https://arm.sputniknews.ru/20250929/larvats-vitshak-pn-i-mvot-razmakan-vostikannery-pvordzum-en-heracnel-anhet-kvoratsneri-tsnvoghnerin-94028698.html
Լարված վիճակ ՊՆ-ի մոտ․ ռազմական ոստիկանները փորձում են հեռացնել անհետ կորածների ծնողներին
Լարված վիճակ ՊՆ-ի մոտ․ ռազմական ոստիկանները փորձում են հեռացնել անհետ կորածների ծնողներին
Sputnik Արմենիա
Ծնողները փակել են անցագրային կետի դարպասները և հրաժարվում են բացել։ 29.09.2025, Sputnik Արմենիա
2025-09-29T13:30+0400
2025-09-29T13:30+0400
2025-09-29T13:44+0400
հհ պաշտպանության նախարարություն (պն)
ծնող
հայ գերիներ, անհետ կորածներ
անհետ կորած
տեսանյութեր
տեսանյութ
https://cdn.am.sputniknews.ru/img/07e9/09/1d/94028528_0:0:1251:703_1920x0_80_0_0_cb869c65af5d537665b698d8824c0234.jpg
ԵՐԵՎԱՆ, 29 սեպտեմբերի – Sputnik․ ՀՀ պաշտպանության նախարարության մոտ լարված իրավիճակ է։ 44-օրյա պատերազմից հետո անհետ կորած համարվող զինծառայողների ծնողները հավաքվել են նախարարության վարչական համալիրի դարպասների մոտ՝ պահանջելով հանդիպում ՀՀ ԳՇ պետ Էդվարդ Ասրյանի, Արցախի ՊԲ նախկին հրամանատար, ներկայում պաշտպանության նախարարի խորհրդական Կամո Վարդանյանի հետ։ Մի քանի ծնող ներսում է։ Բայց քանի որ ծնողները հրաժարվում են հեռանալ դարպասների մոտից, մեծ թվով ռազմական ոստիկաններ ու ոստիկաններ են բերվել նախարարության մոտ, որոնք շրջապատել են ծնողներին։Ծնողները փակել են անցագրային կետի դարպասները և հրաժարվում են բացել։Նշենք, որ անհետ կորածների ծնողները սեպտեմբերի 27-ին կրկին հավաքվել էին պաշտպանության նախարարության հետ՝ հանդիպում պահանջելով պատասխանատու անձանց հետ։ Խոստացան՝ ծնողներին կընդունեն սեպտեմբերի 29-ին, սակայն ժամի հարցում հստակեցում չեղավ։ Ուստի ծնողները որոշել են կեսօրից հավաքվել ՊՆ-ի մոտ։ Նրանք շեշտեցին՝ եթե իրենց չընդունեն, հարցերի պատասխանները չլինեն, իրենց պատրաստ են քաղաքը կոլապսի ենթարկել։Անհետ կորածների ծնողները վրդովված են, քանի որ պատասխան են ստացել, թե իրենց կարող է ընդունել պաշտպանության նախարարի տեղակալ Արման Սարգսյանը, որի հետ իրենք հանդիպելու ցանկություն չունեն։ Ընդ որում` Արման Սարգսյանը համաձայնել է ընդունել միայն 3 ծնողի, մինչդեռ խոստացվել էր 30 ծնողի հետ հանդիպել։Հանկարծակի վատացավ Արսեն Ղուկասյանի առողջական վիճակը, որի եղբայրը` Արման Ղուկասյանը, զոհվել է 44-օրյա պատերազմում, իսկ եղբոր որդին՝ Սարգիս Ղուկասյանը` անհետ կորած է։ Նրա համար շտապօգնություն է կանչվում։Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Հայաստանում և Արցախում ռազմական դրություն և ընդհանուր զորահավաք հայտարարվեց։ Պատերազմը շարունակվեց 44 օր։ Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ռազմական գործողությունների դադարեցման վերաբերյալ համատեղ հայտարարություն ընդունեցին։2022թ․ ապրիլի 13-ին Փաշինյանն ԱԺ-ում հայտարարեց, որ 44-օրյա պատերազմի հետևանքով զոհվել է 3825 անձ, անհետ կորած են համարվում 187 զինծառայող և 21 քաղաքացիական անձ։ 2025թ․ մարտին ՀՀ քննչական կոմիտեն, ի պատասխան «Ժողովուրդ» օրաթերթի հարցման, հայտնեց, որ 44-օրյա պատերազմում զոհվել է 3941 անձ, իսկ 191-ը համարվում են անհետ կորած։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Լարված իրավիճակ ՊՆ-ի դարպասների մոտ
Sputnik Արմենիա
Լարված իրավիճակ ՊՆ-ի դարպասների մոտ
2025-09-29T13:30+0400
true
PT1M08S
Sputnik Արմենիա
media@sputniknews.com
+74956456601
MIA „Rossiya Segodnya“
հհ պաշտպանության նախարարություն (պն), ծնող, հայ գերիներ, անհետ կորածներ, անհետ կորած, տեսանյութեր, տեսանյութ, видео
հհ պաշտպանության նախարարություն (պն), ծնող, հայ գերիներ, անհետ կորածներ, անհետ կորած, տեսանյութեր, տեսանյութ, видео
Լարված վիճակ ՊՆ-ի մոտ․ ռազմական ոստիկանները փորձում են հեռացնել անհետ կորածների ծնողներին
13:30 29.09.2025 (Թարմացված է: 13:44 29.09.2025) Ծնողները փակել են անցագրային կետի դարպասները և հրաժարվում են բացել։
ԵՐԵՎԱՆ, 29 սեպտեմբերի – Sputnik․ ՀՀ պաշտպանության նախարարության մոտ լարված իրավիճակ է։ 44-օրյա պատերազմից հետո անհետ կորած համարվող զինծառայողների ծնողները հավաքվել են նախարարության վարչական համալիրի դարպասների մոտ՝ պահանջելով հանդիպում ՀՀ ԳՇ պետ Էդվարդ Ասրյանի, Արցախի ՊԲ նախկին հրամանատար, ներկայում պաշտպանության նախարարի խորհրդական Կամո Վարդանյանի հետ։
Մի քանի ծնող ներսում է։ Բայց քանի որ ծնողները հրաժարվում են հեռանալ դարպասների մոտից, մեծ թվով ռազմական ոստիկաններ ու ոստիկաններ են բերվել նախարարության մոտ, որոնք շրջապատել են ծնողներին։
Ծնողները փակել են անցագրային կետի դարպասները և հրաժարվում են բացել։
Նշենք, որ անհետ կորածների ծնողները սեպտեմբերի 27-ին կրկին
հավաքվել էին պաշտպանության նախարարության հետ՝ հանդիպում պահանջելով պատասխանատու անձանց հետ։ Խոստացան՝ ծնողներին կընդունեն սեպտեմբերի 29-ին, սակայն ժամի հարցում հստակեցում չեղավ։ Ուստի ծնողները որոշել են կեսօրից հավաքվել ՊՆ-ի մոտ։ Նրանք շեշտեցին՝ եթե իրենց չընդունեն, հարցերի պատասխանները չլինեն, իրենց պատրաստ են քաղաքը կոլապսի ենթարկել։
Անհետ կորածների ծնողները վրդովված են, քանի որ պատասխան են ստացել, թե իրենց կարող է ընդունել պաշտպանության նախարարի տեղակալ Արման Սարգսյանը, որի հետ իրենք հանդիպելու ցանկություն չունեն։ Ընդ որում` Արման Սարգսյանը համաձայնել է ընդունել միայն 3 ծնողի, մինչդեռ խոստացվել էր 30 ծնողի հետ հանդիպել։
Հանկարծակի վատացավ Արսեն Ղուկասյանի առողջական վիճակը, որի եղբայրը` Արման Ղուկասյանը, զոհվել է 44-օրյա պատերազմում, իսկ եղբոր որդին՝ Սարգիս Ղուկասյանը` անհետ կորած է։ Նրա համար շտապօգնություն է կանչվում։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Հայաստանում և Արցախում ռազմական դրություն և ընդհանուր զորահավաք հայտարարվեց։ Պատերազմը շարունակվեց 44 օր։ Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ռազմական գործողությունների դադարեցման վերաբերյալ
համատեղ հայտարարություն ընդունեցին։
2022թ․ ապրիլի 13-ին
Փաշինյանն ԱԺ-ում հայտարարեց, որ 44-օրյա պատերազմի հետևանքով զոհվել է 3825 անձ, անհետ կորած են համարվում 187 զինծառայող և 21 քաղաքացիական անձ։ 2025թ․ մարտին ՀՀ քննչական կոմիտեն, ի պատասխան «Ժողովուրդ» օրաթերթի հարցման,
հայտնեց, որ 44-օրյա պատերազմում զոհվել է 3941 անձ, իսկ 191-ը համարվում են անհետ կորած։
