Հուլիսի 27-ից Ռուսաստանը կսահմանափակի Հայաստանից կաթնամթերքի ներմուծումը
Հուլիսի 27-ից Ռուսաստանը կսահմանափակի Հայաստանից կաթնամթերքի ներմուծումը
Sputnik Արմենիա
Ռոսսելխոզնադզորը հայտարարել է կաթի սանիտարական վերահսկողության խախտումների մասին, հատկապես գործարանների կողմից գյուղացիներից գնված կաթի դեպքում։ Բացի այդ... 24.07.2026, Sputnik Արմենիա
ԵՐԵՎԱՆ, 24 հուլիսի – Sputnik. Ռոսսելխոզնադզորը 2026 թվականի հուլիսի 27-ից սահմանափակումներ է մտցնում Հայաստանից Ռուսաստան կաթնամթերքի ներմուծման համար։ Այս մասին տեղեկանում ենք գերատեսչության կայքում տեղադրված նյութերից։Նշվում է, որ 2026 թվականի հուլիսի 14-21-ը ՀՀ–ում կաթնամթերքի վերամշակման գործարաններում կատարված ստուգումից հետո Ռոսսելխոզնադզորը դիմել է ՀՀ Սննդի անվտանգության տեսչական մարմին՝ խնդրելով հուլիսի 27-ից կասեցնել անասնաբուժական հավաստագրումը բոլոր հայկական ձեռնարկությունների համար:Հաշվի առնելով հայտնաբերված խախտումները, Ռոսսելխոզնադզորը միջոցներ է ձեռնարկել՝ թույլ չտալու համար «Ռուսաստան հատկապես վտանգավոր վարակների ներմուծումը և ոչ անվտանգ կաթնամթերքի իրացումը հայրենական շուկայում»։Նմանատիպ խախտումներ են գրանցվել 2023-2024 թվականների ստուգումների ժամանակ։ Ռուսական կողմի պնդմամբ՝ հայ արտադրողներն ու վերահսկող մարմինները չեն ապահովում հումքի հետագծելիությունը, ինչպես նաև խախտումներ են թույլ տալիս կաթնամթերքի հումքի սանիտարական փորձաքննության անցկացման և անասնաբուժական ուղեկցող փաստաթղթերի ձևակերպման հարցում։ Մասնավորապես՝ «պարզվել է, որ Ռուսաստան մատակարարվող արտադրանքի արտադրության համար վարակված գլխաքանակից ստացված կաթ է օգտագործվել»։ՀՀ–ից ՌԴ որոշ ապրանքների սահմանափակումների պատճառը բացառապես խախտումներն են. ԴանկվերտԲացի այդ, հաստատվել են ռուսական շուկայի համար արտադրանքի մեջ երրորդ երկրներից ձեռք բերված հումքի օգտագործման դեպքեր, չնայած Հայաստանի անասնաբուժական ծառայության նախկին հավաստիացումներին, որ օգտագործվում է Հայաստանի կամ ԵԱՏՄ այլ երկրների հումք։Նշենք, որ Ռուսաստանին բաժին է ընկնում Հայաստանի պանրի արտահանման 80%-ից մի փոքր ավելին։ Ռուսաստան արտահանումը, բացարձակ թվերով, 2024 թվականին կազմել է 11.2 մլն դոլար, 2025 թվականին՝ 13.5 մլն դոլար։ Նախկինում Հայաստանը Ռուսաստան էր արտահանում զգալի քանակությամբ կարագ (2024 թվականին՝ 7.6 մլն դոլար), սակայն 2025 թվականին այդ ծավալը նվազեց մինչև 1.5 մլն դոլար։Հավելենք, որ Ռոսսելխոզնադզորը ձեռնարկված միջոցառումները պատճառաբանել էր բուսասանիտարական պահանջների խախտումներով: Միևնույն ժամանակ Ռուսաստանը շարունակում է մնալ հայկական գյուղմթերքի իրացման հիմնական շուկան, որին բաժին է հասնում արտահանման ավելի քան 90%-ը:
ռոսսելխոզնադզոր, կաթնամթերք, ռուսաստան, հայաստան-ռուսաստան համագործակցություն, հայաստան, ներմուծում, արտահանում, արգելք, եվրասիական տնտեսական միություն (եատմ), հայաստան և եատմ
ռոսսելխոզնադզոր, կաթնամթերք, ռուսաստան, հայաստան-ռուսաստան համագործակցություն, հայաստան, ներմուծում, արտահանում, արգելք, եվրասիական տնտեսական միություն (եատմ), հայաստան և եատմ
Հուլիսի 27-ից Ռուսաստանը կսահմանափակի Հայաստանից կաթնամթերքի ներմուծումը
Ռոսսելխոզնադզորը հայտարարել է կաթի սանիտարական վերահսկողության խախտումների մասին, հատկապես գործարանների կողմից գյուղացիներից գնված կաթի դեպքում։ Բացի այդ, արտադրության մեջ ԵԱՏՄ անդամ չհանդիսացող երկրներից ստացված հումք է օգտագործվում։
ԵՐԵՎԱՆ, 24 հուլիսի – Sputnik. Ռոսսելխոզնադզորը 2026 թվականի հուլիսի 27-ից սահմանափակումներ է մտցնում Հայաստանից Ռուսաստան կաթնամթերքի ներմուծման համար։ Այս մասին տեղեկանում ենք գերատեսչության կայքում տեղադրված նյութերից։
Նշվում է, որ 2026 թվականի հուլիսի 14-21-ը ՀՀ–ում կաթնամթերքի վերամշակման գործարաններում կատարված ստուգումից հետո Ռոսսելխոզնադզորը դիմել է ՀՀ Սննդի անվտանգության տեսչական մարմին՝ խնդրելով հուլիսի 27-ից կասեցնել անասնաբուժական հավաստագրումը բոլոր հայկական ձեռնարկությունների համար:
Հաշվի առնելով հայտնաբերված խախտումները, Ռոսսելխոզնադզորը միջոցներ է ձեռնարկել՝ թույլ չտալու համար «Ռուսաստան հատկապես վտանգավոր վարակների ներմուծումը և ոչ անվտանգ կաթնամթերքի իրացումը հայրենական շուկայում»։
Նմանատիպ խախտումներ են գրանցվել 2023-2024 թվականների ստուգումների ժամանակ։ Ռուսական կողմի պնդմամբ՝ հայ արտադրողներն ու վերահսկող մարմինները չեն ապահովում հումքի հետագծելիությունը, ինչպես նաև խախտումներ են թույլ տալիս կաթնամթերքի հումքի սանիտարական փորձաքննության անցկացման և անասնաբուժական ուղեկցող փաստաթղթերի ձևակերպման հարցում։ Մասնավորապես՝ «պարզվել է, որ Ռուսաստան մատակարարվող արտադրանքի արտադրության համար վարակված գլխաքանակից ստացված կաթ է օգտագործվել»։
Բացի այդ, հաստատվել են ռուսական շուկայի համար արտադրանքի մեջ երրորդ երկրներից ձեռք բերված հումքի օգտագործման դեպքեր, չնայած Հայաստանի անասնաբուժական ծառայության նախկին հավաստիացումներին, որ օգտագործվում է Հայաստանի կամ ԵԱՏՄ այլ երկրների հումք։
Նշենք, որ Ռուսաստանին բաժին է ընկնում Հայաստանի պանրի արտահանման 80%-ից մի փոքր ավելին։ Ռուսաստան արտահանումը, բացարձակ թվերով, 2024 թվականին կազմել է 11.2 մլն դոլար, 2025 թվականին՝ 13.5 մլն դոլար։ Նախկինում Հայաստանը Ռուսաստան էր արտահանում զգալի քանակությամբ կարագ (2024 թվականին՝ 7.6 մլն դոլար), սակայն 2025 թվականին այդ ծավալը նվազեց մինչև 1.5 մլն դոլար։
Ռոսսելխոզնադզորի սահմանափակումների շարքը
Մայիսի 15–ին հայտնի դարձավ, որ հայկական կողմի խնդրանքով«Ռոսսելխոզնադզորը» ստուգումներ կիրականացնիայն ձեռնարկություններում, որոնցից մատակարարումները ՌԴ դադարեցվել էին կեղծված ձկնամթերքի (ենթադրաբար եվրոպական ծագում ունեցող) ներկրման կասկածի պատճառով: Մինչ այդ հայտնի էր դարձել, որ«Ռոսսելխոզնադզորն» ուժեղացրել է ՀՀ–ից ներմուծվող ապրանքների վերահսկողությունը։ Խոսելով անասնաբուծական մթերքների մատակարարման հետ կապված խնդիրների մասին՝ «Ռոսսելխոզնադզորի» ղեկավարՍերգեյ Դանկվերտն ասել էր` առաքվող որոշ ապրանքներ կարող են ոչ հայկական ծագում ունենալ։ Հայաստանի լեռնային գետերի իշխան ձուկը, նրա խոսքով, ոչ մի կերպ չի կարող նման լինել նորվեգականին։
Մայիսի 22-ին հայտարարվեց ծաղիկների ներմուծման սահմանափակմանմասին: 2026 թվականի մայիսի30-ին Ռոսսելխոզնադզորը ժամանակավոր սահմանափակումներ սահմանեցՀայաստանից ներմուծվող թարմ լոլիկի, վարունգի, պղպեղի, կանաչեղենի և ելակի ներմուծման համար: Գործակալությունը պարզաբանեց, որ որոշումը կայացվել է հայկական միրգ–բանջարեղենի մատակարարման հետ կապված խախտումների թվի աճի պատճառով և բուսասանիտարական անվտանգությունն ապահովելու համար։
Մայիսի 30–ինՀՀ Սննդամթերքի անվտանգության տեսչական մարմինը հայտնել էր, որ «Ռոսսելխոզնադզորը» վերացրել է սահմանափակումները Հայաստանի չորս ձկնաբուծարաններից երկուսի նկատմամբ: Նախնական արդյունքների համաձայն՝ արտահանման թույլտվություն են ստացել դրանցից երկուսը՝ «ՄՖ Էքսպորտը» և «Ինվեստ Պլյուսը»։
Հունիսի 2-ից«Ռոսսելխոզնադզորը» սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։ Դրանից հետո վարչապետ Նիկոլ Փաշինյանը հայտարարեց, որ ջերմոցային վարդերի և բանջարեղենի առաջին խմբաքանակները, որոնց ներմուծումը Ռուսաստան կասեցվել էր, կարտահանվեն այլ երկրներ։
Հավելենք, որ Ռոսսելխոզնադզորը ձեռնարկված միջոցառումները պատճառաբանել էր բուսասանիտարական պահանջների խախտումներով: Միևնույն ժամանակ Ռուսաստանը շարունակում է մնալ հայկական գյուղմթերքի իրացման հիմնական շուկան, որին բաժին է հասնում արտահանման ավելի քան 90%-ը:
