https://arm.sputniknews.ru/20251010/arseny-pashtvon-chi-uzum-eghbvorvordu-tshakatagirn-e-uzum-imanal-bvoghvoqi-akcia-erevanum-94458533.html
Արսենը պաշտոն չի ուզում, եղբորորդու ճակատագիրն է ուզում իմանալ․ բողոքի ակցիա Երևանում
Արսենը պաշտոն չի ուզում, եղբորորդու ճակատագիրն է ուզում իմանալ․ բողոքի ակցիա Երևանում
Sputnik Արմենիա
Ակցիայի մասնակիցները հույս ունեն, որ Ղուկասյանի նկատմամբ կիրառված խափանման միջոցը կփոխվի և նա տուն կվերադառնա, քանի որ կալանքն ուղիղ սպառնալիք է նրա կյանքի... 10.10.2025, Sputnik Արմենիա
2025-10-10T11:51+0400
2025-10-10T11:51+0400
2025-10-10T19:53+0400
բողոքի ակցիա
արսեն ղուկասյան
հհ դատախազություն
հհ գլխավոր դատախազություն
հայ գերիներ, անհետ կորածներ
անհետ կորած
կալանք
https://cdn.am.sputniknews.ru/img/07e9/0a/0a/94456974_0:150:1600:1050_1920x0_80_0_0_de9f6a94ce22e525b29f116dd266e877.jpg
ԵՐԵՎԱՆ, 10 հոկտեմբերի – Sputnik․ ՀՀ գլխավոր դատախազության մոտ բողոքի ակցիա է՝ ի պաշտպանություն հոկտեմբերի 7-ից կալանավորված Արսեն Ղուկասյանի (44-օրյա պատերազմում զոհված Արմեն Ղուկասյանի եղբայրն է և անհետ կորած համարվող Սարգիս Ղուկասյանի հորեղբայրը– խմբ․)։Ակցիայի մասնակիցներից Սերգո Գալստյանը՝ 44-օրյա պատերազմում զոհված զինծառայող Լևոն Գալստյանի հորեղբայրը, նշեց՝ իրենց ակցիան խաղաղ է, նպատակն է բարձրաձայնել Արսեն Ղուկասյանի ապօրինի կալանավորման և առողջական ծանր վիճակի մասին։«Եթե մի մարդ ուզում է գնալ դատի և իմանում է՝ Մասիս Մելքոնյանն է դատավորը, կարող է էլ չգնալ դատավարությանը, իմանալ, որ կալանք է արձանագրվելու։ Ով դեմ է ներկայիս պարտված իշխանությանը, այդպես է լինում․․․ Մի դավաճան չեն բերել, հրապարակավ չեն դատել ու այսօր դատում են էն մարդկանց, ովքեր 2020թ․-ից եղել են Արցախում, որոնողափրկարարական աշխատանքներին են մասնակցել, մասունքները հատ առ հատ սրբորեն ուղարկել են Հայաստան․․․ Ու ԴՆԹ-ները պղծած ներկայիս իշխանությունները․․․»,- լրագրողների հետ զրույցում ասաց Գալստյանը։Շեշտեց՝ Արսեն Ղուկասյանի պայքարը պաշտոնի համար չէ, նա ընդամենն ուզում է եղբոր որդու ճակատագիրն իմանալ։«Ես գնում եմ Եռաբլուր, մեղքի զգացումով խնկարկում եմ եղբորս որդուն, հիմա Արսենը ո՞նց կարող է գնալ Եռաբլուր, խնկարկել եղբորը, եթե այսքան պայքարից հետո չի կարողանում եղբոր որդու մասին փոքրիկ լուր թեկուզ իմանալ»,- նշեց Գալստյանը։Կկվի օրն եմ ընկել, էդ մի էրեխես է մնացել․ Արսեն Ղուկասյանի մայրը դատախազության մոտ էՂուկասյանի պաշտպան Տաթևիկ Սողոյանը ևս մեկ անգամ հիշեցրեց՝ իր վստահորդի կյանքին և առողջությանը վտանգ է սպառնում, որովհետև ուղիղ ցուցում կա, որ նրան պետք է անմիջապես հետազոտի նեղ մասնագետը, սակայն արդեն հինգերորդ օրն է լրանում՝ այդ ցուցումը չի կատարվում։Հոկտեմբերի 6-ին հայտնել էինք, որ ձերբակալել են անհետ կորած զինծառայողերի հարազատներից երկուսին` Ապիջան Սարգսյանին և Արսեն Ղուկասյանին, հետո հայտնի դարձավ, որ Ապիջան Սարգսյանին ազատ են արձակել, իսկ Արսեն Ղուկասյանին` ոչ։ Նրանց մեղադրանք է առաջադրվել սեպտեմբերի 29–ին ՀՀ պաշտպանության նախարարության շենքի մոտ բողոքի ակցիայի ժամանակ քաշքշուկի ժամանակ խուլիգանություն կատարելու և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։Հոկտեմբերի 7-ին հայտնի դարձավ, որ Արսեն Ղուկասյանը 1 ամսով կալանավորվել է։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բողոքի ակցիա, արսեն ղուկասյան, հհ դատախազություն, հհ գլխավոր դատախազություն, հայ գերիներ, անհետ կորածներ, անհետ կորած, կալանք
բողոքի ակցիա, արսեն ղուկասյան, հհ դատախազություն, հհ գլխավոր դատախազություն, հայ գերիներ, անհետ կորածներ, անհետ կորած, կալանք
Արսենը պաշտոն չի ուզում, եղբորորդու ճակատագիրն է ուզում իմանալ․ բողոքի ակցիա Երևանում
11:51 10.10.2025 (Թարմացված է: 19:53 10.10.2025) Ակցիայի մասնակիցները հույս ունեն, որ Ղուկասյանի նկատմամբ կիրառված խափանման միջոցը կփոխվի և նա տուն կվերադառնա, քանի որ կալանքն ուղիղ սպառնալիք է նրա կյանքի համար։
ԵՐԵՎԱՆ, 10 հոկտեմբերի – Sputnik․ ՀՀ գլխավոր դատախազության մոտ բողոքի ակցիա է՝ ի պաշտպանություն հոկտեմբերի 7-ից կալանավորված Արսեն Ղուկասյանի (44-օրյա պատերազմում զոհված Արմեն Ղուկասյանի եղբայրն է և անհետ կորած համարվող Սարգիս Ղուկասյանի հորեղբայրը– խմբ․)։
Ակցիայի մասնակիցներից Սերգո Գալստյանը՝ 44-օրյա պատերազմում զոհված զինծառայող Լևոն Գալստյանի հորեղբայրը, նշեց՝ իրենց ակցիան խաղաղ է, նպատակն է բարձրաձայնել Արսեն Ղուկասյանի ապօրինի կալանավորման և առողջական ծանր վիճակի մասին։
«Եթե մի մարդ ուզում է գնալ դատի և իմանում է՝ Մասիս Մելքոնյանն է դատավորը, կարող է էլ չգնալ դատավարությանը, իմանալ, որ կալանք է արձանագրվելու։ Ով դեմ է ներկայիս պարտված իշխանությանը, այդպես է լինում․․․ Մի դավաճան չեն բերել, հրապարակավ չեն դատել ու այսօր դատում են էն մարդկանց, ովքեր 2020թ․-ից եղել են Արցախում, որոնողափրկարարական աշխատանքներին են մասնակցել, մասունքները հատ առ հատ սրբորեն ուղարկել են Հայաստան․․․ Ու ԴՆԹ-ները պղծած ներկայիս իշխանությունները․․․»,- լրագրողների հետ զրույցում ասաց Գալստյանը։
Շեշտեց՝ Արսեն Ղուկասյանի պայքարը պաշտոնի համար չէ, նա ընդամենն ուզում է եղբոր որդու ճակատագիրն իմանալ։
«Ես գնում եմ Եռաբլուր, մեղքի զգացումով խնկարկում եմ եղբորս որդուն, հիմա Արսենը ո՞նց կարող է գնալ Եռաբլուր, խնկարկել եղբորը, եթե այսքան պայքարից հետո չի կարողանում եղբոր որդու մասին փոքրիկ լուր թեկուզ իմանալ»,- նշեց Գալստյանը։
Ղուկասյանի պաշտպան Տաթևիկ Սողոյանը ևս մեկ անգամ հիշեցրեց՝ իր վստահորդի կյանքին և առողջությանը վտանգ է սպառնում, որովհետև ուղիղ ցուցում կա, որ նրան պետք է անմիջապես հետազոտի նեղ մասնագետը, սակայն արդեն հինգերորդ օրն է լրանում՝ այդ ցուցումը չի կատարվում։
«Մշտապես ունի գլխապտույտներ, գլխացավեր, զարկերակային բարձր ճնշում․ միշտ ունի հևոցներ, ունի նաև կալանքի պայմանների հետ պայմանավորված այլ դժվարություններ՝ սկսած հենաշարժողական խնդիրներից։ Այս ամեն ինչը մտահոգվելու տեղ է տալիս։ Արսեն Ղուկասյանը պինդ, ուժեղ մարդ է, չի ցանկանում, որ ուշադրությունը սևեռվի իր առողջության վրա, բայց ես ամեն անգամ Ղուկասյանի էպիկրիզները բժիշկներին ներկայացնելիս այդ զարմանքն եմ ունենում, թե ոնց է այս մարդն այս ցուցանիշներով շարունակում ոտքի վրա մնալ»,- ասաց Սողոյանը։
Հոկտեմբերի 6-ին հայտնել էինք, որ
ձերբակալել են անհետ կորած զինծառայողերի հարազատներից երկուսին` Ապիջան Սարգսյանին և Արսեն Ղուկասյանին, հետո հայտնի դարձավ, որ
Ապիջան Սարգսյանին ազատ են արձակել, իսկ Արսեն Ղուկասյանին` ոչ։ Նրանց մեղադրանք է առաջադրվել
սեպտեմբերի 29–ին ՀՀ պաշտպանության նախարարության շենքի մոտ բողոքի ակցիայի ժամանակ քաշքշուկի ժամանակ խուլիգանություն կատարելու և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։
