https://arm.sputniknews.ru/20251117/zgushaceq-parisecineric-rusastani-ev-nvor-nakhijevani-hajvoc-temi-hajtararutjuny-95928005.html
«Զգուշացե՛ք փարիսեցիներից». Ռուսաստանի և Նոր Նախիջևանի հայոց թեմի հայտարարությունը
«Զգուշացե՛ք փարիսեցիներից». Ռուսաստանի և Նոր Նախիջևանի հայոց թեմի հայտարարությունը
Sputnik Արմենիա
Եզրաս արքեպիսկոպոս Ներսիսյանը հիշեցրել է ՀՀ գործող իշխանությունների խոստումները սիրո, համերաշխության ու միասնության մասին, որոնց փոխարեն այսօր ունենք... 17.11.2025, Sputnik Արմենիա
2025-11-17T16:33+0400
2025-11-17T16:33+0400
2025-11-17T16:34+0400
տ. եզրաս արքեպիսկոպոս ներսիսյան
հայ առաքելական եկեղեցի
հայաստան
իշխանություն
ռուսաստան
https://cdn.am.sputniknews.ru/img/07e9/02/03/85431172_0:385:2047:1536_1920x0_80_0_0_098c7677047f82aa564f8722434cae2e.jpg
ԵՐԵՎԱՆ, 17 նոյեմբերի – Sputnik․ ՀՀ–ում պետական ապարատի ճնշումների ներքո այսօր շինծու մեղադրանքներով, անհեթեթ պատճառաբանություններով ձերբակալություններ են կատարվում, մարդկանց են պատանդ վերցնում և թշնամաբար հաշվեհարդար տեսնում, նրանց ազատությունը սահմանափակելու միջոցով փորձում են վախեցնել, ճնշել, արդար ձայնը լռեցնել: Այս մասին հայտարարել է Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանը, փոխանցում է թեմի մամուլի ծառայությունը։Նրա խոսքով` բանտախցերում հայտնված մարդիկ, որոնց թվում են նաև իր հարազատ եղբայր Գևորգ Ներսիսյանն ու նրա որդին, իրենց հավատքը, արժանապատվությունը, հայրենիքը պաշտպանող հայորդիներ են, որոնց նկատմամբ քաղաքական բռնաճնշումներն իրականացվում են քինախնդրությամբ և օրենքի կոպիտ խախտումով՝ պետականամետության շղարշի ներքո:Փաշինյանը Վաղարշապատի հաղթանակն ընկալել է որպես «Մայր աթոռի ազատագրման» ազդակ«Իշխանությունն այսօր, կորցնելով իր բարոյական կշիռը, դարձել է վտանգավոր մի խմբակ, որը «ո՛չ Աստծուց է վախենում, ո՛չ էլ մարդկանցից ամաչում, անխիղճ վերաբերմունքով ոտնակոխ է անում օրենքը, խլում ուրիշների իրավունքը», և «վայելում» անպատժելիության պտուղները։ Սակայն չպիտի մոռանանք, որ անպատժելիությունը մարդուն հաճախ դրդում է հիմար և ստոր արարքների»,– ընդգծել է Եզրաս արքեպիսկոպոս Ներսիսյանը։Նա հիշեցրել է ՀՀ գործող իշխանությունների խոստումները սիրո, համերաշխության ու միասնության մասին, որոնց փոխարեն այսօր ունենք անմիաբանություն, ատելություն, պառակտում, իսկ արտաքին քաղաքականության մեջ՝ նվաստացուցիչ ձախողումներ:Հիշեցնենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը և Արագածոտնի թեմի դիվանապետ Գարեգին Արսենյանը։Նոյեմբերի 3-ին դատարանը որոշեց 1 ամսով կալանավորել Ամենայն հայոց կաթողիկոս Գարեգին Երկրորդի եղբորը` Գևորգ Ներսիսյանին և եղբորորդուն՝ Համբարձում Ներսիսյանին։ Նրանց նկատմամբ հանրային քրեական հետապնդում է նախաձեռնված Քրեական օրենսգրքի 211-րդ հոդվածի 2-րդ մասի 5-րդ կետով (մի խումբ անձանց կողմից քարոզչություն կատարելուն խոչընդոտելը): Քրեական վարույթը, մեղադրական եզրակացությամբ, արդեն դատարան է ուղարկվել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տ. եզրաս արքեպիսկոպոս ներսիսյան, հայ առաքելական եկեղեցի, հայաստան, իշխանություն, ռուսաստան
տ. եզրաս արքեպիսկոպոս ներսիսյան, հայ առաքելական եկեղեցի, հայաստան, իշխանություն, ռուսաստան
«Զգուշացե՛ք փարիսեցիներից». Ռուսաստանի և Նոր Նախիջևանի հայոց թեմի հայտարարությունը
16:33 17.11.2025 (Թարմացված է: 16:34 17.11.2025) Եզրաս արքեպիսկոպոս Ներսիսյանը հիշեցրել է ՀՀ գործող իշխանությունների խոստումները սիրո, համերաշխության ու միասնության մասին, որոնց փոխարեն այսօր ունենք անմիաբանություն, ատելություն, պառակտում, իսկ արտաքին քաղաքականության մեջ՝ նվաստացուցիչ ձախողումներ:
ԵՐԵՎԱՆ, 17 նոյեմբերի – Sputnik․ ՀՀ–ում պետական ապարատի ճնշումների ներքո այսօր շինծու մեղադրանքներով, անհեթեթ պատճառաբանություններով ձերբակալություններ են կատարվում, մարդկանց են պատանդ վերցնում և թշնամաբար հաշվեհարդար տեսնում, նրանց ազատությունը սահմանափակելու միջոցով փորձում են վախեցնել, ճնշել, արդար ձայնը լռեցնել: Այս մասին հայտարարել է Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանը, փոխանցում է թեմի մամուլի ծառայությունը։
«Վարչակազմի այս բացահայտ գործելաոճը չի տեղավորվում ո՛չ սահամանադրական, ո՛չ օրենսդրական, ո՛չ միջազգային, ո՛չ էլ համամարդկային ու բարոյական արժեհամակարգի մեջ և հիշեցնում է անաստվածության տարիները, երբ կեղծ մեղադրանքներով շինծու դատավարություններ էին իրականացվում ու մարդկային ճակատագրեր խեղվում»,– նշել է արքեպիսկոպոսը:
Նրա խոսքով` բանտախցերում հայտնված մարդիկ, որոնց թվում են նաև իր հարազատ եղբայր Գևորգ Ներսիսյանն ու նրա որդին, իրենց հավատքը, արժանապատվությունը, հայրենիքը պաշտպանող հայորդիներ են, որոնց նկատմամբ քաղաքական բռնաճնշումներն իրականացվում են քինախնդրությամբ և օրենքի կոպիտ խախտումով՝ պետականամետության շղարշի ներքո:
«Իշխանությունն այսօր, կորցնելով իր բարոյական կշիռը, դարձել է վտանգավոր մի խմբակ, որը «ո՛չ Աստծուց է վախենում, ո՛չ էլ մարդկանցից ամաչում, անխիղճ վերաբերմունքով ոտնակոխ է անում օրենքը, խլում ուրիշների իրավունքը», և «վայելում» անպատժելիության պտուղները։ Սակայն չպիտի մոռանանք, որ անպատժելիությունը մարդուն հաճախ դրդում է հիմար և ստոր արարքների»,– ընդգծել է Եզրաս արքեպիսկոպոս Ներսիսյանը։
Նա հիշեցրել է ՀՀ գործող իշխանությունների խոստումները սիրո, համերաշխության ու միասնության մասին, որոնց փոխարեն այսօր ունենք անմիաբանություն, ատելություն, պառակտում, իսկ արտաքին քաղաքականության մեջ՝ նվաստացուցիչ ձախողումներ:
«Հենց այս տեսակի մարդկանց մասին է Քրիստոս ասում. «Զգուշացե՛ք փարիսեցիներից»: Իսկ մենք գիտենք, որ փարիսեցիները տարբեր միջոցներով ու խորամանկություններով կոծկում են կատարած չար գործերը, որոնք բխում են խաբեբա ու խորամանկ, վախկոտ ու իշխանատենչ, փառասեր ու արծաթասեր սրտից, և փորձում են արդար երևալ՝ որպես Աստծո «երկրպագողներ»»,– եզրափակել է արքեպիսկոպոսը։
Հիշեցնենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես
կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ
Բագրատ արքեպիսկոպոս Գալստանյանը, Շիրակի թեմի առաջնորդ
Միքայել արքեպիսկոպոս Աջապահյանը, Արագածոտնի թեմի առաջնորդ
Մկրտիչ սրբազանը և Արագածոտնի թեմի դիվանապետ
Գարեգին Արսենյանը։
Նոյեմբերի 3-ին դատարանը որոշեց
1 ամսով կալանավորել Ամենայն հայոց կաթողիկոս Գարեգին Երկրորդի եղբորը` Գևորգ Ներսիսյանին և եղբորորդուն՝ Համբարձում Ներսիսյանին։ Նրանց նկատմամբ հանրային քրեական հետապնդում է նախաձեռնված Քրեական օրենսգրքի 211-րդ հոդվածի 2-րդ մասի 5-րդ կետով (մի խումբ անձանց կողմից քարոզչություն կատարելուն խոչընդոտելը): Քրեական վարույթը, մեղադրական եզրակացությամբ, արդեն
դատարան է ուղարկվել։
