https://arm.sputniknews.ru/20251007/erablury-3-angam-metsacrats-ishkhanutjunn-indz-meghadrum-e-hvogh-vatsharelu-mej-serzh-sargsjan-94354475.html
Եռաբլուրը 3 անգամ մեծացրած իշխանությունն ինձ մեղադրում է հող վաճառելու մեջ․ Սերժ Սարգսյան
Եռաբլուրը 3 անգամ մեծացրած իշխանությունն ինձ մեղադրում է հող վաճառելու մեջ․ Սերժ Սարգսյան
Sputnik Արմենիա
Գլխավոր դատախազությունը Սերժ Սարգսյանին մեղադրում է «Եռաբլուր» պանթեոնի հարակից տարածքների հողամասերն ապօրինաբար շուկայականից ցածր գներով օտարելու համար։ 07.10.2025, Sputnik Արմենիա
2025-10-07T18:35+0400
2025-10-07T18:35+0400
2025-10-07T19:41+0400
սերժ սարգսյան
եռաբլուր պանթեոն
հհ դատախազություն
հհ գլխավոր դատախազություն
դատ
դատարան
https://cdn.am.sputniknews.ru/img/07e9/08/1a/92763449_0:24:1600:924_1920x0_80_0_0_6ac626eef83ee4ccdf7ecd28a4622287.jpg
ԵՐԵՎԱՆ, 7 հոկտեմբերի – Sputnik․ Երևանի Իսակովի պողոտայում գտնվող հողատարածքների վաճառքից գոյացած ամբողջ միջոցները ծախսվել են պաշտպանության նախարարության համալիրի կառուցման նպատակով։ Դատական նիստից հետո լրագրողների հետ զրույցում այս մասին ասաց ՀՀ երրորդ նախագահ Սերժ Սարգսյանը՝ անդրադառնալով իրեն վերագրվող մեղադրանքին։Ավելի վաղ հայտնել էինք, որ ՀՀ գլխավոր դատախազությունը Սերժ Սարգսյանին մեղադրում է «Եռաբլուր» պանթեոնի հարակից տարածքների հողամասերն ապօրինաբար շուկայականից ցածր գներով օտարելու համար։ Խոսքը 2005 թվականին կատարված գործարքների մասին է, իսկ այդ ժամանակ Սերժ Սարգսյանը ՀՀ պաշտպանության նախարարն էր։Զեկույցն արխիվ են ուղարկել, իսկ իրենց մեղքը կարողանալո՞ւ են արխիվացնել․ Սերժ ՍարգսյանԼրագրողը նաև հետաքրքրվեց, թե արդյոք Սերժ Սարգսյանը տեղյակ եղե՞լ է, որ օտարված հողատարածքներից մեկն էլ գնել է ՀՀ երկրորդ նախագահ Ռոբերտ Քոչարյանին որդուն պատկանող ընկերությունը՝ «Տոյոտա Երևանը»։ Սերժ Սարգսյանը նշեց, որ այդ մասին տեղյակ չի եղել։Նշենք, որ 2023թ․ հոկտեմբերին ԱԺ-ում ՀՀ վարչապետ Նիկոլ Փաշինյանը, արձագանքելով իրեն ուղղված «Արցախը ծախելու» մեղադրանքներին, հայտարարեց, թե «Եռաբլուր լացողներ, Եռաբլուրի կեսը սեփականաշնորհել էիք։ Էդ դուք չե՞ք Եռաբլուրի վրա «Լեքսուս» ու «Տոյոտա» սարքողները»։2022 թվականի սեպտեմբերին ՀՀ գլխավոր դատախազությունն ապօրինի ծագում ունեցող գույքի բռնագանձման հայցադիմում էր ներկայացրել՝ պահանջելով ՀՀ երրորդ նախագահ Սերժ Սարգսյանի անվտանգության նախկին պետ Վաչագան Ղազարյանից և նրա ընտանիքից բռնագանձել նաև Ծովակալ Իսակովի պողոտա 23, 25/2, 25/3 և 25/4 հասցեներում գտնվող հասարարական տարածքներ և բնակավայրի նշանակության հողամասեր։2023 թվականի օգոստոսի 30-ին հայտնի դարձավ, որ Ղազարյանի և Դատախազության միջև կնքվել է հաշտության համաձայնություն, ըստ որի՝ Ղազարյանը 4 միավոր անշարժ գույք է վերադարձրել պետությանը, այդ թվում՝ «Եռաբլուր» զինվորական պանթեոնին հարակից երեք հողատարածք։ ԶԼՄ–ներում տեղեկություններ տարածվեցին, թե Վաչագան Ղազարյանն ԱԱԾ-ում ցուցմունք տվել Սերժ Սարգսյանի դեմ։ Այս տարվա սեպտեմբերի 23-ին լրագրողների հետ զրույցում Ղազարյանը վստահեցրեց՝ ինքը նախկին ղեկավարի դեմ ցուցմունք չի տվել։Ղազարյանը հավելեց՝ դատական նիստերի ընթացքում կպարզվի՝ ով է թալանել, և ով ինչ պատասխան պետք է տա։
եռաբլուր պանթեոն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերժ սարգսյան, եռաբլուր պանթեոն, հհ դատախազություն, հհ գլխավոր դատախազություն, դատ, դատարան
սերժ սարգսյան, եռաբլուր պանթեոն, հհ դատախազություն, հհ գլխավոր դատախազություն, դատ, դատարան
Եռաբլուրը 3 անգամ մեծացրած իշխանությունն ինձ մեղադրում է հող վաճառելու մեջ․ Սերժ Սարգսյան
18:35 07.10.2025 (Թարմացված է: 19:41 07.10.2025) Գլխավոր դատախազությունը Սերժ Սարգսյանին մեղադրում է «Եռաբլուր» պանթեոնի հարակից տարածքների հողամասերն ապօրինաբար շուկայականից ցածր գներով օտարելու համար։
ԵՐԵՎԱՆ, 7 հոկտեմբերի – Sputnik․ Երևանի Իսակովի պողոտայում գտնվող հողատարածքների վաճառքից գոյացած ամբողջ միջոցները ծախսվել են պաշտպանության նախարարության համալիրի կառուցման նպատակով։ Դատական նիստից հետո լրագրողների հետ զրույցում այս մասին ասաց ՀՀ երրորդ նախագահ Սերժ Սարգսյանը՝ անդրադառնալով իրեն վերագրվող մեղադրանքին։
«Եռաբլուրը 3 անգամ մեծացրած իշխանությունն ինձ փորձում է մեղադրել իբր Եռաբլուրի հողերը վաճառելու մեջ, այնինչ՝ այդ հողերն ունեն կոնկրետ հասցե՝ Իսակովի պողոտա։ Ձեր կարծիքով` իրենք ինչո՞ւ են այդպես ասում՝ «Եռաբլուրին հարակից տարածքներ», կարո՞ղ է` հայերեն լավ չեն հասկանում։ «Հարակից»՝ նշանակում է շատ մոտիկ»,- ասաց Սարգսյանը։
Ավելի վաղ հայտնել էինք, որ ՀՀ գլխավոր դատախազությունը Սերժ Սարգսյանին մեղադրում է «Եռաբլուր» պանթեոնի հարակից տարածքների հողամասերն ապօրինաբար շուկայականից ցածր գներով օտարելու համար։ Խոսքը 2005 թվականին կատարված գործարքների մասին է, իսկ այդ ժամանակ Սերժ Սարգսյանը ՀՀ պաշտպանության նախարարն էր։
Լրագրողը նաև հետաքրքրվեց, թե արդյոք Սերժ Սարգսյանը տեղյակ եղե՞լ է, որ օտարված հողատարածքներից մեկն էլ գնել է ՀՀ երկրորդ նախագահ Ռոբերտ Քոչարյանին որդուն պատկանող ընկերությունը՝ «Տոյոտա Երևանը»։ Սերժ Սարգսյանը նշեց, որ այդ մասին տեղյակ չի եղել։
«Ո՛չ, տեղյակ չեմ եղել, որովհետև այդ հողերը կարող էր ձեռք բերել յուրաքանչյուրը, ով ուներ գումար և ցանկություն այդտեղ հող ձեռք բերելու։ Թող գտնեն մեկ, երկու, հինգ իրական մարդ, որ ուզել են այդտեղ հող ձեռք բերել, իրենց մերժել են»,- ասաց Սարգսյանը։
Նշենք, որ 2023թ․ հոկտեմբերին ԱԺ-ում ՀՀ վարչապետ Նիկոլ Փաշինյանը, արձագանքելով իրեն ուղղված «Արցախը ծախելու» մեղադրանքներին, հայտարարեց, թե «Եռաբլուր լացողներ, Եռաբլուրի կեսը սեփականաշնորհել էիք։ Էդ դուք չե՞ք Եռաբլուրի վրա «Լեքսուս» ու «Տոյոտա» սարքողները»։
2022 թվականի սեպտեմբերին ՀՀ գլխավոր դատախազությունն ապօրինի ծագում ունեցող գույքի բռնագանձման հայցադիմում էր ներկայացրել՝ պահանջելով ՀՀ երրորդ նախագահ Սերժ Սարգսյանի անվտանգության նախկին պետ Վաչագան Ղազարյանից և նրա ընտանիքից բռնագանձել նաև Ծովակալ Իսակովի պողոտա 23, 25/2, 25/3 և 25/4 հասցեներում գտնվող հասարարական տարածքներ և բնակավայրի նշանակության հողամասեր։
2023 թվականի օգոստոսի 30-ին
հայտնի դարձավ, որ Ղազարյանի և Դատախազության միջև կնքվել է հաշտության համաձայնություն, ըստ որի՝ Ղազարյանը 4 միավոր անշարժ գույք է վերադարձրել պետությանը, այդ թվում՝ «Եռաբլուր» զինվորական պանթեոնին հարակից երեք հողատարածք։ ԶԼՄ–ներում տեղեկություններ տարածվեցին, թե Վաչագան Ղազարյանն ԱԱԾ-ում ցուցմունք տվել Սերժ Սարգսյանի դեմ։ Այս տարվա սեպտեմբերի 23-ին լրագրողների հետ զրույցում
Ղազարյանը վստահեցրեց՝ ինքը նախկին ղեկավարի դեմ ցուցմունք չի տվել։
Ղազարյանը հավելեց՝ դատական նիստերի ընթացքում կպարզվի՝ ով է թալանել, և ով ինչ պատասխան պետք է տա։
