https://arm.sputniknews.ru/20250617/petutjan-ev-ekeghecu-haraberutjunnery-hamazhvoghvovi-masnakicnery-hajtararutjun-en-arel-90211455.html
«Պետության և եկեղեցու հարաբերությունները» համաժողովի մասնակիցները հայտարարություն են արել
«Պետության և եկեղեցու հարաբերությունները» համաժողովի մասնակիցները հայտարարություն են արել
Sputnik Արմենիա
ԵՐԵՎԱՆ, 17 հունիսի – Sputnik. Սահմանադրական իրավասու մարմիններից պահանջում ենք, որ համարժեք միջոցներ ձեռնարկեն՝ վարչապետի և նրան հարող անձանց հակաօրինական... 17.06.2025, Sputnik Արմենիա
2025-06-17T10:04+0400
2025-06-17T10:04+0400
2025-06-17T10:50+0400
սահմանադրություն
եկեղեցի
հայ առաքելական եկեղեցի
նիկոլ փաշինյան
հայտարարություն
https://cdn.am.sputniknews.ru/img/2220/87/22208772_0:84:1600:984_1920x0_80_0_0_be08a814686327adb957e10937ffcc92.jpg
ԵՐԵՎԱՆ, 17 հունիսի – Sputnik. Սահմանադրական իրավասու մարմիններից պահանջում ենք, որ համարժեք միջոցներ ձեռնարկեն՝ վարչապետի և նրան հարող անձանց հակաօրինական քայլերն անհապաղ կանխարգելելու և արձանագրված դեպքերի առնչությամբ համապատասխան հակազդեցության միջոցներ կիրառելու նպատակով: Այս մասին ասվում է հայտարարության մեջ, որը տարածել են «Պետության և եկեղեցու փոխհարաբերությունները. արդի հիմնախնդիրները» համաժողովի մասնակիցները։Ինչո՞ւ հանկարծ իշխանությունը հիշեց եկեղեցու խնդիրների մասին. ԱԺ նախկին պատգամավորի կարծիքըՎերջին շրջանում ՀՀ վարչապետ Նիկոլ Փաշինյանն ու նրա ղեկավարած «Քաղաքացիական պայմանագիր» կուսակցության անդամները թիրախավորել են Ամենայն հայոց կաթողիկոս Գարեգին Բ–ին և այլ բարձրաստիճան հոգևորականների։ Վարչապետը պարբերաբար գրառումներ է անում սոցցանցերում` պահանջելով Ամենայն հայոց կաթողիկոսից կա՛մ հրապարակայնորեն հայտարարել, որ չի ժխտել կուսակրոնության ուխտը, կա՛մ լքել վեհարանը։Նշվում է, որ տարածաշրջանում ընթացող ռազմական գործողությունների և մեր անմիջական հարևանությամբ ծավալվող խիստ վտանգավոր զարգացումների պայմաններում փոխանակ լծվելու երկրի առջև ծառացած լրջագույն մարտահրավերների դիմագրավմանը և պետական ու հանրային դիմադրողականության ամրապնդմանը, ուղղակի ողբերգական է, որ Հայաստանի իշխանությունները քայքայիչ գործողություններ են իրականացնում հենց ներազգային կյանքում՝ եկեղեցու դեմ:«Փաստացի, նախաձեռնված է եկեղեցու դեմ ատելություն հրահրելու իշխանության արշավ, որն ունի համակարգված բնույթ և տեղի է ունենում վարչապետի կարգավիճակի անօրինական գործադրմամբ կամ չարաշահումով»–ասվում է հայտարարության մեջ:Ստեղծվել է անձնիշխան կառավարման համակարգ, որին միայն եկեղեցին չի ենթարկվում. Բադալյան«Պետության և եկեղեցու փոխհարաբերությունները. արդի հիմնախնդիրները» համաժողովի մասնակիցների կարծիքով` այս գործողություններն ակնհայտորեն հակասահմանադրական են և կոպտորեն ոտնահարում են մարդու անձնական կյանքի իրավունքի պաշտպանության միջազգայնորեն ճանաչված և ՀՀ Սահմանադրությամբ երաշխավորված պահանջները:Համաժողովի մասնակիցները նշում են, որ եկեղեցին ունի իր ներքին կառավարման իրավունքը՝ դարերի ընթացքում ձևավորված կանոններով ու սրբազան ավանդույթներով, և որևէ պետական մարմին կամ պաշտոնյա եկեղեցու ներքին հարցերին միջամտելու իրավասություն չունի:Նրանք կարծում են նաև, որ այս գործողությունները, որոնք ուղղված են եկեղեցու և ազգային շահերի դեմ, խորացնում են հանրության մեջ պառակտումն ու բաժանարար գծերը՝ թուլացնելով և վերացնելով պետության դիմադրողականությունը:Համաժողովի մասնակիցների տարածած հայտարարության մեջ նշվում է, որ հնարավոր իրավական բոլոր միջոցներն օգտագործվելու են` ապահովելու համար եկեղեցու ու ազգային նվիրական արժեքների իրավական պաշտպանությունը և զերծ պահելու դրանք բոլոր տեսակի ոտնձգություններից:Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։Հունիսի 9–ին Փաշինյանը հերթական գրառումն արեց` կրկնելով, որ Ամենայն հայոց կաթողիկոսը խախտել է կուսակրոնության ուխտը և զավակ ունի։ Նա «հավատավոր հետևորդներին» կոչ արեց համախմբվել վեհարանն ազատելու և նոր կաթողիկոս ընտրելու օրակարգի շուրջ։ Իսկ հունիսի 10-ին Փաշինյանը հայտարարեց, որ Գարեգին Բ–ին վեհարանից հեռացնելու համար համակարգող խումբ է պետք ստեղծել։Հունիսի 10-ի լույս 11-ի գիշերը եկեղեցու դեմ սկսված արշավի ֆոնին հարյուրավոր մարդիկ օդանավակայանում «Վեհափառ, վեհափառ» վանկարկումներով դիմավորեցին Արաբական Միացյալ Էմիրություններից վերադարձող Ամենայն հայոց կաթողիկոսին՝ իրենց աջակցությունը հայտնելով նրան ու Հայ առաքելական եկեղեցուն։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սահմանադրություն, եկեղեցի, հայ առաքելական եկեղեցի, նիկոլ փաշինյան, հայտարարություն
սահմանադրություն, եկեղեցի, հայ առաքելական եկեղեցի, նիկոլ փաշինյան, հայտարարություն
ԵՐԵՎԱՆ, 17 հունիսի – Sputnik. Սահմանադրական իրավասու մարմիններից պահանջում ենք, որ համարժեք միջոցներ ձեռնարկեն՝ վարչապետի և նրան հարող անձանց հակաօրինական քայլերն անհապաղ կանխարգելելու և արձանագրված դեպքերի առնչությամբ համապատասխան հակազդեցության միջոցներ կիրառելու նպատակով: Այս մասին ասվում է հայտարարության մեջ, որը տարածել են «Պետության և եկեղեցու փոխհարաբերությունները. արդի հիմնախնդիրները» համաժողովի մասնակիցները։
Վերջին շրջանում ՀՀ վարչապետ Նիկոլ Փաշինյանն ու նրա ղեկավարած «Քաղաքացիական պայմանագիր» կուսակցության անդամները թիրախավորել են Ամենայն հայոց կաթողիկոս Գարեգին Բ–ին և այլ բարձրաստիճան հոգևորականների։ Վարչապետը պարբերաբար գրառումներ է անում սոցցանցերում` պահանջելով Ամենայն հայոց կաթողիկոսից կա՛մ հրապարակայնորեն հայտարարել, որ չի ժխտել կուսակրոնության ուխտը, կա՛մ լքել վեհարանը։
«Երկրի գործադիր իշխանության ղեկավարը՝ իրեն հարող անձանց հետ, հերթական անգամ թիրախ է դարձրել Հայաստանյայց Առաքելական Սուրբ Եկեղեցին՝ հընթացս Ամենայն հայոց կաթողիկոսի և բարձրաստիճան եկեղեցականների նկատմամբ հրապարակայնորեն հնչեցնելով սպառնալիքներ, արժանապատվությունը վիրավորող ու մարդու իրավունքները ոտնահարող արտահայտություններ՝ միաժամանակ կոպտորեն խախտելով հանրային էթիկայի նորմերը»,–ասվում է հայտարարության մեջ, որի տակ ստորագրել են ՀՀ նախկին ՄԻՊ Արման Թաթոյանը, իրավապաշտպան Սիրանուշ Սահակյանը, ՀՀ ՊԵԿ նախկին նախագահ Դավիթ Անանյանը, սահմանադրագետ Վարդան Այվազյանը, թուրքագետ Վարուժան Գեղամյանը, այլ հասարակական գործիչներ ու իրավապաշտպաններ:
Նշվում է, որ տարածաշրջանում ընթացող ռազմական գործողությունների և մեր անմիջական հարևանությամբ ծավալվող խիստ վտանգավոր զարգացումների պայմաններում փոխանակ լծվելու երկրի առջև ծառացած լրջագույն մարտահրավերների դիմագրավմանը և պետական ու հանրային դիմադրողականության ամրապնդմանը, ուղղակի ողբերգական է, որ Հայաստանի իշխանությունները քայքայիչ գործողություններ են իրականացնում հենց ներազգային կյանքում՝ եկեղեցու դեմ:
«Փաստացի, նախաձեռնված է եկեղեցու դեմ ատելություն հրահրելու իշխանության արշավ, որն ունի համակարգված բնույթ և տեղի է ունենում վարչապետի կարգավիճակի անօրինական գործադրմամբ կամ չարաշահումով»–ասվում է հայտարարության մեջ:
«Պետության և եկեղեցու փոխհարաբերությունները. արդի հիմնախնդիրները» համաժողովի մասնակիցների կարծիքով` այս գործողություններն ակնհայտորեն հակասահմանադրական են և կոպտորեն ոտնահարում են մարդու անձնական կյանքի իրավունքի պաշտպանության միջազգայնորեն ճանաչված և ՀՀ Սահմանադրությամբ երաշխավորված պահանջները:
Համաժողովի մասնակիցները նշում են, որ եկեղեցին ունի իր ներքին կառավարման իրավունքը՝ դարերի ընթացքում ձևավորված կանոններով ու սրբազան ավանդույթներով, և որևէ պետական մարմին կամ պաշտոնյա եկեղեցու ներքին հարցերին միջամտելու իրավասություն չունի:
Նրանք կարծում են նաև, որ այս գործողությունները, որոնք ուղղված են եկեղեցու և ազգային շահերի դեմ, խորացնում են հանրության մեջ պառակտումն ու բաժանարար գծերը՝ թուլացնելով և վերացնելով պետության դիմադրողականությունը:
«Խիստ մտահոգիչ ու վտանգավոր ենք համարում հատկապես, որ Հայաստանի իշխանությունների հակաեկեղեցական խոսույթն ուղղակիորեն զուգահեռվում է ադրբեջանական իշխանության քարոզչական կեղծ թեզերի ու պատումների հետ»–ասվում է հայտարարության մեջ:
Համաժողովի մասնակիցների տարածած հայտարարության մեջ նշվում է, որ հնարավոր իրավական բոլոր միջոցներն օգտագործվելու են` ապահովելու համար եկեղեցու ու ազգային նվիրական արժեքների իրավական պաշտպանությունը և զերծ պահելու դրանք բոլոր տեսակի ոտնձգություններից:
Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ
քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին
նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։
Հունիսի 9–ին Փաշինյանը
հերթական գրառումն արեց` կրկնելով, որ Ամենայն հայոց կաթողիկոսը խախտել է կուսակրոնության ուխտը և զավակ ունի։ Նա «հավատավոր հետևորդներին» կոչ արեց համախմբվել վեհարանն ազատելու և նոր կաթողիկոս ընտրելու օրակարգի շուրջ։ Իսկ հունիսի 10-ին Փաշինյանը
հայտարարեց, որ Գարեգին Բ–ին վեհարանից հեռացնելու համար համակարգող խումբ է պետք ստեղծել։
Հունիսի 10-ի լույս 11-ի գիշերը եկեղեցու դեմ սկսված արշավի ֆոնին հարյուրավոր մարդիկ օդանավակայանում «Վեհափառ, վեհափառ» վանկարկումներով
դիմավորեցին Արաբական Միացյալ Էմիրություններից վերադարձող Ամենայն հայոց կաթողիկոսին՝ իրենց աջակցությունը հայտնելով նրան ու Հայ առաքելական եկեղեցուն։
