https://arm.sputniknews.ru/20260909/adrbejani-artgvortsnakharary-hajtnel-e-vor-arajikajum-khandipi-ararat-mirzvojani-het-106627387.html
Ադրբեջանի արտգործնախարարը հայտնել է, որ առաջիկայում կհանդիպի Արարատ Միրզոյանի հետ
Ադրբեջանի արտգործնախարարը հայտնել է, որ առաջիկայում կհանդիպի Արարատ Միրզոյանի հետ
Sputnik Արմենիա
Ադրբեջանը որպես խաղաղության պայմանագրի ստորագրման պայման շարունակում է պնդել, որ Հայաստանը փոխի Սահմանադրությունը։ 09.09.2026, Sputnik Արմենիա
2026-09-09T14:23+0400
2026-09-09T14:23+0400
2026-09-09T14:31+0400
ջեյհուն բայրամով
արարատ միրզոյան
հայաստան
ադրբեջան
հայ-ադրբեջանական
սահմանադրություն
խաղաղության պայմանագիր
https://cdn.am.sputniknews.ru/img/07e9/09/19/93902561_0:22:1600:923_1920x0_80_0_0_8f34950e0cb00413ee10f68d29313e67.jpg
ԵՐԵՎԱՆ, 9 սեպտեմբերի – Sputnik. Ադրբեջանի արտգործնախարար Ջեյհուն Բայրամովը հայտարարել է, որ առաջիկայում կհանդիպի իր հայ գործընկեր Արարատ Միրզոյանի հետ։ Այս մասին հաղորդում են տեղական ԶԼՄ–ները։Ադրբեջանի արտգործնախարարը հայտարարել է, որ Հայաստանից տարբեր ազդանշաններ է ստանում հանրաքվե անցկացնելու և Սահմանադրության մեջ փոփոխություն կատարելու վերաբերյալ, սակայն Բաքվի դիրքորոշումն անփոփոխ է մնում. սահմանադրական փոփոխություններն անհրաժեշտ են խաղաղության համաձայնագրի ստորագրման համար։Ադրբեջանցի նախարարը պնդում է, որ 2025 թվականի օգոստոսին Վաշինգտոնում ստորագրված համատեղ հայտարարության համաձայն՝ խաղաղության համաձայնագրի նախաստորագրումից հետո գործընթացն ավարտելու համար պետք է անհրաժեշտ քայլեր ձեռնարկվեն։Բայրամովը նաև հայտարարել է, որ Ադրբեջանն իր կողմից կարևոր քայլեր է ձեռնարկել Հայաստանի հետ խաղաղության գործընթացն առաջ մղելու համար։Սահմանազատման գործընթացին անդրադառնալով` նա հաստատել է, որ Ադրբեջանն ու Հայաստանը համաձայնության են եկել աշխատանքներն իրականացնել հյուսիսից հարավ՝ սկսած այն կետից, որտեղ հատվում են Ադրբեջանի, Հայաստանի և Վրաստանի սահմանները։Նշենք, որ վերջին անգամ Միրզոյանն ու Բայրամովը հանդիպել են երկու երկրների պատվիրակությունների` Ղրղզստան կատարած այցի ժամանակ։ Բիշքեկում տեղի է ունեցել նաև ՀՀ վարչապետ Նիկոլ Փաշինյանի ու Ադրբեջանի նախագահ Իհամ Ալիևի հանդիպումը։Հիշեցնենք` 2025-ի մարտի վերջին ՀՀ վարչապետ Նիկոլ Փաշինյանը հայտարարեց, որ Հայաստանի իշխանությունը նախատեսում է 2027 թվականին անցկացնել նոր Սահմանադրության ընդունման հանրաքվե։ Այն ժամանակ Փաշինյանը պնդում էր, որ Սահմանադրության փոփոխությունը բացառապես ներքին քաղաքականության հարց է, բայց դա չի կարող չունենալ տարածաշրջանային և միջազգային ազդեցություն։ Արդեն ապրիլին նա խորհրդարանում ասաց, որ նոր Սահմանադրության մեջ չպետք է հղում լինի հռչակագրին։Ադրբեջանն իր հերթին համառորեն պնդում է, որ Հայաստանը փոփոխություններ կատարի Սահմանադրության մեջ` պատճառաբանելով, որ դրանում Լեռնային Ղարաբաղը Հայաստանի Հանրապետության հետ միավորելու ուղիղ կոչեր կան:Հավելենք` ՀՀ Սահմանադրության նախաբանում հղում է արված ՀՀ Անկախության հռչակագրին։ Անկախության հռչակագրում ամրագրված է, որ այն հիմնվում է 1989 թվականի դեկտեմբերի 1-ի «Հայկական ԽՍՀ-ի և Լեռնային Ղարաբաղի վերամիավորման մասին» Հայկական ԽՍՀ Գերագույն խորհրդի և Լեռնային Ղարաբաղի Ազգային խորհրդի համատեղ որոշման վրա։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ջեյհուն բայրամով, արարատ միրզոյան, հայաստան, ադրբեջան, հայ-ադրբեջանական, սահմանադրություն, խաղաղության պայմանագիր
ջեյհուն բայրամով, արարատ միրզոյան, հայաստան, ադրբեջան, հայ-ադրբեջանական, սահմանադրություն, խաղաղության պայմանագիր
Ադրբեջանի արտգործնախարարը հայտնել է, որ առաջիկայում կհանդիպի Արարատ Միրզոյանի հետ
14:23 09.09.2026 (Թարմացված է: 14:31 09.09.2026) Ադրբեջանը որպես խաղաղության պայմանագրի ստորագրման պայման շարունակում է պնդել, որ Հայաստանը փոխի Սահմանադրությունը։
ԵՐԵՎԱՆ, 9 սեպտեմբերի – Sputnik. Ադրբեջանի արտգործնախարար Ջեյհուն Բայրամովը հայտարարել է, որ առաջիկայում կհանդիպի իր հայ գործընկեր Արարատ Միրզոյանի հետ։ Այս մասին հաղորդում են տեղական ԶԼՄ–ները։
Ադրբեջանի արտգործնախարարը հայտարարել է, որ Հայաստանից տարբեր ազդանշաններ է ստանում հանրաքվե անցկացնելու և Սահմանադրության մեջ փոփոխություն կատարելու վերաբերյալ, սակայն Բաքվի դիրքորոշումն անփոփոխ է մնում. սահմանադրական փոփոխություններն անհրաժեշտ են խաղաղության համաձայնագրի ստորագրման համար։
Ադրբեջանցի նախարարը պնդում է, որ 2025 թվականի օգոստոսին Վաշինգտոնում ստորագրված համատեղ հայտարարության համաձայն՝ խաղաղության համաձայնագրի նախաստորագրումից հետո գործընթացն ավարտելու համար պետք է անհրաժեշտ քայլեր ձեռնարկվեն։
Բայրամովը նաև հայտարարել է, որ Ադրբեջանն իր կողմից կարևոր քայլեր է ձեռնարկել Հայաստանի հետ խաղաղության գործընթացն առաջ մղելու համար։
Սահմանազատման գործընթացին անդրադառնալով` նա հաստատել է, որ Ադրբեջանն ու Հայաստանը համաձայնության են եկել աշխատանքներն իրականացնել հյուսիսից հարավ՝ սկսած այն կետից, որտեղ հատվում են Ադրբեջանի, Հայաստանի և Վրաստանի սահմանները։
«Այս կամ այն բնակավայրերի հետ կապված հարցերը կքննարկվեն սահմանազատման հանձնաժողովի աշխատանքների շրջանակներում», – ասել է Բայրամովը։
Նշենք, որ վերջին անգամ Միրզոյանն ու Բայրամովը հանդիպել են երկու երկրների պատվիրակությունների` Ղրղզստան կատարած այցի ժամանակ։ Բիշքեկում տեղի է ունեցել նաև ՀՀ վարչապետ Ն
իկոլ Փաշինյանի ու Ադրբեջանի նախագահ Իհամ Ալիևի հանդիպումը։
Հիշեցնենք` 2025-ի մարտի վերջին ՀՀ վարչապետ Նիկոլ Փաշինյանը հայտարարեց, որ Հայաստանի իշխանությունը նախատեսում է 2027 թվականին անցկացնել նոր Սահմանադրության ընդունման հանրաքվե։ Այն ժամանակ Փաշինյանը պնդում էր, որ Սահմանադրության փոփոխությունը բացառապես ներքին քաղաքականության հարց է, բայց դա չի կարող չունենալ տարածաշրջանային և միջազգային ազդեցություն։ Արդեն ապրիլին նա խորհրդարանում
ասաց, որ նոր Սահմանադրության մեջ չպետք է հղում լինի հռչակագրին։
Ադրբեջանն իր հերթին համառորեն
պնդում է, որ Հայաստանը փոփոխություններ կատարի Սահմանադրության մեջ` պատճառաբանելով, որ դրանում Լեռնային Ղարաբաղը Հայաստանի Հանրապետության հետ միավորելու ուղիղ կոչեր կան:
Հավելենք` ՀՀ Սահմանադրության նախաբանում հղում է արված ՀՀ Անկախության հռչակագրին։ Անկախության հռչակագրում ամրագրված է, որ այն հիմնվում է 1989 թվականի դեկտեմբերի 1-ի «Հայկական ԽՍՀ-ի և Լեռնային Ղարաբաղի վերամիավորման մասին» Հայկական ԽՍՀ Գերագույն խորհրդի և Լեռնային Ղարաբաղի Ազգային խորհրդի համատեղ որոշման վրա։
