https://arm.sputniknews.ru/20251024/stepan-asatrjany-hrazharvum-e-handznel-ekeghecu-banalinery-majr-atvor-95047351.html
Ստեփան Ասատրյանը հրաժարվում է հանձնել եկեղեցու բանալիները. Մայր աթոռ
Ստեփան Ասատրյանը հրաժարվում է հանձնել եկեղեցու բանալիները. Մայր աթոռ
Sputnik Արմենիա
Գերագույն հոգևոր խորհուրդը դատապարտում է Նիկոլ Փաշինյանի նախաձեռնությունը` նշելով, որ նա եկեղեցին պառակտելու հերթական փորձն է անում։ 24.10.2025, Sputnik Արմենիա
2025-10-24T15:18+0400
2025-10-24T15:18+0400
2025-10-24T15:28+0400
հայաստան
մայր աթոռ սուրբ էջմիածին
նիկոլ փաշինյան
տեր արամ քահանա ասատրյան
https://cdn.am.sputniknews.ru/img/07e9/0a/15/94913087_0:167:1600:1067_1920x0_80_0_0_65a6cd3ac4d06abbf5cc2b73ad469258.jpg
ԵՐԵՎԱՆ, 24 հոկտեմբերի – Sputnik. Կարգալույծ արված Ստեփան Ասատրյանը հրաժարվում է հանձնել եկեղեցու բանալիները և ազատել Հովհաննավանքի տարածքը։ Տեղեկությունը հայտնում է Մայր աթոռի տեղեկատվական համակարգը` հրապարակելով Գերագույն հոգևոր խորհրդի հայտարարությունը։Հոկտեմբերի 21–ին Ամենայն հայոց կաթողիկոս Գարեգին Երկրորդի տնօրինությամբ կարգալույծ է հռչակվել տեր Արամ քահանա Ասատրյանը (ավազանի անունը` Ստեփան Ասատրյան): Հիմք է ծառայել Արագածոտնի թեմի առաջնորդի զեկուցագիրը և Հայաստանյայց առաքելական սուրբ եկեղեցու Մայր աթոռ սուրբ Էջմիածնի Պարգևների շնորհման և կարգապահական հարցերի հանձնախմբի եզրակացությունը։Մայր աթոռը տեղեկացնում է, որ Ստեփան Ասատրյանից պահանջվել է հոկտեմբերի 23-ին ազատել Հովհաննավանքը և եկեղեցու բանալիները հանձնել Արագածոտնի թեմի վարչական խորհրդի ատենապետ տեր Շնորհք աբեղա Պալոյանին, իսկ Մայր աթոռի կողմից ծառայողական նպատակներով տրամադրված բնակարանն ազատել մինչև 2026 թվականի հունվարի 15-ը։Հոգևոր խորհուրդը նշել է, որ կարգալույծ արված քահանայի կարգազանց ընթացքի հետևանքով Մայր աթոռի կողմից ձեռնարկված կարգապահական միջոցառումները և կայացված կարգալուծության որոշումը անհարկի շահարկում են իշխող քաղաքական ուժի ներկայացուցիչները։Նշվում է, որ եկեղեցիները, վանքերը և այլ սրբավայրերը եկեղեցու ժառանգությունն են, և, անկախ այդ պատմամշակութային արժեքների նկատմամբ սեփականության իրավունքից, կրոնական ծեսեր կատարելու և պատարագներ մատուցելու կանոնական իրավունքը բացառապես վերապահված է Հայ առաքելական եկեղեցուն։Գերագույն հոգևոր խորհուրդը իրավապահ մարմիններին հորդորում է կանխել ապօրինությունները և ապահովել Հովհաննավանքում սպասավորող քահանաների բնականոն ծառայությունը և սրբավայրի հոգևոր-աղոթական մթնոլորտը։Հիշեցնենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը և Արագածոտնի թեմի դիվանապետ Գարեգին Արսենյանը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, մայր աթոռ սուրբ էջմիածին, նիկոլ փաշինյան, տեր արամ քահանա ասատրյան
հայաստան, մայր աթոռ սուրբ էջմիածին, նիկոլ փաշինյան, տեր արամ քահանա ասատրյան
Ստեփան Ասատրյանը հրաժարվում է հանձնել եկեղեցու բանալիները. Մայր աթոռ
15:18 24.10.2025 (Թարմացված է: 15:28 24.10.2025) Գերագույն հոգևոր խորհուրդը դատապարտում է Նիկոլ Փաշինյանի նախաձեռնությունը` նշելով, որ նա եկեղեցին պառակտելու հերթական փորձն է անում։
ԵՐԵՎԱՆ, 24 հոկտեմբերի – Sputnik. Կարգալույծ արված
Ստեփան Ասատրյանը հրաժարվում է հանձնել եկեղեցու բանալիները և ազատել Հովհաննավանքի տարածքը։ Տեղեկությունը հայտնում է
Մայր աթոռի տեղեկատվական համակարգը` հրապարակելով Գերագույն հոգևոր խորհրդի հայտարարությունը։
Հոկտեմբերի 21–ին Ամենայն հայոց կաթողիկոս Գարեգին Երկրորդի տնօրինությամբ
կարգալույծ է հռչակվել տեր Արամ քահանա Ասատրյանը (ավազանի անունը` Ստեփան Ասատրյան): Հիմք է ծառայել Արագածոտնի թեմի առաջնորդի զեկուցագիրը և Հայաստանյայց առաքելական սուրբ եկեղեցու Մայր աթոռ սուրբ Էջմիածնի Պարգևների շնորհման և կարգապահական հարցերի հանձնախմբի եզրակացությունը։
Մայր աթոռը տեղեկացնում է, որ Ստեփան Ասատրյանից պահանջվել է հոկտեմբերի 23-ին ազատել Հովհաննավանքը և եկեղեցու բանալիները հանձնել Արագածոտնի թեմի վարչական խորհրդի ատենապետ տեր Շնորհք աբեղա Պալոյանին, իսկ Մայր աթոռի կողմից ծառայողական նպատակներով տրամադրված բնակարանն ազատել մինչև 2026 թվականի հունվարի 15-ը։
«Ստեփան Ասատրյանը իրազեկվել է, որ Հովհաննավանքում այսուհետ ծեսերն իրականացնելու են տեղում սպասավորող քահանաները, և հորդոր է հղվել ձեռնպահ մնալ ծեսերի, այդ թվում՝ Սուրբ Պատարագի խորհրդի մատուցմանը որևէ կերպ խոչընդոտելուց, ինչը ոչ միայն կանոնական կոպտագույն խախտում է, այլև՝ քրեորեն պատժելի արարք։ Ստեփան Ասատրյանը, անտեսելով Մայր աթոռի օրինական պահանջները, հրաժարվում է հանձնել եկեղեցու բանալիները և ազատել Հովհաննավանքի տարածքը»,–ասված է հայտարարության մեջ։
Հոգևոր խորհուրդը նշել է, որ կարգալույծ արված քահանայի կարգազանց ընթացքի հետևանքով Մայր աթոռի կողմից ձեռնարկված կարգապահական միջոցառումները և կայացված կարգալուծության որոշումը անհարկի շահարկում են իշխող քաղաքական ուժի ներկայացուցիչները։
«Դատապարտելի է հատկապես վարչապետի աջակցությամբ Հովհաննավանքում սուրբ պատարագի անվան ներքո միջոցառում կազմակերպելու Ստեփան Ասատրյանի հոգեկործան նախաձեռնությունը։ Սա իշխող քաղաքական ուժի ղեկավարի կողմից եկեղեցին պառակտելու հերթական փորձ է` հակաօրինական ու հակաեկեղեցական իր բոլոր դրսևորումներով»,– ընդգծել է Գերագույն հոգևոր խորհուրդը։
Նշվում է, որ եկեղեցիները, վանքերը և այլ սրբավայրերը եկեղեցու ժառանգությունն են, և, անկախ այդ պատմամշակութային արժեքների նկատմամբ սեփականության իրավունքից, կրոնական ծեսեր կատարելու և պատարագներ մատուցելու կանոնական իրավունքը բացառապես վերապահված է Հայ առաքելական եկեղեցուն։
Գերագույն հոգևոր խորհուրդը իրավապահ մարմիններին հորդորում է կանխել ապօրինությունները և ապահովել Հովհաննավանքում սպասավորող քահանաների բնականոն ծառայությունը և սրբավայրի հոգևոր-աղոթական մթնոլորտը։
Հիշեցնենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես
կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ
Բագրատ արքեպիսկոպոս Գալստանյանը, Շիրակի թեմի առաջնորդ
Միքայել արքեպիսկոպոս Աջապահյանը, Արագածոտնի թեմի առաջնորդ
Մկրտիչ սրբազանը և Արագածոտնի թեմի դիվանապետ
Գարեգին Արսենյանը։
