ԵՐԵՎԱՆ, 6 ապրիլի – Sputnik. Երևանում Սուրբ Աննա եկեղեցում տեղի ունեցած միջադեպից հետո կալանավորված 18-ամյա Դավիթ Մինասյանի դասընկերները բողոքի ակցիա իրականացրին ՀՀ գլխավոր դատախազության մոտ։Դպրոցականները դատախազության մոտ էին եկել «Ազատություն Դավիթին», «Ազատություն մեր ընկերոջը» գրությամբ պաստառներով։ Նրանք նաև դիմում ներկայացրին ՀՀ գլխավոր դատախազ Աննա Վարդապետյանի անունով։«Կալանավորված դպրոցական Դավիթ Մինասյանի առողջական վիճակը կտրուկ վատացել է, և այս պահին նա հիվանդանոցում է։ Նրա կյանքը և առողջությունը իրական վտանգի մեջ են, և բժիշկների մշտական հսկողության կարիք ունի։ Այս իրավիճակում նրա նկատմամբ ընտրված կալանքը մարդկային տեսանկյունից դառնում է ծայրահեղ ծանր և անհամաչափ միջոց, Դավիթ Մինասյանը բարեխիղճ, կիրթ, պատասխանատու աշակերտ է»,- ասված է դիմումի մեջ։Գերատեսչությունից հայտնել են, որ 30-օրյա ժամկետում կպատասխանեն դիմումին։ Դասընկերներից մեկը նշեց` դիմումը հանձնելով հույս ունեն, որ դատախազը հաշվի կառնի մարդասիրական գործոնը՝ ելնելով առողջական վիճակից։Դավիթ Մինասյանի դասընկերը շեշտեց, որ անհրաժեշտության դեպքում այլ ակցիա նույնպես կիրականացնեն։Հիշեցնենք` մարտի 29–ին Սուրբ Աննա եկեղեցում միջադեպ տեղի ունեցավ ՀՀ վարչապետ Նիկոլ Փաշինյանի մասնակցությամբ։ Որոշ ժամանակ անց խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով ձերբակալվեցին 18-ամյա երկվորյակ եղբայրներ Դավիթ և Միքայել Մինասյաններն ու հանրային գործիչ Գևորգ Գևորգյանը։ 3 անձ ձերբակալվեց։Մարտի 30–ին քննիչները խուզարկություն իրականացրին տղաների բնակարանում։ Մարտի 31–ին հայտնի դարձավ, որ եկեղեցում տեղի ունեցած միջադեպից հետո ձերբակալված 3 տղաների նկատմամբ քրեական վարույթ է նախաձեռնվել խուլիգանության և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։ Երկվորյակ եղբայրներից մեկի` Միքայել Մինասյանի ու Գևորգ Գևորգյանի նկատմամբ խափանման միջոց ընտրվեց բացակայելու արգելքը և 5 մլն դրամ գրավը։ Իսկ Դավիթ Մինասյանը ապրիլի 1–ին 2 ամսով կալանավորվեց։Ապրիլի 3–ին Դավիթին «Արմավիր» ՔԿՀ-ից տեղափոխեցին «Աբովյան» ՔԿՀ՝ դպրոցական կրթությունը չընդհատելու նպատակով։ Ավելի ուշ հայտնի դարձավ, որ Դավիթի առողջական վիճակը վատացել է, տեղափոխել են «Աբովյան» բշժկական կենտրոն, որտեղից էլ՝ «Նաիրի» ԲԿ։
Գերատեսչությունից հայտնել են, որ 30-օրյա ժամկետում կպատասխանեն դիմումին։
ԵՐԵՎԱՆ, 6 ապրիլի – Sputnik. Երևանում Սուրբ Աննա եկեղեցում տեղի ունեցած միջադեպից հետո կալանավորված 18-ամյա Դավիթ Մինասյանի դասընկերները բողոքի ակցիա իրականացրին ՀՀ գլխավոր դատախազության մոտ։
Դպրոցականները դատախազության մոտ էին եկել «Ազատություն Դավիթին», «Ազատություն մեր ընկերոջը» գրությամբ պաստառներով։ Նրանք նաև դիմում ներկայացրին ՀՀ գլխավոր դատախազ Աննա Վարդապետյանի անունով։
«Կալանավորված դպրոցական Դավիթ Մինասյանի առողջական վիճակը կտրուկ վատացել է, և այս պահին նա հիվանդանոցում է։ Նրա կյանքը և առողջությունը իրական վտանգի մեջ են, և բժիշկների մշտական հսկողության կարիք ունի։ Այս իրավիճակում նրա նկատմամբ ընտրված կալանքը մարդկային տեսանկյունից դառնում է ծայրահեղ ծանր և անհամաչափ միջոց, Դավիթ Մինասյանը բարեխիղճ, կիրթ, պատասխանատու աշակերտ է»,- ասված է դիմումի մեջ։
Գերատեսչությունից հայտնել են, որ 30-օրյա ժամկետում կպատասխանեն դիմումին։ Դասընկերներից մեկը նշեց` դիմումը հանձնելով հույս ունեն, որ դատախազը հաշվի կառնի մարդասիրական գործոնը՝ ելնելով առողջական վիճակից։
Դավիթ Մինասյանի դասընկերը շեշտեց, որ անհրաժեշտության դեպքում այլ ակցիա նույնպես կիրականացնեն։
Հիշեցնենք` մարտի 29–ին Սուրբ Աննա եկեղեցում միջադեպ տեղի ունեցավ ՀՀ վարչապետ Նիկոլ Փաշինյանի մասնակցությամբ։ Որոշ ժամանակ անց խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով ձերբակալվեցին 18-ամյա երկվորյակ եղբայրներ Դավիթ և Միքայել Մինասյաններն ու հանրային գործիչ Գևորգ Գևորգյանը։ 3 անձ ձերբակալվեց։
Մարտի 30–ին քննիչները խուզարկություն իրականացրին տղաների բնակարանում։ Մարտի 31–ին հայտնի դարձավ, որ եկեղեցում տեղի ունեցած միջադեպից հետո ձերբակալված 3 տղաների նկատմամբ քրեական վարույթ է նախաձեռնվել խուլիգանության և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։ Երկվորյակ եղբայրներից մեկի` Միքայել Մինասյանի ու Գևորգ Գևորգյանի նկատմամբ խափանման միջոց ընտրվեց բացակայելու արգելքը և 5 մլն դրամ գրավը։ Իսկ Դավիթ Մինասյանը ապրիլի 1–ին 2 ամսով կալանավորվեց։
