https://arm.sputniknews.ru/20231229/sanvosjany-hjusisharav-tshanaparhi-haravajin-hatvatsi-shinararutjan-meknarki-zhamket-e-nshel-70625071.html
Սանոսյանը Հյուսիս–հարավ ճանապարհի հարավային հատվածի շինարարության մեկնարկի ժամկետ է նշել
Սանոսյանը Հյուսիս–հարավ ճանապարհի հարավային հատվածի շինարարության մեկնարկի ժամկետ է նշել
Sputnik Արմենիա
ՏԿԵ նախարարը խոսել է բարդ նախագծի ու թերակատարումների մասին։ 29.12.2023, Sputnik Արմենիա
2023-12-29T13:52+0400
2023-12-29T13:52+0400
2023-12-29T14:12+0400
հայաստան
հյուսիսային կորեա
գնել սանոսյան
սիսիան
քաջարան
https://cdn.am.sputniknews.ru/img/1332/42/13324218_0:139:1498:982_1920x0_80_0_0_29439f592dd57a382f79ac3e667a4606.jpg
ԵՐԵՎԱՆ, 29 դեկտեմբերի – Sputnik. Հյուսիս–հարավ ճանապարհի հարավային հատվածի շինարարությունը կսկսվի 2024 թվականին։ Տարեկան ամփոփիչ ասուլիսի ժամանակ տեղեկությունը հայտնեց ՀՀ տարածքային կառավարման և ենթակառուցվածքների նախարար Գնել Սանոսյանը։Նա ընդգծեց, որ Սիսիան–Քաջարան ճանապարհահատվածի համար որոշակի գումար էր նախանշվել, գործընթացի համար մրցույթ էր իրականացվել, բայց մի շարք հարցերի շուրջ վիճահարույց կետեր կան։ Ըստ Սանոսյանի` քանի որ գործընթացն առաջ չի գնացել, այդ պատճառով էլ գումարները չեն վճարվել։«Սիսիան–Քաջարան ճանապարհահատվածը բավականին բարդ պրոյեկտ է։ Այն 60 կմ երկարություն ունի` 27 կամուրջ, 12 թունել, որոնցից մեկը 8.6 կմ է։ Այս մասով մասնագիտական վեճեր կան գործընկերների հետ` արդյոք պետք է մեկ լոտով կառուցել, թե մի քանի լոտի բաժանենք կամ թունելն առանձին կառուցել, այնտեղից էլ` հյուսիսն ու հարավն առանձին»,– շեշտեց նախարարը։Պաշտոնյան ընդգծեց, որ Հյուսիս–հարավ ճանապարհի առնչությամբ հիմնականում 2 մասով է թերակատարում եղել։ Հողերի օտարման գործընթացում դատական վեճեր են լինում, ինչն էլ հանգեցնում է գործընթացի դանդաղեցման, հետևաբար տվյալ հատվածում վճարումը չեն կարողանում ժամանակին անել։ Սանոսյանը բացատրեց` եթե հողերի օտարման գործընթաց լիներ, վճարումներ կլինեին, գումարները կներդրվեին բյուջեում։Խոսելով Թալին–Լանջիկ և Լանջիկ–Գյումրի ճանապարհների մասին` նախարարը նշեց, որ արդեն ապահովվել է այդ հատվածների ասֆալտապատման աշխատանքների ընթացքը։ Անավարտ է մնացել Աշտարակ–Թալին հատվածը, քանի որ դատական քաշքշուկներ կան, և ժամանակավոր ճանապարհն արդեն երկար տարիներ հիմնական է դարձել։Այս տարի նաև հավելյալ 11 կմ ճանապարհ է բացվել` հեշտացնելով դեպի Թալին և Գյումրի հասնելու հնարավորությունը։«Հյուսիս-հարավ» ճանապարհային միջանցքը Հայաստանում իրականացվող խոշոր ենթակառուցվածքային ծրագիր է, որի նպատակն է հարևան երկրների հետ հաղորդակցման դյուրինացումը, Կենտրոնական Ասիա, Եվրոպա ձգվող հաղորդակցության ուղիներով դեպի արտաքին շուկաներ ելքի հնարավորությունների ընդլայնումը, տնտեսության հիմնական ոլորտների զարգացումն ու արտահանման ընդլայնումը և այլն:Շուտով կսկսվի Երևանը շրջանցող ճանապարհի ամենաբարդ հատվածի կառուցումը. նախարարՌազմավարական կարևոր նշանակություն ունեցող այս ճանապարհի կառուցումը կապահովի Հայաստանի հարավային սահմանից դյուրին երթևեկությունը մինչև Վրաստանի սահման, ապա նաև դեպի սևծովյան նավահանգիստներ։ Դա թույլ կտա իրականացնել բարձր չափանիշներին համապատասխանող բեռնափոխադրումներ և ուղևորափոխադրումներ, զարգացման լուրջ հնարավորություններ կընձեռի Հայաստանի հարավից հյուսիս ընկած բոլոր բնակավայրերին:
հյուսիսային կորեա
սիսիան
քաջարան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հյուսիսային կորեա, գնել սանոսյան , սիսիան, քաջարան
հայաստան, հյուսիսային կորեա, գնել սանոսյան , սիսիան, քաջարան
Սանոսյանը Հյուսիս–հարավ ճանապարհի հարավային հատվածի շինարարության մեկնարկի ժամկետ է նշել
13:52 29.12.2023 (Թարմացված է: 14:12 29.12.2023) ՏԿԵ նախարարը խոսել է բարդ նախագծի ու թերակատարումների մասին։
ԵՐԵՎԱՆ, 29 դեկտեմբերի – Sputnik. Հյուսիս–հարավ ճանապարհի հարավային հատվածի շինարարությունը կսկսվի 2024 թվականին։ Տարեկան ամփոփիչ ասուլիսի ժամանակ տեղեկությունը հայտնեց ՀՀ տարածքային կառավարման և ենթակառուցվածքների նախարար Գնել Սանոսյանը։
«Մրցույթի արդյունքում Քաջարանից Ագարակ 32 կմ հատվածի մրցույթն այս տարի վերջապես ավարտվեց, ու հաղթող ընկերությունն արդեն կա։ 2024 թվականին որոշակի կազմակերպչական աշխատանքներից հետո առաջին անգամ հարավում շինարարություն կունենանք»,– ասաց նախարարը։
Նա ընդգծեց, որ Սիսիան–Քաջարան ճանապարհահատվածի համար որոշակի գումար էր նախանշվել, գործընթացի համար մրցույթ էր իրականացվել, բայց մի շարք հարցերի շուրջ վիճահարույց կետեր կան։ Ըստ Սանոսյանի` քանի որ գործընթացն առաջ չի գնացել, այդ պատճառով էլ գումարները չեն վճարվել։
«Սիսիան–Քաջարան ճանապարհահատվածը բավականին բարդ պրոյեկտ է։ Այն 60 կմ երկարություն ունի` 27 կամուրջ, 12 թունել, որոնցից մեկը 8.6 կմ է։ Այս մասով մասնագիտական վեճեր կան գործընկերների հետ` արդյոք պետք է մեկ լոտով կառուցել, թե մի քանի լոտի բաժանենք կամ թունելն առանձին կառուցել, այնտեղից էլ` հյուսիսն ու հարավն առանձին»,– շեշտեց նախարարը։
Պաշտոնյան ընդգծեց, որ Հյուսիս–հարավ ճանապարհի առնչությամբ հիմնականում 2 մասով է թերակատարում եղել։ Հողերի օտարման գործընթացում դատական վեճեր են լինում, ինչն էլ հանգեցնում է գործընթացի դանդաղեցման, հետևաբար տվյալ հատվածում վճարումը չեն կարողանում ժամանակին անել։ Սանոսյանը բացատրեց` եթե հողերի օտարման գործընթաց լիներ, վճարումներ կլինեին, գումարները կներդրվեին բյուջեում։
Խոսելով Թալին–Լանջիկ և Լանջիկ–Գյումրի ճանապարհների մասին` նախարարը նշեց, որ արդեն ապահովվել է այդ հատվածների ասֆալտապատման աշխատանքների ընթացքը։ Անավարտ է մնացել Աշտարակ–Թալին հատվածը, քանի որ դատական քաշքշուկներ կան, և ժամանակավոր ճանապարհն արդեն երկար տարիներ հիմնական է դարձել։
Այս տարի նաև հավելյալ 11 կմ ճանապարհ է բացվել` հեշտացնելով դեպի Թալին և Գյումրի հասնելու հնարավորությունը։
«Հյուսիս-հարավ» ճանապարհային միջանցքը Հայաստանում իրականացվող խոշոր ենթակառուցվածքային ծրագիր է, որի նպատակն է հարևան երկրների հետ հաղորդակցման դյուրինացումը, Կենտրոնական Ասիա, Եվրոպա ձգվող հաղորդակցության ուղիներով դեպի արտաքին շուկաներ ելքի հնարավորությունների ընդլայնումը, տնտեսության հիմնական ոլորտների զարգացումն ու արտահանման ընդլայնումը և այլն:
Ռազմավարական կարևոր նշանակություն ունեցող այս ճանապարհի կառուցումը կապահովի Հայաստանի հարավային սահմանից դյուրին երթևեկությունը մինչև Վրաստանի սահման, ապա նաև դեպի սևծովյան նավահանգիստներ։ Դա թույլ կտա իրականացնել բարձր չափանիշներին համապատասխանող բեռնափոխադրումներ և ուղևորափոխադրումներ, զարգացման լուրջ հնարավորություններ կընձեռի Հայաստանի հարավից հյուսիս ընկած բոլոր բնակավայրերին:
