https://arm.sputniknews.ru/20260116/qnnchakan-marminy-mijnvordel-e-erkaradzgel-samvel-karapetjani-tnajin-kalanqy-97805107.html
Քննչական մարմինը միջնորդել է երկարաձգել Սամվել Կարապետյանի տնային կալանքը
Քննչական մարմինը միջնորդել է երկարաձգել Սամվել Կարապետյանի տնային կալանքը
Sputnik Արմենիա
Պաշտպանի խոսքով՝ Կարապետյանն այսօրվա դատական նիստին չի մասնակցելու։ 16.01.2026, Sputnik Արմենիա
2026-01-16T11:01+0400
2026-01-16T11:01+0400
2026-01-16T11:02+0400
հայաստան
սամվել կարապետյան
տնային կալանք
դատարան
https://cdn.am.sputniknews.ru/img/07e5/09/14/33469652_0:38:1600:939_1920x0_80_0_0_fd8b2c34b48a286f4d06679f9f3565b1.jpg
ԵՐԵՎԱՆ, 16 հունվարի – Sputnik․ ՀՀ քննչական կոմիտեն միջնորդել է երկարաձգել Սամվել Կարապետյանի տնային կալանքի ժամկետը։ Ֆեյսբուքյան իր էջում այս մասին հայտնում է Կարապետյանի պաշտպանական խմբի անդամ Արամ Վարդևանյանը։Քննիչը միջնորդությունը ներկայացրել է հունվարի 13-ին, վարույթ է ընդունվել հունվարի 14-ին։ Ըստ օրենքի՝ առավել խիստ խափանման միջոցի վերաբերյալ միջնորդություն կարող է ներկայացվել, եթե, օրինակ, տնային կալանքի դեպքում խախտում տեղի ունենար։Նշենք, որ հունվարի 5-ին դատախազությունը մուտքագրել էր վերաքննիչ բողոք՝ Սամվել Կարապետյանի կալանքի պահանջով: Վերաքննիչ դատարանը հունվարի 12-ին վարույթ էր ընդունել դատախազի և նաև Կարապետյանի պաշտպանական խմբի բերած բողոքները։ Որոշման հրապարակման օր էր սահմանվել հունվարի 16-ը: Միաժամանակ քննչական մարմնի ներկայացրած միջնորդության վերաբերյալ նիստը Հակակոռուպցիոն դատարանում նշանակվել է կրկին այսօր՝ հունվարի 16-ին։Վարդևանյանի խոսքով՝ եթե խոսում ենք իրավունքի և իրավաբանության տեսանկյունից, ապա դատախազության ներկայացրած բողոքի վերաբերյալ որոշման հրապարակում այսօր այլևս չի կարող լինել։Հավելենք, որ Սամվել Կարապետյանն այսօրվա դատական նիստին չի մասնակցելու։Պատճառների մասին պաշտպանը չցանկացավ խոսել։ Ինչ վերաբերում է Կարապետյանի առողջական վիճակին, Վարդևանյանը նշեց, որ այս փուլում նրա առողջական վիճակի վերաբերյալ ևս լրացուցիչ տեղեկություններ չեն հայտնում։Հիշեցնենք` հունիսի 17-ին Սամվել Կարապետյանի տանը խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը կալանավորվեց հունիսի 18-ին։Կարապետյանին մեղադրանք առաջադրվեց ՔՕ 290 (հարկերը, տուրքերը կամ այլ վճարներ չվճարել), 296 (փողերի լվացում), 422 (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։Հոկտեմբերի 13-ին հայտնի դարձավ, որ Սամվել Կարապետյանի մեղադրանքը փոփոխվել է, ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։Դեկտեմբերի 30-ին դատարանը փոխեց գործարարի խափանման միջոցը, և կալանքը փոխարինվեց գրավով և տնային կալանքով։ Նույն օրը նա ՔԿՀ–ից տեղափոխվեց տուն։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սամվել կարապետյան, տնային կալանք, դատարան
հայաստան, սամվել կարապետյան, տնային կալանք, դատարան
Քննչական մարմինը միջնորդել է երկարաձգել Սամվել Կարապետյանի տնային կալանքը
11:01 16.01.2026 (Թարմացված է: 11:02 16.01.2026) Պաշտպանի խոսքով՝ Կարապետյանն այսօրվա դատական նիստին չի մասնակցելու։
ԵՐԵՎԱՆ, 16 հունվարի – Sputnik․ ՀՀ քննչական կոմիտեն միջնորդել է երկարաձգել Սամվել Կարապետյանի տնային կալանքի ժամկետը։ Ֆեյսբուքյան իր էջում այս մասին հայտնում է Կարապետյանի պաշտպանական խմբի անդամ
Արամ Վարդևանյանը։
«Քննչական մարմինը ներկայացրել է տնային կալանքի երկարաձգման միջնորդություն, քանի որ օրենքի ուժով այլ միջնորդությամբ չեն կարող հանդես գալ»,- գրել է Վարդևանյանը։
Քննիչը միջնորդությունը ներկայացրել է հունվարի 13-ին, վարույթ է ընդունվել հունվարի 14-ին։ Ըստ օրենքի՝ առավել խիստ խափանման միջոցի վերաբերյալ միջնորդություն կարող է ներկայացվել, եթե, օրինակ, տնային կալանքի դեպքում խախտում տեղի ունենար։
Նշենք, որ հունվարի 5-ին դատախազությունը մուտքագրել էր վերաքննիչ բողոք՝ Սամվել Կարապետյանի կալանքի պահանջով: Վերաքննիչ դատարանը հունվարի 12-ին վարույթ էր ընդունել դատախազի և նաև Կարապետյանի պաշտպանական խմբի բերած բողոքները։ Որոշման հրապարակման օր էր սահմանվել հունվարի 16-ը: Միաժամանակ քննչական մարմնի ներկայացրած միջնորդության վերաբերյալ նիստը Հակակոռուպցիոն դատարանում նշանակվել է կրկին այսօր՝ հունվարի 16-ին։
Վարդևանյանի խոսքով՝ եթե խոսում ենք իրավունքի և իրավաբանության տեսանկյունից, ապա դատախազության ներկայացրած բողոքի վերաբերյալ որոշման հրապարակում այսօր այլևս չի կարող լինել։
«Քաղաքական հետապնդման այսօրվա զարգացումների վերաբերյալ առանձին կտեղեկացնենք»,- իր գրառման մեջ նշել է Վարդևանյանը։
Հավելենք, որ Սամվել Կարապետյանն այսօրվա դատական նիստին չի մասնակցելու։
Պատճառների մասին պաշտպանը չցանկացավ խոսել։ Ինչ վերաբերում է Կարապետյանի առողջական վիճակին, Վարդևանյանը նշեց, որ այս փուլում նրա առողջական վիճակի վերաբերյալ ևս լրացուցիչ տեղեկություններ չեն հայտնում։
Հիշեցնենք` հունիսի 17-ին Սամվել Կարապետյանի տանը
խուզարկություն իրականացվեց այն բանից հետո, երբ նա հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա: Կարապետյանը կալանավորվեց հունիսի 18-ին։
Կարապետյանին մեղադրանք առաջադրվեց ՔՕ 290 (հարկերը, տուրքերը կամ այլ վճարներ չվճարել), 296 (փողերի լվացում), 422 (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը) հոդվածներով։
Հոկտեմբերի 13-ին հայտնի դարձավ, որ Սամվել Կարապետյանի
մեղադրանքը փոփոխվել է, ավելացվել է Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով նախատեսված մեղադրանքը՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացում։
Դեկտեմբերի 30-ին դատարանը
փոխեց գործարարի խափանման միջոցը, և կալանքը փոխարինվեց գրավով և տնային կալանքով։ Նույն օրը նա
ՔԿՀ–ից տեղափոխվեց տուն։
