https://arm.sputniknews.ru/20260401/rdn-hhin-nvor-atvomakajani-hamar-aravel-barenpast-arajarkner-kani-rvosatvomi-tnoren-100513457.html
ՌԴ–ն ՀՀ–ին նոր ատոմակայանի համար առավել բարենպաստ առաջարկներ կանի. «Ռոսատոմի» տնօրեն
ՌԴ–ն ՀՀ–ին նոր ատոմակայանի համար առավել բարենպաստ առաջարկներ կանի. «Ռոսատոմի» տնօրեն
Sputnik Արմենիա
Ալեքսեյ Լիխաչովը հայտարարել է, որ տարբեր՝ խոշոր, միջին և փոքր էներգաբլոկների մասով ռուսական կողմը բազմիցս առաջարկներ է արել։ Վերջնական որոշումը պետք է կայացնի... 01.04.2026, Sputnik Արմենիա
2026-04-01T20:58+0400
2026-04-01T20:58+0400
2026-04-01T22:11+0400
ատոմակայան
մոդուլային ատոմակայան
հայաստան
ռուսաստան
հայաստան-ռուսաստան համագործակցություն
ալեքսեյ լիխաչով
հայկական ատոմային էլեկտրակայան (հաէկ)
https://cdn.am.sputniknews.ru/img/07ea/03/19/100235420_0:0:3007:1691_1920x0_80_0_0_10287a03e59759d1439f00577bd89fb8.jpg
ԵՐԵՎԱՆ, 1 ապրիլի – Sputnik. «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը հայտարարել է, որ Ռուսաստանը մտադիր է Հայաստանին առավելագույն հարմար պայմաններն առաջարկել նոր ատոմակայանի կառուցման համար: Այս մասին նա լրագրողներին հայտնել է Ռուսաստանի նախագահ Վլադիմիր Պուտինի հետ ՀՀ վարչապետ Նիկոլ Փաշինյանի գլխավորած պատվիրակության հանդիպումից առաջ։Լիխաչովի խոսքով՝ բանակցությունների ընթացքում կարող է հստակեցվել Հայաստանի կառավարության կոնկրետ հարցումների ցանկը։«Ռոսատոմ» պետական կորպորացիայի գլխավոր տնօրենն ընդգծել է, որ Հայաստանը 1970-ականների վերջերից կարողություններ ունի խաղաղ ատոմի ոլորտում, և այդ ներուժը պետք է պահպանել: Նրա կարծիքով` առանց ատոմային էներգետիկայի զարգացման անհնար է ապահովել երկրի էներգետիկ անկախությունը, ընդ որում, հենց ռուսական լուծումները կարող են մոտ ապագայում պահանջված լինել:Լիխաչովը հիշեցրել է, որ «Ռոսատոմի» մասնակցությամբ իրականացվող արդիականացման արդյունքում գործող ատոմակայանի շահագործման ժամկետը նախատեսվում է երկարաձգել մինչև 2036 թվականը: Սակայն դրանից հետո կայանի ռեսուրսը հավանաբար կսպառվի, ուստի առաջիկա 10 տարում կպահանջվի նոր ԱԷԿ-ի կառուցում, որը կապահովի էլեկտրաէներգիայի բազային արտադրություն:ՀՀ–ն նոր ատոմակայան կառուցելու հարցում շահավետ առաջարկ է փնտրում. Փաշինյանը` ՊուտինինՆրա խոսքով՝ ռուսական կողմը բազմիցս առաջարկներ է արել Հայաստանին՝ մեծ հզորության էներգաբլոկներից մինչև միջին և փոքր լուծումներ:«Այդ տարբերակներից յուրաքանչյուրն ունի իր առավելություններն ու դժվարությունները, սակայն վերջնական որոշումը պետք է կայացնի պատվիրատուն», – ընդգծել է նա:Լիխաչովը նաև նշել է, որ ատոմային էներգետիկայի թեման կարող է դառնալ Հայաստանի հասարակական-քաղաքական օրակարգի առանցքային հարցերից մեկը:«Սա հարց է, որը քննարկվում է ինչպես քաղաքական հարթակներում, այնպես էլ կենցաղային մակարդակում, թե ինչպես է ապահովվելու Հայաստանի էներգետիկ անկախությունը», - ասել է նա:Հիշեցնենք` Հայկական ԱԷԿ–ն ապահովում է Հայաստանում էլեկտրաէներգիայի արտադրության մոտ ⅓–ը։ Կայանի առաջին էներգաբլոկը շահագործման է հանձնվել 1976 թվականի դեկտեմբերին, երկրորդը` 1980 թվականի հունվարին: Սպիտակի երկրաշարժից հետո` 1989 թվականի մարտին, կայանի աշխատանքները դադարեցվեցին, իսկ 2–րդ էներգաբլոկը վերագործարկվեց 1995 թվականի նոյեմբերին։ Ի սկզբանե շահագործման առավելագույն ժամկետ էր սահմանվել 2016 թվականը, սակայն «Ռոսատոմ» պետական կորպորացիայի մասնագետների շնորհիվ այն երկարացվեց մինչև 2026 թվականը։2023 թվականի դեկտեմբերին «Ռոսատոմ սերվիսը» և «Հայկական ատոմային էլեկտրակայան» ՓԲԸ–ն կնքեցին շրջանակային պայմանագիր՝ կայանի շահագործման ժամկետը մինչև 2036 թվականը կրկնակի երկարաձգելու համալիր միջոցառումներ իրականացնելու համար։Փաշինյանը մոդուլային ռեակտորների տեխնոլոգիաների թեման քննարկել է ՄԱԳԱՏԷ–ի ղեկավարի հետՀավելենք, որ 2026թ–ի փետրվարի 9-ին Երևանում ՀՀ վարչապետ Նիկոլ Փաշինյանի հետ հանդիպման ժամանակ ԱՄՆ փոխնախագահ Ջեյմս Դեյվիդ Վենսը հայտարարեց, թե ԱՄՆ–ն ու Հայաստանը ավարտել են քաղաքացիական միջուկային համագործակցության համաձայնագրի շուրջ բանակցությունները։ Ըստ Վենսի` դա նշանակում է մինչև 5 միլիարդ դոլար սկզբնական ամերիկյան արտահանում, գումարած լրացուցիչ 4 միլիարդ դոլարի երկարաժամկետ աջակցություն վառելիքի և սպասարկման պայմանագրերի միջոցով։ ԱՄՆ փոխնախագահի խոսքով` սա նշանակում է փոքր մոդուլային ռեակտորներ, ամերիկյան տեխնոլոգիաները կգան Հայաստան։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ատոմակայան, մոդուլային ատոմակայան, հայաստան, ռուսաստան, հայաստան-ռուսաստան համագործակցություն, ալեքսեյ լիխաչով, հայկական ատոմային էլեկտրակայան (հաէկ)
ատոմակայան, մոդուլային ատոմակայան, հայաստան, ռուսաստան, հայաստան-ռուսաստան համագործակցություն, ալեքսեյ լիխաչով, հայկական ատոմային էլեկտրակայան (հաէկ)
ՌԴ–ն ՀՀ–ին նոր ատոմակայանի համար առավել բարենպաստ առաջարկներ կանի. «Ռոսատոմի» տնօրեն
20:58 01.04.2026 (Թարմացված է: 22:11 01.04.2026) Ալեքսեյ Լիխաչովը հայտարարել է, որ տարբեր՝ խոշոր, միջին և փոքր էներգաբլոկների մասով ռուսական կողմը բազմիցս առաջարկներ է արել։ Վերջնական որոշումը պետք է կայացնի հայկական կողմը։
ԵՐԵՎԱՆ, 1 ապրիլի – Sputnik. «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը հայտարարել է, որ Ռուսաստանը մտադիր է Հայաստանին առավելագույն հարմար պայմաններն առաջարկել նոր ատոմակայանի կառուցման համար: Այս մասին նա լրագրողներին հայտնել է Ռուսաստանի նախագահ Վլադիմիր Պուտինի հետ ՀՀ վարչապետ Նիկոլ Փաշինյանի գլխավորած պատվիրակության հանդիպումից առաջ։
Լիխաչովի խոսքով՝ բանակցությունների ընթացքում կարող է հստակեցվել Հայաստանի կառավարության կոնկրետ հարցումների ցանկը։
«Ես ոչ միայն կարծում եմ, այլ միանգամայն վստահ եմ, որ Ռուսաստանի կողմից կարվեն առավել հարմար առաջարկներ, քանի որ մեզ կապում է տասնամյակների կառուցողական համագործակցությունը», – նշել է Լիխաչովը:
«Ռոսատոմ» պետական կորպորացիայի գլխավոր տնօրենն ընդգծել է, որ Հայաստանը 1970-ականների վերջերից կարողություններ ունի խաղաղ ատոմի ոլորտում, և այդ ներուժը պետք է պահպանել: Նրա կարծիքով` առանց ատոմային էներգետիկայի զարգացման անհնար է ապահովել երկրի էներգետիկ անկախությունը, ընդ որում, հենց ռուսական լուծումները կարող են մոտ ապագայում պահանջված լինել:
Լիխաչովը հիշեցրել է, որ «Ռոսատոմի» մասնակցությամբ իրականացվող արդիականացման արդյունքում գործող ատոմակայանի շահագործման ժամկետը նախատեսվում է երկարաձգել մինչև 2036 թվականը: Սակայն դրանից հետո կայանի ռեսուրսը հավանաբար կսպառվի, ուստի առաջիկա 10 տարում կպահանջվի նոր ԱԷԿ-ի կառուցում, որը կապահովի էլեկտրաէներգիայի բազային արտադրություն:
Նրա խոսքով՝ ռուսական կողմը բազմիցս առաջարկներ է արել Հայաստանին՝ մեծ հզորության էներգաբլոկներից մինչև միջին և փոքր լուծումներ:
«Այդ տարբերակներից յուրաքանչյուրն ունի իր առավելություններն ու դժվարությունները, սակայն վերջնական որոշումը պետք է կայացնի պատվիրատուն», – ընդգծել է նա:
Լիխաչովը նաև նշել է, որ ատոմային էներգետիկայի թեման կարող է դառնալ Հայաստանի հասարակական-քաղաքական օրակարգի առանցքային հարցերից մեկը:
«Սա հարց է, որը քննարկվում է ինչպես քաղաքական հարթակներում, այնպես էլ կենցաղային մակարդակում, թե ինչպես է ապահովվելու Հայաստանի էներգետիկ անկախությունը», - ասել է նա:
Հիշեցնենք` Հայկական ԱԷԿ–ն ապահովում է Հայաստանում էլեկտրաէներգիայի արտադրության մոտ ⅓–ը։ Կայանի առաջին էներգաբլոկը շահագործման է հանձնվել 1976 թվականի դեկտեմբերին, երկրորդը` 1980 թվականի հունվարին: Սպիտակի երկրաշարժից հետո` 1989 թվականի մարտին, կայանի աշխատանքները դադարեցվեցին, իսկ 2–րդ էներգաբլոկը վերագործարկվեց 1995 թվականի նոյեմբերին։ Ի սկզբանե շահագործման առավելագույն ժամկետ էր սահմանվել 2016 թվականը, սակայն «Ռոսատոմ» պետական կորպորացիայի մասնագետների շնորհիվ այն երկարացվեց մինչև 2026 թվականը։
2023 թվականի դեկտեմբերին «Ռոսատոմ սերվիսը» և «Հայկական ատոմային էլեկտրակայան» ՓԲԸ–ն կնքեցին շրջանակային պայմանագիր՝ կայանի շահագործման ժամկետը մինչև 2036 թվականը կրկնակի
երկարաձգելու համալիր միջոցառումներ իրականացնելու համար։
Հավելենք, որ 2026թ–ի փետրվարի 9-ին Երևանում ՀՀ վարչապետ Նիկոլ Փաշինյանի հետ հանդիպման ժամանակ ԱՄՆ փոխնախագահ Ջեյմս Դեյվիդ
Վենսը հայտարարեց, թե ԱՄՆ–ն ու Հայաստանը ավարտել են քաղաքացիական միջուկային համագործակցության համաձայնագրի շուրջ բանակցությունները։ Ըստ Վենսի` դա նշանակում է մինչև 5 միլիարդ դոլար սկզբնական ամերիկյան արտահանում, գումարած լրացուցիչ 4 միլիարդ դոլարի երկարաժամկետ աջակցություն վառելիքի և սպասարկման պայմանագրերի միջոցով։ ԱՄՆ փոխնախագահի խոսքով` սա նշանակում է փոքր մոդուլային ռեակտորներ, ամերիկյան տեխնոլոգիաները կգան
Հայաստան։
