https://arm.sputniknews.ru/20260605/datakhazutjuny-araratcementi-masnavvorecman-harcvov-dimel-e-dataran-103058299.html
Դատախազությունը «Արարատցեմենտի» մասնավորեցման հարցով դիմել է դատարան
Դատախազությունը «Արարատցեմենտի» մասնավորեցման հարցով դիմել է դատարան
Sputnik Արմենիա
Դատախազությունը կառավարությանն առաջարկել է «Արարատցեմենտում» ժամանակավոր կառավարիչ նշանակել։ 05.06.2026, Sputnik Արմենիա
2026-06-05T12:31+0400
2026-06-05T12:31+0400
2026-06-05T12:31+0400
հայաստան
արարատցեմենտ
հհ դատախազություն
դատարան
https://cdn.am.sputniknews.ru/img/1807/93/18079362_0:84:1601:984_1920x0_80_0_0_344db0a959a76e28b7dc8b023b65287d.jpg
ԵՐԵՎԱՆ, 5 հունիսի – Sputnik. Գլխավոր դատախազությունը ընթացք է տվել ՀՀ վարչապետ Նիկոլ Փաշինյանի` քարոզարշավին արված հայտարարությանը և դիմել է Վարչական դատարան՝ պահանջելով անվավեր ճանաչել մասնավորեցման մասին կառավարության 2002 թվականի որոշումը։ Տեղեկությունը հայտնում է դատախազության մամուլի ծառայությունը։Նիկոլ Փաշինյանը մայիսի 20-ին Լոռու մարզի Շնող համայնքում քարոզարշավի ժամանակ հայտարարեց, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն արձագանքեց այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։ Մայիսի 20-ին ՀՀ դատախազությունը հայտարարեց, որ «Արարատցեմենտի» մասնավորեցման գործընթացում խախտումներ են հայտնաբերվել։Դատախազությունը պնդում է՝ «Արարատցեմենտի» համար ձևական աճուրդներ են արվել«Գլխավոր դատախազությունը 2026 թվականի մայիսի 5-ին գրություն է հասցեագրել ՀՀ կառավարություն՝ առաջարկելով քննարկել ընկերությունում առկա խախտումները և դրանց հետևանքները վերացնելու նպատակով պատշաճ վարչարարություն իրականացնելու, այդ թվում, օրինակ, ընկերությունում ժամանակավոր կառավարիչ նշանակելու նպատակահարմարությունը»,– ասված է այսօրվա հաղորդագրությունում։Ըստ դատախազության` ամեն ինչ սկսվել է 2001 թվականին, երբ կառավարությունը որոշել է մրցույթով վաճառել գործարանի պետական բաժնետոմսերը։ Իրավապահ կառույցը հիշեցրել է, որ գնման հայտ էին ներկայացրել շվեյցարական «Holcim» և անգլիական «SK.Ajikawo Group» ընկերությունները. մրցույթում հաղթել էր շվեյցարական կողմը, սակայն շատ չանցած նրանց տնօրենների խորհուրդը հրաժարվել էր ներդրումային ծրագրից։Ըստ դատախազության ուսումնասիրության՝ մրցույթը ձախողվելուց հետո կառավարությունը խախտել է օրենքով սահմանված 60-օրյա ժամկետն ու այլ պահանջներ, անտեսել է անգլիական «SK.Ajikawo Group» անվանումով ընկերության կողմից նախապես հայտնի գնորդ լինելու հանգամանքը և նշված ընկերությանն ուղղակի վաճառքով օտարելու փոխարեն, «Արարատցեմենտ» բաց բաժնետիրական ընկերության 317.003 բաժնետոմսերը՝ յուրաքանչյուրը 10 հազար դրամ անվանական արժեքով, ուղղակի վաճառքով մասնավորեցրել է Բելգիայի Թագավորությունում հիմնադրված, ընդամենը 18 հազար 952 եվրոյի չափով կանոնադրական կապիտալ ունեցող, սննդամթերքի, կիսաֆաբրիկատների, տրանսպորտային միջոցների ներկրմամբ և արտահանմամբ, ինչպես նաև լվացքատների, բենզալցակայանների շահագործմամբ զբաղվող և «Մուլտի Գրուպ» Կոնցեռնի հիմնադիր Գագիկ Ծառուկյանի դստեր ամուսնու՝ Կարապետ Գուլոյանի հորեղբոր՝ Վահագն Գուլոյանի կողմից կառավարվող «Roberto» ՍՊ ընկերությանը:Կառավարությունն այդ ժամանակ, ըստ դատախազության, բաժնետոմսերի գին է սահմանել 200 000 ԱՄՆ դոլար՝ գնորդին պարտավորեցնելով այն վճարել պայմանագիրը ստորագրելուց հետո 3 բանկային օրվա ընթացքում։Գլխավոր դատախազությունը հիշեցրել է, որ խախտումներ է հայտնաբերել նաև գործարանին պատկանող հողատարածքների մասնավորեցման հարցում, ինչի հիման վրա 2026 թվականի մայիսի 27-ին հանցագործության մասին հաղորդում է ներկայացվել Հակակոռուպցիոն կոմիտե, իսկ պետշահերի պաշտպանության հայցը մտել է դատարան։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արարատցեմենտ, հհ դատախազություն, դատարան
հայաստան, արարատցեմենտ, հհ դատախազություն, դատարան
Դատախազությունը «Արարատցեմենտի» մասնավորեցման հարցով դիմել է դատարան
Դատախազությունը կառավարությանն առաջարկել է «Արարատցեմենտում» ժամանակավոր կառավարիչ նշանակել։
ԵՐԵՎԱՆ, 5 հունիսի – Sputnik. Գլխավոր դատախազությունը ընթացք է տվել ՀՀ վարչապետ Նիկոլ Փաշինյանի` քարոզարշավին արված հայտարարությանը և դիմել է Վարչական դատարան՝ պահանջելով անվավեր ճանաչել մասնավորեցման մասին կառավարության 2002 թվականի որոշումը։ Տեղեկությունը հայտնում է
դատախազության մամուլի ծառայությունը։
Նիկոլ Փաշինյանը մայիսի 20-ին Լոռու մարզի Շնող համայնքում քարոզարշավի ժամանակ
հայտարարեց, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն
արձագանքեց այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։ Մայիսի 20-ին
ՀՀ դատախազությունը հայտարարեց, որ «Արարատցեմենտի» մասնավորեցման գործընթացում խախտումներ են հայտնաբերվել։
«Գլխավոր դատախազությունը 2026 թվականի մայիսի 5-ին գրություն է հասցեագրել ՀՀ կառավարություն՝ առաջարկելով քննարկել ընկերությունում առկա խախտումները և դրանց հետևանքները վերացնելու նպատակով պատշաճ վարչարարություն իրականացնելու, այդ թվում, օրինակ, ընկերությունում ժամանակավոր կառավարիչ նշանակելու նպատակահարմարությունը»,– ասված է այսօրվա հաղորդագրությունում։
Ըստ դատախազության` ամեն ինչ սկսվել է 2001 թվականին, երբ կառավարությունը որոշել է մրցույթով վաճառել գործարանի պետական բաժնետոմսերը։ Իրավապահ կառույցը հիշեցրել է, որ գնման հայտ էին ներկայացրել շվեյցարական «Holcim» և անգլիական «SK.Ajikawo Group» ընկերությունները. մրցույթում հաղթել էր շվեյցարական կողմը, սակայն շատ չանցած նրանց տնօրենների խորհուրդը հրաժարվել էր ներդրումային ծրագրից։
Ըստ դատախազության ուսումնասիրության՝ մրցույթը ձախողվելուց հետո կառավարությունը խախտել է օրենքով սահմանված 60-օրյա ժամկետն ու այլ պահանջներ, անտեսել է անգլիական «SK.Ajikawo Group» անվանումով ընկերության կողմից նախապես հայտնի գնորդ լինելու հանգամանքը և նշված ընկերությանն ուղղակի վաճառքով օտարելու փոխարեն, «Արարատցեմենտ» բաց բաժնետիրական ընկերության 317.003 բաժնետոմսերը՝ յուրաքանչյուրը 10 հազար դրամ անվանական արժեքով, ուղղակի վաճառքով մասնավորեցրել է Բելգիայի Թագավորությունում հիմնադրված, ընդամենը 18 հազար 952 եվրոյի չափով կանոնադրական կապիտալ ունեցող, սննդամթերքի, կիսաֆաբրիկատների, տրանսպորտային միջոցների ներկրմամբ և արտահանմամբ, ինչպես նաև լվացքատների, բենզալցակայանների շահագործմամբ զբաղվող և «Մուլտի Գրուպ» Կոնցեռնի հիմնադիր Գագիկ Ծառուկյանի դստեր ամուսնու՝ Կարապետ Գուլոյանի հորեղբոր՝ Վահագն Գուլոյանի կողմից կառավարվող «Roberto» ՍՊ ընկերությանը:
Կառավարությունն այդ ժամանակ, ըստ դատախազության, բաժնետոմսերի գին է սահմանել 200 000 ԱՄՆ դոլար՝ գնորդին պարտավորեցնելով այն վճարել պայմանագիրը ստորագրելուց հետո 3 բանկային օրվա ընթացքում։
Գլխավոր դատախազությունը հիշեցրել է, որ խախտումներ է հայտնաբերել նաև գործարանին պատկանող հողատարածքների մասնավորեցման հարցում, ինչի հիման վրա 2026 թվականի մայիսի 27-ին հանցագործության մասին հաղորդում է ներկայացվել Հակակոռուպցիոն կոմիտե, իսկ պետշահերի պաշտպանության հայցը մտել է դատարան։
