյանն ինքնաբացարկի միջնորդություն է ներկայացրել դատավոր Սիմա Աբովյանին։
ԵՐԵՎԱՆ, 9 մարտի – Sputnik. Փաստաբան Արա Զոհրաբյանն ապացուցողական որոշակի բազա է հավաքում երեք դատավորների` Սիմա Աբովյանի, Էդգար Հովհաննիսյանի և Հովհաննես Մելքոնյանի նկատմամբ քրեական հետապնդում սկսելու համար։ Այդ մասին նա այսօր լրագրողներին ասաց Արմավիրի մարզի առաջին ատյանի ընդհանուր իրավասության դատարանի բակում։
Ինչպես հայտնի է, փետրվարի 17–ին դատարանը որոշել էր, որ կարգալույծ արված քահանաներ Ստեփան Ասատրյանը (նախկինում՝ տեր Արամ) և Արամայիս Թախմազյանը (նախկինում՝ տեր Թադե) պետք է շարունակեն պաշտոնավարել, մինչև վերջնական դատական ակտի ուժի մեջ մտնելը։ Հաջորդ օրը` փետրվարի 18–ին, Զոհրաբյանը հայտարարեց, որ բարձրացնելու է Արմավիրի մարզի առաջին ատյանի ընդհանուր իրավասության դատարանի նախագահ Հովհաննես Մելքոնյանին, դատավորներ Սիմա Աբովյանին և Էդգար Հովհաննիսյանին քրեական պատասխանատվության ենթարկելու հարցը:
Նշենք, որ այսօր դատարանը քննում էր Ստեփան Ասատրյանի (նախկինում` տեր Արամ) հոգևոր ծառայությունը դադարեցնելու վերաբերյալ Հայ առաքելական եկեղեցու հայցը։ Արա Զոհրաբյանն ընդգծեց, որ այս երեք դատավորները որոշակի ճնշման ներքո են գործում, քանի որ նման ակնառու ապօրինի որոշում չէին կարող կայացնել։
«Ի՞նչ է նշանակում աշխարհիկ անձին պարտադրել, որ նա քահանայի գործառույթ կատարի։ Ես նման բան չեմ լսել. դատարանն իրավունք չունի մտնելու հոգևոր տիրույթ, դա արգելված է օրենքով։ Այս դատավորներն անտեսում են օրենքի պահանջը` որոշումներ կայացնելով, որ կարգալույծ քահանաները շարունակեն իրենց գործառույթները։ Այս որոշումն իր հետևանքներն է ունենալու։ Նրանք պետք է պատասխանատվության ենթարկվեն, քանի որ շատ ծանր գործողություն են կատարել։ Իրենք հատել են կարմիր գիծը»,– ընդգծեց փաստաբանը։
Ըստ նրա` դատավորների այս որոշումներով արդեն քրեական պատասխանատվության սպառնալիք կա. քահանաները խնդրի առաջ են կանգնում` մի դեպքում պետք է ենթարկվեն դատարանի որոշմանը, հակադրվեն կրոնական համոզմունքներին, եկեղեցական կանոններին, որը հիմք կդառնա սրբապղծության, մյուս կողմից էլ, եթե պահեն եկեղեցու կանոնները, կստացվի, որ իրավախախտ են։
Հավելենք, որ այսօրվա նիստի ժամանակ Զոհրաբյանն ինքնաբացարկի միջնորդություն է ներկայացրել դատավոր Սիմա Աբովյանին։ Այդ մասին որոշումը կհրապարակվի հաջորդ դատական նիստի ժամանակ` մարտի 12–ին` ժամը 14։00–ին։
Հիշեցնենք` հոկտեմբերի 21–ին Ամենայն հայոց կաթողիկոս Գարեգին Երկրորդի տնօրինությամբ
կարգալույծ է հռչակվել տեր Արամ քահանա Ասատրյանը (ավազանի անունը` Ստեփան Ասատրյան): ՀԱԵ-ի կողմից կարգալույծ արված, իրեն Նիկոլ Փաշինյանի անվերապահ աջակից հռչակած Ստեփան Ասատրյանը, սակայն, հոկտեմբերի 26-ին ինքնահռչակ կերպով
«պատարագ» է հայտարարել Հովհաննավանք եկեղեցում՝ հրապարակավ սպառնալով 10.000 մարդու ներկայություն ապահովել այդ միջոցառմանը, որին
իր մասնակցության մասին նախապես հայտարարել էր նաև Նիկոլ Փաշինյանը:
Հոկտեմբերի 23-ին Մայր աթոռը Ասատրյանից
պահանջել էր ազատել Հովհաննավանքը և եկեղեցու բանալիները հանձնել Արագածոտնի թեմի վարչական խորհրդի ատենապետ տեր Շնորհք աբեղա Պալոյանին, իսկ Մայր աթոռի կողմից ծառայողական նպատակներով տրամադրված բնակարանն ազատել մինչև 2026 թվականի հունվարի 15-ը։
Այդ պահանջները չկատարելու պատճառով Հայ առաքելական եկեղեցին հունվարին հայց էր ներկայացրել
Ստեփան Ասատրյանի դեմ (տեր Արամ)։ Դատավորներ Սիմա Աբովյանը և Հովհաննես Մելքոնյանը
պարտավորեցրել էին Հայաստանյայց առաքելական Սուրբ եկեղեցուն և այլ անձանց ամբողջությամբ և առանց խոչընդոտ ապահովել նախկին քահանաներ Ստեփան Ասատրյանի և Արամայիս Թախմազյանի պաշտոնավարումը հոգևոր հովվի պաշտոնում, իսկ Էդգար Հովհաննիսյանն էլ պարտավորեցրել է եկեղեցուն ապահովել, որ Արման Սարոյանը (նախկինում՝ Գևորգ եպիսկոպոս Սարոյան) պաշտոնավարի Մասյացոտնի թեմի առաջնորդի պաշտոնում։ Հայ առաքելական եկեղեցին հայց է ներկայացրել այս որոշումների դեմ։
