https://arm.sputniknews.ru/20251107/iravapahnery-vtshrabek-dataranic-ajakcutjan-en-spasum-pastabany-karapetjani-gvortsi-masin-95594897.html
Իրավապահները Վճռաբեկ դատարանից աջակցության են սպասում․ փաստաբանը՝ Կարապետյանի գործի մասին
Իրավապահները Վճռաբեկ դատարանից աջակցության են սպասում․ փաստաբանը՝ Կարապետյանի գործի մասին
Sputnik Արմենիա
Արամ Վարդևանյանը նշել է, որ «մեր ձևով» արտահայտությունը հանցանք որակելու դրվագով հանրային քրեական հետապնդման ժամկետը 5 ամիս է ու այն առաջիկա օրերին լրանում է։ 07.11.2025, Sputnik Արմենիա
2025-11-07T16:33+0400
2025-11-07T16:33+0400
2025-11-07T16:33+0400
սամվել կարապետյան
արամ վարդևանյան
դատարան
դատ
քննիչ
https://cdn.am.sputniknews.ru/img/07e9/07/04/90980964_0:0:1601:901_1920x0_80_0_0_2b060393b330da49c4d21baf3255421d.jpg
ԵՐԵՎԱՆ, 7 նոյեմբերի - Sputnik. Գործարար Սամվել Կարապետյանի գործին կցված իրավապահները Վճռաբեկ դատարանից աջակցություն են ակնկալում։ Այս մասին «Ֆեյսբուքի» իր էջում գրել է փաստաբան Արամ Վարդևանյանը։Նա անդրադարձել է նաև «մեր ձևով» արտահայտությունը հանցանք որակելու դրվագին ու ընդգծել՝ այդ մասով հանրային քրեական հետապնդման ժամկետը 5 ամիս Է: 2025 թվականի հունիսի 17-ին հարուցման պայմաններում այդ ժամկետն առաջիկա օրերին լրանում է:Վարդևանյանը նշել է՝ 2025 թվականի օգոստոսի 15-ից մինչ օրս որևէ դատարան չի արձանագրել տնտեսական բնույթի մեղադրանքներով նույնիսկ հիմնավոր կասկածը։ Վերջին դատական ակտով քննչական մարմնին տրամադրվել էր 1 ամիս, որը խախտվել է: Ակնհայտ է, որ իրավապահները չեն հարգել դատարանի որոշումը։Սամվել Կարապետյանի փաստաբանը շեշտել է՝ ակնհայտ է, որ իրավապահներն ակնկալում են աջակցություն Վճռաբեկ դատարանից:«Վճռաբեկ դատարանը վարույթ է ընդունել դատախազության բողոքը 2025 թվականի հոկտեմբերի 24-ին։ Եթե Վճռաբեկ դատարանն այդ որոշումը չկայացնի մինչև նոյեմբերի 11-ը, ակնկալվող «աջակցությունը» կիմաստազրկվի: Մյուս կողմից Վճռաբեկ դատարանը, վարույթ ընդունելու պայմաններում, երբեք նման կարճ ժամանակահատվածում որոշում չի կայացրել»,- գրել է փաստաբանը։ Սամվել Կարապետյանի պաշտպանական թիմը ողջունել է ԵԽ պատգամավորի հայտարարությունըՀիշեցնենք` հունիսի 17-ին Սամվել Կարապետյանի տանը խուզարկություն իրականացվեց այն բանից հետո, երբ հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը 2 ամսով կալանավորվեց հունիսի 18-ին։ Օգոստոսի 15–ին Հակակոռուպցիոն դատարանի դատավոր Տիգրան Դավթյանը 2 ամսով երկարացրեց Սամվել Կարապետյանի կալանքի ժամկետը։Կարապետյանին մեղադրանք է առաջադրվել Քրեական օրենսգրքի 290 (Հարկերը, տուրքերը կամ այլ վճարներ չվճարել), 296 (Փողերի լվացում), 422 (Իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։Հոկտեմբերի 13-ին հայտնի դարձավ, որ Սամվել Կարապետյանի մեղադրանքը փոփոխվել է և նրան նոր մեղադրանք է առաջադրվել։ Մասնավորապես, ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սամվել կարապետյան, արամ վարդևանյան, դատարան, դատ, քննիչ
սամվել կարապետյան, արամ վարդևանյան, դատարան, դատ, քննիչ
Իրավապահները Վճռաբեկ դատարանից աջակցության են սպասում․ փաստաբանը՝ Կարապետյանի գործի մասին
Արամ Վարդևանյանը նշել է, որ «մեր ձևով» արտահայտությունը հանցանք որակելու դրվագով հանրային քրեական հետապնդման ժամկետը 5 ամիս է ու այն առաջիկա օրերին լրանում է։
ԵՐԵՎԱՆ, 7 նոյեմբերի - Sputnik. Գործարար Սամվել Կարապետյանի գործին կցված իրավապահները Վճռաբեկ դատարանից աջակցություն են ակնկալում։ Այս մասին
«Ֆեյսբուքի» իր էջում գրել է փաստաբան Արամ Վարդևանյանը։
«Սամվել Կարապետյանին մեղսագրվող իրավաբանությունից դուրս «կոչերի» դրվագը պարզ չէ ինչպես միացվել է տնտեսական բնույթի՝ վերջինիս հետ ոչ մի կերպ չառնչվող վարույթներին: Ի դեպ վարույթների անջատման վերաբերյալ միջնորդությունը հենց մենք ենք ներկայացրել։ Չենք հավատում, որ ՔԿ-ն կարող է դադարեցնել այս հետապնդումը, սակայն կարևոր է, որ նախաքննական գաղտնիքին, դռնփակ նիստերին վերջ տրվի: Նման մեծ քննչական խումբը (53 քննիչ) մինչ օրս մեզ նույնիսկ պատասխան չի տրամադրել»,- գրել է Վարդևանյանը։
Նա անդրադարձել է նաև «մեր ձևով» արտահայտությունը հանցանք որակելու դրվագին ու ընդգծել՝ այդ մասով հանրային քրեական հետապնդման ժամկետը 5 ամիս Է: 2025 թվականի հունիսի 17-ին հարուցման պայմաններում այդ ժամկետն առաջիկա օրերին լրանում է:
Վարդևանյանը նշել է՝ 2025 թվականի օգոստոսի 15-ից մինչ օրս որևէ դատարան չի արձանագրել տնտեսական բնույթի մեղադրանքներով նույնիսկ հիմնավոր կասկածը։ Վերջին դատական ակտով քննչական մարմնին տրամադրվել էր 1 ամիս, որը խախտվել է: Ակնհայտ է, որ իրավապահները չեն հարգել դատարանի որոշումը։
Սամվել Կարապետյանի փաստաբանը շեշտել է՝ ակնհայտ է, որ իրավապահներն ակնկալում են աջակցություն Վճռաբեկ դատարանից:
«Վճռաբեկ դատարանը վարույթ է ընդունել դատախազության բողոքը 2025 թվականի հոկտեմբերի 24-ին։ Եթե Վճռաբեկ դատարանն այդ որոշումը չկայացնի մինչև նոյեմբերի 11-ը, ակնկալվող «աջակցությունը» կիմաստազրկվի: Մյուս կողմից Վճռաբեկ դատարանը, վարույթ ընդունելու պայմաններում, երբեք նման կարճ ժամանակահատվածում որոշում չի կայացրել»,- գրել է փաստաբանը։
Հիշեցնենք` հունիսի 17-ին Սամվել Կարապետյանի տանը
խուզարկություն իրականացվեց այն բանից հետո, երբ հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը 2 ամսով կալանավորվեց հունիսի 18-ին։ Օգոստոսի 15–ին Հակակոռուպցիոն դատարանի դատավոր Տիգրան Դավթյանը
2 ամսով երկարացրեց Սամվել Կարապետյանի կալանքի ժամկետը։
Կարապետյանին մեղադրանք է առաջադրվել Քրեական օրենսգրքի 290 (Հարկերը, տուրքերը կամ այլ վճարներ չվճարել), 296 (Փողերի լվացում), 422 (Իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։
Հոկտեմբերի 13-ին հայտնի դարձավ, որ Սամվել Կարապետյանի
մեղադրանքը փոփոխվել է և նրան նոր մեղադրանք է առաջադրվել։ Մասնավորապես, ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։
