ԵՐԵՎԱՆ, 24 հոկտեմբերի - Sputnik. Հոկտեմբերի 26–ին` ժամը 9։00֊ին, հարցաքննության է կանչվել նաև Բյուրականի Սուրբ Հովհաննես եկեղեցու հոգևոր սպասավոր տեր Վրթանես Բաղալյանը։ Այս մասին հայտնում է Արագածոտնի թեմի մամուլի ծառայությունը։Ավելի վաղ ՀՀ քննչական կոմիտեն նույն ժամին հարցաքննության էր կանչել Հովհաննավանքի հոգևոր հովիվ տեր Սարգիս քահանա Սարգսյանին։Արագածոտնի թեմը հայտարարել է, որ նրան և մյուս քահանա հայրերին հարցաքննության հրավիրողը կա՛մ անտեղյակ է, որ քահանաները Սուրբ պատարագ են մատուցում կիրակի օրերին, կա՛մ անկողմնակալ չէ և ապօրինի հանձնարարություն է կատարում` նպատակ ունենալով խաթարել թեմում մատուցվող պատարագները։Հիշեցնենք` տևական ժամանակ է` ՀՀ իշխանությունը արշավ է սկսել նաև եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը և Արագածոտնի թեմի դիվանապետ Գարեգին Արսենյանը։Հոկտեմբերի 15-ի վաղ առավոտյան իրավապահները խուզարկություն էին իրականացրել Արագածոտնի թեմի առաջնորդ Մկրտիչ եպիսկոպոս Պռոշյանի տանը, ապա բերման ենթարկել նրան։ Սրբազանից բացի, բերման էին ենթարկվել նաև Արագածոտնի թեմի 12 քահանաներ և առաջնորդարանի աշխատակիցներ։ Ավելի ուշ ՔԿ–ն հայտնեց, որ 3-ը ձերբակալվել են, որոնցից մեկը թեմի առաջնորդն է։ Նրա նկատմամբ հանրային քրեական հետապնդում է հարուցվել ՔՕ 2 հոդվածներով՝ պաշտոնեական դիրքն օգտագործելով ընտրական իրավունքի իրականացումը խոչընդոտելը, իշխանական կամ ծառայողական լիազորություններն օգտագործելով հավաքներին մասնակցելուն հարկադրելը։Քրեական վարույթը հարուցվել է Արագածոտնի թեմի քահանա Արամ Ասատրյանի` Հանրային հեռուստաընկերության եթերում հնչեցրած արտահայտությունների հիման վրա (Ասատրյանն ասել էր, որ թեմի առաջնորդն իրեն և մյուս քահանաներին ստիպել է 2021 թվականին մասնակցել ընդդիմության բողոքի ակցիաներին): «Իրազեկ քաղաքացիների միավորում» ՀԿ-ի նախագահ Դանիել Իոաննիսյանն է դիմել ՀՀ գլխավոր դատախազություն՝ ուշադրություն հրավիրելով քահանայի հայտարարությունների վրա։Հոկտեմբերի 16-ի վաղ առավոտյան Մկրտիչ սրբազանը կալանավորվեց 2 ամսով, իսկ Արագածոտնի թեմի դիվանապետ տեր Գարեգին Արսենյանը` 1 ամսով։
Ավելի վաղ ՀՀ քննչական կոմիտեն նույն ժամին հարցաքննության էր կանչել Հովհաննավանքի հոգևոր հովվին։
ԵՐԵՎԱՆ, 24 հոկտեմբերի - Sputnik. Հոկտեմբերի 26–ին` ժամը 9։00֊ին, հարցաքննության է կանչվել նաև Բյուրականի Սուրբ Հովհաննես եկեղեցու հոգևոր սպասավոր տեր Վրթանես Բաղալյանը։ Այս մասին հայտնում է Արագածոտնի թեմի մամուլի ծառայությունը։
Ավելի վաղ ՀՀ քննչական կոմիտեն նույն ժամին հարցաքննության էր կանչել Հովհաննավանքի հոգևոր հովիվ տեր Սարգիս քահանա Սարգսյանին։
Արագածոտնի թեմը հայտարարել է, որ նրան և մյուս քահանա հայրերին հարցաքննության հրավիրողը կա՛մ անտեղյակ է, որ քահանաները Սուրբ պատարագ են մատուցում կիրակի օրերին, կա՛մ անկողմնակալ չէ և ապօրինի հանձնարարություն է կատարում` նպատակ ունենալով խաթարել թեմում մատուցվող պատարագները։
Հոկտեմբերի 15-ի վաղ առավոտյան իրավապահները խուզարկություն էին իրականացրել Արագածոտնի թեմի առաջնորդ Մկրտիչ եպիսկոպոս Պռոշյանի տանը, ապա բերման ենթարկել նրան։ Սրբազանից բացի, բերման էին ենթարկվել նաև Արագածոտնի թեմի 12 քահանաներ և առաջնորդարանի աշխատակիցներ։ Ավելի ուշ ՔԿ–ն հայտնեց, որ 3-ը ձերբակալվել են, որոնցից մեկը թեմի առաջնորդն է։ Նրա նկատմամբ հանրային քրեական հետապնդում է հարուցվել ՔՕ 2 հոդվածներով՝ պաշտոնեական դիրքն օգտագործելով ընտրական իրավունքի իրականացումը խոչընդոտելը, իշխանական կամ ծառայողական լիազորություններն օգտագործելով հավաքներին մասնակցելուն հարկադրելը։
Քրեական վարույթը հարուցվել է Արագածոտնի թեմի քահանա Արամ Ասատրյանի` Հանրային հեռուստաընկերության եթերում հնչեցրած արտահայտությունների հիման վրա (Ասատրյանն ասել էր, որ թեմի առաջնորդն իրեն և մյուս քահանաներին ստիպել է 2021 թվականին մասնակցել ընդդիմության բողոքի ակցիաներին): «Իրազեկ քաղաքացիների միավորում» ՀԿ-ի նախագահ Դանիել Իոաննիսյանն է դիմել ՀՀ գլխավոր դատախազություն՝ ուշադրություն հրավիրելով քահանայի հայտարարությունների վրա։
