https://arm.sputniknews.ru/20260820/datarany-tujl-chtvec-vor-nistern-ancnen-aranc-samvel-karapetjani-105940017.html
Դատարանը թույլ չտվեց, որ նիստերն անցնեն առանց Սամվել Կարապետյանի
Դատարանը թույլ չտվեց, որ նիստերն անցնեն առանց Սամվել Կարապետյանի
Sputnik Արմենիա
Դատարանը Սամվել Կարապետյանին դատարան ուղեկցելու հարցով գրություն կհասցեագրի Պրոբացիայի ծառայությանը։ 20.08.2026, Sputnik Արմենիա
2026-08-20T16:01+0400
2026-08-20T16:01+0400
2026-08-20T16:02+0400
հայաստան
սամվել կարապետյան
դատարան
https://cdn.am.sputniknews.ru/img/07ea/04/11/101075562_0:62:1185:729_1920x0_80_0_0_a1a9efab277fed52af4065a4c6012c0e.jpg
ԵՐԵՎԱՆ, 20 օգոստոսի – Sputnik. Դատարանը թույլ չտվեց, որ նիստերն անցնեն առանց «Ուժեղ Հայաստան» կուսակցության առաջնորդ Սամվել Կարապետյանի։Նման որոշում կայացրեց դատավոր Վահե Դոլմազյանը՝ մերժելով փաստաբան Ռուբեն Հակոբյանի միջնորդությունը։ Նա պատճառաբանեց, որ անազատության մեջ գտնվող անձանց դեպքում դա հնարավոր չէ։«Դատական պրակտիկայում չկա դեպք, երբ տնային կալանքի տակ գտնվող մեղադրյալը չի մասնակցում նիստերին: Ավելին` օրենսդրությունը չի նախատեսում նման հնարավորություն»,- նշեց դատավորը։Կարապետյանը հայտարարեց, որ ուրախ կլինի, եթե նիստերն առանց իրեն անցկացվեն։«Լրագրողները շատ հարցեր են տալիս»,- կատակեց գործարարը։Միևնույն ժամանակ դատարանը Կարապետյանին դատարան ուղեկցելու հարցով գրություն կհասցեագրի Պրոբացիայի ծառայությանը։ Կարապետյանի փաստաբանները միջնորդեցին, որ նրան նիստերի տանեն սովորական մեքենաներով, ոչ թե ոստիկանականով։Փաստաբանները նաև դատավորին խնդրեցին գոնե մեկ օրով Կարապետյանին վերադարձնել անձնագրերը, քանի որ նա պետք է գործարքներ կատարի, և անհրաժեշտ է նոտարական կարգով լիազորագիր ձևակերպել գործարքներ իրականացնելու համար: Դատավորը հայտարարեց, որ հարցը կարող է քննարկել միայն այն բանից հետո, երբ իրեն տրամադրվեն լիազորագրերի նմուշները։Հիշեցնենք` 2025–ի հունիսի 17-ին Սամվել Կարապետյանի տանը խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը կալանավորվեց հունիսի 18-ին։Կարապետյանին մեղադրանք առաջադրվեց ՔՕ 290 (հարկերը, տուրքերը կամ այլ վճարներ չվճարել), 296 (փողերի լվացում), 422 (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։Հոկտեմբերի 13-ին հայտնի դարձավ, որ Սամվել Կարապետյանի մեղադրանքը փոփոխվել է, ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։Դեկտեմբերի 30-ին դատարանը փոխեց գործարարի խափանման միջոցը, և կալանքը փոխարինվեց գրավով և տնային կալանքով։ Նույն օրը նա ՔԿՀ–ից տեղափոխվեց տուն։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սամվել կարապետյան, դատարան
հայաստան, սամվել կարապետյան, դատարան
Դատարանը թույլ չտվեց, որ նիստերն անցնեն առանց Սամվել Կարապետյանի
16:01 20.08.2026 (Թարմացված է: 16:02 20.08.2026) Դատարանը Սամվել Կարապետյանին դատարան ուղեկցելու հարցով գրություն կհասցեագրի Պրոբացիայի ծառայությանը։
ԵՐԵՎԱՆ, 20 օգոստոսի – Sputnik. Դատարանը թույլ չտվեց, որ նիստերն անցնեն առանց «Ուժեղ Հայաստան» կուսակցության առաջնորդ Սամվել Կարապետյանի։
Նման որոշում կայացրեց դատավոր Վահե Դոլմազյանը՝ մերժելով փաստաբան Ռուբեն Հակոբյանի միջնորդությունը։ Նա պատճառաբանեց, որ անազատության մեջ գտնվող անձանց դեպքում դա հնարավոր չէ։
«Դատական պրակտիկայում չկա դեպք, երբ տնային կալանքի տակ գտնվող մեղադրյալը չի մասնակցում նիստերին: Ավելին` օրենսդրությունը չի նախատեսում նման հնարավորություն»,- նշեց դատավորը։
Կարապետյանը հայտարարեց, որ ուրախ կլինի, եթե նիստերն առանց իրեն անցկացվեն։
«Լրագրողները շատ հարցեր են տալիս»,- կատակեց գործարարը։
Միևնույն ժամանակ դատարանը Կարապետյանին դատարան ուղեկցելու հարցով գրություն կհասցեագրի Պրոբացիայի ծառայությանը։ Կարապետյանի փաստաբանները միջնորդեցին, որ նրան նիստերի տանեն սովորական մեքենաներով, ոչ թե ոստիկանականով։
Փաստաբանները նաև դատավորին խնդրեցին գոնե մեկ օրով Կարապետյանին վերադարձնել անձնագրերը, քանի որ նա պետք է գործարքներ կատարի, և անհրաժեշտ է նոտարական կարգով լիազորագիր ձևակերպել գործարքներ իրականացնելու համար: Դատավորը հայտարարեց, որ հարցը կարող է քննարկել միայն այն բանից հետո, երբ իրեն տրամադրվեն լիազորագրերի նմուշները։
Հիշեցնենք` 2025–ի հունիսի 17-ին Սամվել Կարապետյանի տանը
խուզարկություն իրականացվեց այն բանից հետո, երբ նա հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը կալանավորվեց հունիսի 18-ին։
Կարապետյանին մեղադրանք առաջադրվեց ՔՕ 290 (հարկերը, տուրքերը կամ այլ վճարներ չվճարել), 296 (փողերի լվացում), 422 (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։
Հոկտեմբերի 13-ին հայտնի դարձավ, որ Սամվել Կարապետյանի
մեղադրանքը փոփոխվել է, ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։
Դեկտեմբերի 30-ին դատարանը
փոխեց գործարարի խափանման միջոցը, և կալանքը փոխարինվեց գրավով և տնային կալանքով։ Նույն օրը նա
ՔԿՀ–ից տեղափոխվեց տուն։
