https://arm.sputniknews.ru/20260611/hhum-verjin-shrjanum-dzevavvorvel-e-anarvoghj-mtnvolvort-bhk-khvosnakn-ardzaganqel-e-pashinjanin-103385748.html

ՀՀ–ում վերջին շրջանում ձևավորվել է անառողջ մթնոլորտ. ԲՀԿ խոսնակն արձագանքել է Փաշինյանին

ՀՀ–ում վերջին շրջանում ձևավորվել է անառողջ մթնոլորտ. ԲՀԿ խոսնակն արձագանքել է Փաշինյանին

Sputnik Արմենիա

Իվետա Տոնոյանն ընդգծել է, որ Գագիկ Ծառուկյանը միջազգային լայն և բաց համագործակցություն ունի, որի մասին երբևէ չեն թաքցրել։ 11.06.2026, Sputnik Արմենիա

2026-06-11T15:27+0400

2026-06-11T15:27+0400

2026-06-11T16:28+0400

հայաստան

իվետա տոնոյան

գագիկ ծառուկյան

նիկոլ փաշինյան

https://cdn.am.sputniknews.ru/img/1221/16/12211623_0:0:1600:901_1920x0_80_0_0_f35157d118008e10ce4beeea097272de.jpg

ԵՐԵՎԱՆ, 11 հունիսի – Sputnik. Այն ժամանակ, երբ ԲՀԿ–ն և այլ քաղաքական ուժեր զբաղված են ընտրությունների արդյունքների վիճարկման, վերահաշվարկների և յուրաքանչյուր քաղաքացու քվեի պաշտպանման գործընթացներով, երկրի վարչապետը հանրային օրակարգ է բերում անհասկանալի պիտակավորումներ և գնահատականներ։ Ֆեյսբուքյան էջում այս մասին գրել է «Բարգավաճ Հայաստան» կուսակցության մամուլի խոսնակ, պատգամավորի թեկնածու Իվետա Տոնոյանը։ՀՀ գործող վարչապետ Նիկոլ Փաշինյանը կառավարության այսօրվա նիստից հետո լրագրողների հարցերին պատասխանելիս անդրադարձավ այն հայտարարություններին, որ գործող իշխանությունները գործարք են առաջարկել ընդդիմությանը, որպեսզի կարողանան ԱԺ–ում սահմանադրական մեծամասնություն կազմել, և խոսքը մասնավորապես վերաբերում է ԲՀԿ առաջնորդ Գագիկ Ծառուկյանին։ Նա հայտարարեց` եթե Ծառուկյանին գործարք առաջարկեին, նա ծնկաչոք ընդառաջ կգար։Ինչ վերաբերում է Փաշինյանի մյուս հայտարարությանը, թե Ծառուկյանին Հայաստանում գործարք առաջարկող չի եղել, դրա համար ընկել է աշխարհեաշխարհ, տարբեր տեղեր գործարք է փնտրել, ԲՀԿ խոսնակը հիշեցրել է, որ Ծառուկյանը միջազգային լայն և բաց համագործակցություն ունի, որի մասին երբևէ չեն թաքցրել։«ՌԴ «Եդինայա Ռոսիա» կուսակցության հետ մեր գործընկերային հարաբերությունները, պաշտոնական հանդիպումները և փոխադարձ այցերը բազմիցս հրապարակայնորեն ներկայացվել են։ ԲՀԿ–ն հանդիսանում է Եվրոպայի պահպանողականների և ռեֆորմիստների ընտանիքի անդամ՝ իրականացնելով տարբեր ծրագրեր և փոխադարձ այցեր և այլն»,– նշել է Տոնոյանը։Երեկ «Հրապարակը» գրել էր, որ Գագիկ Ծառուկյանի առաջնորդած ուժը` ԲՀԿ–ն, իրականում հաղթահարել է անցողիկ շեմը, սակայն իշխանական շրջանակից նրան գործարք են առաջարկել` կմտնի խորհրդարան, եթե համաձայնի դառնալ Փաշինյանի գրպանային ընդդիմությունը և հարկ եղած դեպքում 3/5 մեծամասնություն ապահովի նրա համար, օրինակ` սահմանադրական կարևորագույն մարմինների ղեկավարների և անդամների ընտրության ժամանակ։Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական հաշվարկների համաձայն` «Քաղաքացիական պայմանագիր» կուսակցությանը կողմ է քվեարկել ընտրողների 49,82%–ը, «Ուժեղ Հայաստան» դաշինքին` 23,28%–ը, «Հայաստան» դաշինքին` 9,93%–ը։ «Բարգավաճ Հայաստան» կուսակցությունը ստացել է քվեների 3,9%–ը, ինչը նրան թույլ չի տալիս մտնել ԱԺ, սակայն Կենտրոնական ընտրական հանձնաժողովի նախագահ Վահագն Հովակիմյանը հունիսի 8–ին հայտարարել է, որ վերահաշվարկից հետո իրավիճակը կարող է փոխվել։

2026

Լուրեր

am_HY

հայաստան, իվետա տոնոյան, գագիկ ծառուկյան, նիկոլ փաշինյան