https://arm.sputniknews.ru/20260709/mamulic-em-teghekacel-narek-karapetjany-ir-nkatmamb-harucvats-qreakan-gvortsi-masin-104434514.html
Մամուլից եմ տեղեկացել. Նարեկ Կարապետյանը` իր նկատմամբ սկսված քրեական վարույթի մասին
Մամուլից եմ տեղեկացել. Նարեկ Կարապետյանը` իր նկատմամբ սկսված քրեական վարույթի մասին
Sputnik Արմենիա
Նարեկ Կարապետյանը վստահեցրեց` երկքաղաքացի լինելու հետ կապված հարցումներ են արվել մի քանի երկիր, պատասխանը բացասական է եղել։ 09.07.2026, Sputnik Արմենիա
2026-07-09T19:39+0400
2026-07-09T19:39+0400
2026-07-10T00:18+0400
նարեկ կարապետյան
քրեական գործ
«ուժեղ հայաստան» կուսակցություն
https://cdn.am.sputniknews.ru/img/07ea/06/1a/103898744_0:84:1600:984_1920x0_80_0_0_985a0e2dea51c0498e1ccdf2148715a5.jpg
ԵՐԵՎԱՆ, 9 հուլիսի – Sputnik. «Ուժեղ Հայաստան» կուսակցության խորհրդի անդամ, դաշինքի նախընտրական ցուցակը գլխավորող Նարեկ Կարապետյանը մամուլից է տեղեկացել իր նկատմամբ հարուցված քրեական վարույթի մասին։Հուլիսի 8–ին հայտնի դարձավ, որ Նարեկ Կարապետյանի նկատմամբ քրեական հետապնդում հարուցելու վերաբերյալ ՀՀ գլխավոր դատախազության միջնորդությունը ԿԸՀ-ն հետ է տվել։Խոսելով ծառայությունից խուսափելու վերաբերյալ քրեական վարույթի մասին` նա շեշտեց, որ դրա հետ կապված այժմ որևէ խոսք չկա. մի քանի ամիս առաջ մի քանի անգամ իրավապահներն իրեն կանչել են, և վերջ։Կարապետյանի պնդմամբ` այսօրվա Հայաստանում իրավական հիմքի բացակայությունը դեռ պատճառ չէ, որ քրեական վարույթ չհարուցվի։ «Ուժեղ Հայաստանը» կվերցնի մանդատները. Նարեկ ԿարապետյանՀարցին` հնարավո՞ր է արդյոք, որ այսպիսով ցանկանում են կասեցնել իր մուտքը ԱԺ, Կարապետյանը պատասխանեց, որ այդ մասին էլ տեղեկություն չունի։ Նա վստահեցրեց` սին պլաններ ունի ՀՀ իշխանությունը։ Նարեկ Կարապետյանը շեշտեց, որ իրենք ԱԺ են գնում հասարակական գլխավոր նպատակը կատարելու` փոփոխություն անելու և մարդկանց կյանքը բարելավելու։ Ինչ վերաբերում է ԱԺ–ում հանձնաժողովների նախագահներ և փոխնախագահներ ունենալու հանգամանքին, ապա Կարապետյանը շեշտեց` պետք է նայեն նպատակահարմարությանը. այս պահին դեռ քննարկումներ են ընթանում։ Պետք է հասկանան, թե այդ պաշտոնները ստանձնելը որքանով է օգնելու իրենց «կտրել ՔՊ–ի թևերը»։Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական արդյունքներով ԲՀԿ–ն ստացել էր ընտրողների քվեների 4%–ը և կարող էր մտնել խորհրդարան։ Ավելի ուշ ԿԸՀ–ն անվավեր ճանաչեց 3 ընտրատեղամասերի քվեարկության արդյունքները, ինչի հետևանքով «Բարգավաճ Հայաստան» կուսակցությունը կորցրեց 213 քվե՝ փաստացի չկարողանալով հաղթահարել 4% անցողիկ շեմը։ Հունիսի 14–ին ԿԸՀ–ն հրապարակեց քվեարկության վերջնական արդյունքները, համաձայն որի` ԲՀԿ–ն չի անցնում խորհրդարան (58287 քվե կամ 3.9893%)։Ըստ ԿԸՀ-ի վերջնական արդյունքների՝ խորհրդարանում ՔՊ-ն կունենա 64 մանդատ, «Ուժեղ Հայաստանը»՝ 29, իսկ «Հայաստան» դաշինքը՝ 12 մանդատ:Հունիսի 19-ին 7 քաղաքական ուժեր դիմեցին ՍԴ՝ պահանջելով չեղյալ ճանաչել ընտրությունների արդյունքները։ Հուլիսի 4–ին ՍԴ–ն ԿԸՀ–ի որոշումը թողեց ուժի մեջ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նարեկ կարապետյան, քրեական գործ, «ուժեղ հայաստան» կուսակցություն
նարեկ կարապետյան, քրեական գործ, «ուժեղ հայաստան» կուսակցություն
Մամուլից եմ տեղեկացել. Նարեկ Կարապետյանը` իր նկատմամբ սկսված քրեական վարույթի մասին
19:39 09.07.2026 (Թարմացված է: 00:18 10.07.2026) Նարեկ Կարապետյանը վստահեցրեց` երկքաղաքացի լինելու հետ կապված հարցումներ են արվել մի քանի երկիր, պատասխանը բացասական է եղել։
ԵՐԵՎԱՆ, 9 հուլիսի – Sputnik. «Ուժեղ Հայաստան» կուսակցության խորհրդի անդամ, դաշինքի նախընտրական ցուցակը գլխավորող Նարեկ Կարապետյանը մամուլից է տեղեկացել իր նկատմամբ հարուցված քրեական վարույթի մասին։
Հուլիսի 8–ին
հայտնի դարձավ, որ Նարեկ Կարապետյանի նկատմամբ քրեական հետապնդում հարուցելու վերաբերյալ ՀՀ գլխավոր դատախազության միջնորդությունը ԿԸՀ-ն հետ է տվել։
«Տեղյակ չեմ` ինչ գործի մասին է, մամուլից եմ տեղեկացել։ Ընդհանրապես չգիտեմ` ինչ է։ Որևէ կառույցից որևէ հրավեր չեմ ստացել, բոլոր երկրները հարցումներում պատասխանել են, որ իրենց երկրի քաղաքացի չեմ»,– ասաց Կարապետյանը։
Խոսելով ծառայությունից խուսափելու վերաբերյալ քրեական վարույթի մասին` նա շեշտեց, որ դրա հետ կապված այժմ որևէ խոսք չկա. մի քանի ամիս առաջ մի քանի անգամ իրավապահներն իրեն կանչել են, և վերջ։
Կարապետյանի պնդմամբ` այսօրվա Հայաստանում իրավական հիմքի բացակայությունը դեռ պատճառ չէ, որ քրեական վարույթ չհարուցվի։
Հարցին` հնարավո՞ր է արդյոք, որ այսպիսով ցանկանում են կասեցնել իր մուտքը ԱԺ, Կարապետյանը պատասխանեց, որ այդ մասին էլ տեղեկություն չունի։ Նա վստահեցրեց` սին պլաններ ունի ՀՀ իշխանությունը։
Նարեկ Կարապետյանը շեշտեց, որ իրենք ԱԺ են գնում հասարակական գլխավոր նպատակը կատարելու` փոփոխություն անելու և մարդկանց կյանքը բարելավելու։
«Այնտեղ նստած իշխանականներից յուրաքանչյուրն իր ճակատին կրում է 50 000 ապացուցված գողացված ձայնի դրոշմը։ Մեզ համար կարևոր չէ, որ ԲՀԿ–ն չմտավ խորհրդարան, ու դրանով մենք մի քանի մանդատ ավելի ենք ստանում։ Կարևոր է լեգիտիմությունը»,– ասաց Կարապետյանը` անդրադառնալով ենթադրյալ կաշառքների վերաբերյալ իրենց հասցեին հնչող մեղադրանքների մասին։
Ինչ վերաբերում է ԱԺ–ում հանձնաժողովների նախագահներ և փոխնախագահներ ունենալու հանգամանքին, ապա Կարապետյանը շեշտեց` պետք է նայեն նպատակահարմարությանը. այս պահին դեռ քննարկումներ են ընթանում։ Պետք է հասկանան, թե այդ պաշտոնները ստանձնելը որքանով է օգնելու իրենց «կտրել ՔՊ–ի թևերը»։
Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական արդյունքներով ԲՀԿ–ն ստացել էր ընտրողների քվեների 4%–ը և կարող էր մտնել խորհրդարան։ Ավելի ուշ ԿԸՀ–ն անվավեր ճանաչեց 3 ընտրատեղամասերի քվեարկության արդյունքները, ինչի հետևանքով «Բարգավաճ Հայաստան» կուսակցությունը կորցրեց 213 քվե՝ փաստացի չկարողանալով հաղթահարել 4% անցողիկ շեմը։ Հունիսի 14–ին ԿԸՀ–ն հրապարակեց քվեարկության վերջնական արդյունքները, համաձայն որի` ԲՀԿ–ն չի անցնում խորհրդարան (58287 քվե կամ 3.9893%)։ Ըստ ԿԸՀ-ի վերջնական արդյունքների՝ խորհրդարանում ՔՊ-ն կունենա 64 մանդատ, «Ուժեղ Հայաստանը»՝ 29, իսկ «Հայաստան» դաշինքը՝ 12 մանդատ:
Հունիսի 19-ին 7 քաղաքական ուժեր դիմեցին ՍԴ՝ պահանջելով չեղյալ ճանաչել ընտրությունների արդյունքները։ Հուլիսի 4–ին ՍԴ–ն ԿԸՀ–ի որոշումը թողեց ուժի մեջ։ 
