https://arm.sputniknews.ru/20260807/hajkakan-apranqneri-het-kapvats-iravitshaky-lav-arit-e-eatmi-vra-ashkhatelu-pashinjan-105515268.html

Հայկական ապրանքների հետ կապված իրավիճակը լավ առիթ է ԵԱՏՄ–ի վրա աշխատելու. Փաշինյան

Հայկական ապրանքների հետ կապված իրավիճակը լավ առիթ է ԵԱՏՄ–ի վրա աշխատելու. Փաշինյան

Sputnik Արմենիա

ՀՀ կառավարության ղեկավարը նշել է` գերադասելի է, որ Եվրասիական տնտեսական միությունը չտորպեդահարի դիվերսիֆիկացման գործընթացները, այլ աշխատի իր գրավչությունը... 07.08.2026, Sputnik Արմենիա

2026-08-07T13:26+0400

2026-08-07T13:26+0400

2026-08-07T15:09+0400

եվրասիական տնտեսական միություն (եատմ)

հայաստան և եատմ

տեսանյութեր

տեսանյութ

արտահանում

ռուսաստան

հայաստան-ռուսաստան համագործակցություն

https://cdn.am.sputniknews.ru/img/07ea/08/07/105507266_0:0:1920:1080_1920x0_80_0_0_b7de3df6a4800309e4e1dfdc85610734.jpg

ԵՐԵՎԱՆ, 7 օգոստոսի – Sputnik. Հայկական ապրանքների հետ կապված ներկայիս իրավիճակի շուրջ բացասական ֆոն ստեղծել պետք չէ, ընդհակառակը` դա լավ առիթ է` աշխատելու Եվրասիական տնտեսական միության արդյունավետության և մրցունակության վրա։ Այս մասին Ղրղզստանում Եվրասիական միջկառավարական խորհրդի նիստի շրջանակներում ռուսաստանցի լրագրողներին ասել է ՀՀ վարչապետ Նիկոլ Փաշինյանը։Փաշինյանը նշել է, որ Ռուսաստանում հայկական ապրանքների նկատմամբ կիրառված սահմանափակումները Հայաստանում բացասական ընկալում են առաջացնում Եվրասիական տնտեսական միության նկատմամբ։ Սակայն ցանկացած երկրի համար կարևոր է բարելավել իր ապրանքների որակը, մրցունակությունը և արտադրության չափանիշները։ ՀՀ վարչապետն ասել է, որ Հայաստանն աշխատում է դրա վրա։ԵՄ–ին ՀՀ անդամակցությունը ԵԱՏՄ–ում համագործակցության սկզբունքների խախտում է. ՄատվիենկոՆրա խոսքով՝ ինքը բարձր է գնահատում գործընկերների՝ ԵԱՏՄ մյուս չորս անդամ պետությունների ղեկավարների դիրքորոշումը Հայաստանում Եվրամիությանը միանալու (կամ ԵԱՏՄ-ում անդամակցությունը պահպանելու) վերաբերյալ հանրաքվե անցկացնելու հարցում։Փաշինյանը նշել է` հանրաքվե իհարկե կլինի, բայց միայն այն բանից հետո, երբ Հայաստանը պաշտոնապես կդիմի Եվրամիությանն անդամակցելու համար։ Այսօր դրա անցկացումն անհնար է, քանի որ հարցն առարկայական բնույթ չի կրում»,– ասել է Փաշինյանը։Միևնույն ժամանակ, նրա խոսքով, շատ կարևոր է հասկանալ, որ եթե ԵԱՏՄ հիմնարար սկզբունքները (ապրանքների, ծառայությունների, կապիտալի և աշխատուժի ազատ տեղաշարժը - խմբ.) չաշխատեն, ամբողջ միությունը կհայտնվի ճգնաժամի մեջ, քանի որ եթե ԵԱՏՄ սկզբունքները չաշխատեն, չի աշխատի նաև ԵԱՏՄ-ն։«Կարծում եմ՝ Եվրասիական տնտեսական միության համար այս պահին լավագույն դիրքորոշումը կլինի չտորպեդահարել այս գործընթացը, այլ հակառակը` աշխատել ԵԱՏՄ-ի գրավչությունը բարձրացնելու ուղղությամբ, և Հայաստանը պատրաստ է աշխատել դրա վրա», – հայտարարել է նա։Փաշինյանը նաև նշել է, որ տնտեսական կապերի դիվերսիֆիկացումը ցանկացած երկրի ինքնիշխան իրավունքն է, և այժմ խնդիրը ոչ թե ԵԱՏՄ-ն և ԵՄ-ն համեմատելն է, այլ Հայաստանի համար ինչ–որ այլընտրանքներ ստեղծելը։Նրա խոսքով՝ դիվերսիֆիկացման գործընթացը մասամբ հրահրվել է Եվրասիական տնտեսական միության որոշ գործընկերների կողմից, որոնք հայտարարում էին, որ Հայաստանը ոչ մեկին պետք չէ, և որ նրան ոչ մի տեղ չեն սպասում (հնարավոր է՝ նկատի ունի Բելառուսի նախագահ Ալեքսանդր Լուկաշենկոյին - խմբ.): ՀՀ վարչապետն ասել է, որ Երևանն այս ուղերձն ընկալել է ոչ թե բացասաբար, այլ դրական, և ցույց է տալիս, որ իրականում իրավիճակը բոլորովին այլ է։Հիշեցնենք` Ռոսսելխոզնադզորը մայիսից սկսեց սահմանափակել Հայաստանից ՌԴ ներմուծվող ապրանքները, սկզբում` ձուկն ու ծաղիկները, ապա` միրգ–բանջարեղենի որոշ տեսակները։ Հունիսի 2-ից Ռոսսելխոզնադզորը սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։ Հուլիսի 27-ից սահմանափակվել է նաև Հայաստանից կաթնամթերքի ներմուծումը։Գերատեսչությունն այս որոշումները բացատրում է հայտնաբերված խախտումներով և բուսասանիտարական անվտանգության ապահովման անհրաժեշտությամբ։ Նշենք, որ Ռուսաստանը հայկական գյուղմթերքի իրացման հիմնական շուկան է. ՌԴ–ին է բաժին ընկում Հայաստանի արտահանման ավելի քան 90 տոկոսը։

2026

Լուրեր

am_HY

եվրասիական տնտեսական միություն (եատմ), հայաստան և եատմ, տեսանյութեր, տեսանյութ, видео, արտահանում, ռուսաստան, հայաստան-ռուսաստան համագործակցություն