https://arm.sputniknews.ru/20261021/vardan-ghukasjanin-nvor-meghadranq-e-arajadrvel-nran-tarel-en-hh-hakakvorupcivon-kvomite-108395556.html

Վարդան Ղուկասյանին նոր մեղադրանք է առաջադրվել. նրան տարել են ՀՀ հակակոռուպցիոն կոմիտե

Վարդան Ղուկասյանին նոր մեղադրանք է առաջադրվել. նրան տարել են ՀՀ հակակոռուպցիոն կոմիտե

Sputnik Արմենիա

Փաստաբանի խոսքով` Ղուկասյանին առաջադրված նոր մեղադրանքը կապված է 2000–ականների սկզբին գույքի օտարման հետ։ 21.10.2026, Sputnik Արմենիա

2026-10-21T18:27+0400

2026-10-21T18:27+0400

2026-10-21T18:36+0400

հայաստան

վարդան ղուկասյան

մեղադրանք

հակակոռուպցիոն կոմիտե

https://cdn.am.imgsputniknews.ru/img/07e9/0b/12/95971621_0:77:1268:790_1920x0_80_0_0_13901f46420b9e40e38d6da77c35979f.jpg

ԵՐԵՎԱՆ, 21 հոկտեմբերի – Sputnik. Հակակոռուպցիոն կոմիտեն Գյումրու քաղաքապետ Վարդան Ղուկասյանին նոր մեղադրանք է առաջադրել պաշտոնեական լիազորությունները չարաշահելու հոդվածով։ Տեղեկությունը Sputnik Արմենիային հայտնեց Ղուկասյանի փաստաբան Արամայիս Հայրապետյանը։«Հին դրվագներով քննություն է իրականացվում։ Գույքերի օտարման համար քրեական պատասխանատվության ենթարկելու վաղեմության ժամկետն անցել է»,–ասաց փաստաբանը։Նրա խոսքով` տնային կալանքում գտնվող Ղուկասյանին այսօր տեղափոխել են ՀՀ հակակոռուպցիոն կոմիտե, որից հետո վերադարձրել են բնակության վայր։«Ղուկասյանը որևէ դիրքորոշում չի հայտնել, ցուցմունք չի տվել»,–ասաց Հայրապետյանը։Նա ընդգծեց, որ նոր մեղադրանքը կապված է 2000–ականների սկզբին գույքի օտարման հետ։Հիշեցնենք՝ 2025թ–ի հոկտեմբերի 20-ին ուժայինները ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Հոկտեմբերի 21-ի առավոտյան Գյումրու համայնքապետ Վարդան Ղուկասյանը կալանավորվեց։Հոկտեմբերի 26-ին, հայտնի դարձավ, որ Ղուկասյանին նոր մեղադրանք է առաջադրվել Հայաստանի` այլ երկրների հետ միություն կազմելու վերաբերյալ մտքերի համար։ ՔԿ–ն նոյեմբերի 21-ին հայտնեց, որ նրա նկատմամբ հանրային քրեական հետապնդում է հարուցվել նաև ՔՕ 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը)։Փաստաբան Արամայիս Հայրապետյանը դեկտեմբերի 30-ին հայտնեց, որ Վարդան Ղուկասյանի նկատմամբ քրեական հետապնդումը 2 հոդվածով դադարեցվում է։Այս տարվա հունիսի 5–ին հայտնի դարձավ, որ Ղուկասյանի նկատմամբ իշխանությունը յուրացնելու նախապատրաստության մեղադրանք է ներկայացվել։ Հունիսի 26–ին Ղուկասյանի նկատմամբ 4–րդ հանրային քրեական հետապնդումը հարուցվեց։Հուլիսի 17–ին նրա կալանքը փոխարինվեց տնային կալանքով` 15 մլն դրամ գրավի և բացակայելու արգելքի համակցմամբ։

2026

Լուրեր

am_HY

հայաստան, վարդան ղուկասյան, մեղադրանք, հակակոռուպցիոն կոմիտե