https://arm.sputniknews.ru/20251006/arsen-ghukasjani-inqnazgacvoghutjuny-vatacel-e-shtapognutjun-e-ekel-pastaban-94308355.html
Արսեն Ղուկասյանի ինքնազգացողությունը վատացել է, շտապօգնություն է եկել. փաստաբան
Արսեն Ղուկասյանի ինքնազգացողությունը վատացել է, շտապօգնություն է եկել. փաստաբան
Sputnik Արմենիա
Անհետ կորած զինծառայողի հորեղբոր կալանքի նիստը տեղի կունենա այսօր՝ ժամը 21:00–ին, Երևանի առաջին ատյանի ընդհանուր իրավասության քրեական դատարանի Ավան... 06.10.2025, Sputnik Արմենիա
2025-10-06T20:34+0400
2025-10-06T20:34+0400
2025-10-06T20:35+0400
հայաստան
անհետ կորած
հհ պաշտպանության նախարարություն (պն)
https://cdn.am.sputniknews.ru/img/07e9/0a/06/94306873_0:86:1600:986_1920x0_80_0_0_f60a02b93d10f3d1d5eb406b89b9de70.jpg
ԵՐԵՎԱՆ, 6 հոկտեմբերի – Sputnik. Անհետ կորած զինծառայողներից մեկի հարազատի` Արսեն Ղուկասյանի ինքնազգացողությունն այսօր վատացել է, նրա համար շտապօգնություն են կանչել։ Աջափնյակ վարչական շրջանի դատարանի բակում լրագրողների հետ զրույցում այս մասին ասաց փաստաբան Տաթև Սողոյանը։Ավելի վաղ հայտնել էինք, որ այսօր ձերբակալել են անհետ կորած զինծառայողերի հարազատներից երկուսին` Ապիջան Սարգսյանին և Արսեն Ղուկասյանին, այնուհետև Ապիջան Սարգսյանին ազատ են արձակել, իսկ Արսեն Ղուկասյանին` ոչ։ Նրանց մեղադրանք է առաջադրվել սեպտեմբերի 29–ին ՀՀ պաշտպանության նախարարության շենքի մոտ բողոքի ակցիայի ժամանակ քաշքշուկի ժամանակ խուլիգանություն կատարելու և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։Նա ընդգծեց` ոչ մի տեսանյութով չի հաստատվել, որ Արսեն Ղուկասյանը որևէ ծառայողի է հարվածել։«Տեղի ունեցած քաշքշուկի հետ կապված նա ուղղակի վրդովված է եղել, ու այդ մասին նա մանրամասն ցուցմունքներ է տվել։ Հիմա ուղղակի իրավապահ համակարգը մատի փաթաթան է սարքել խուլիգանության հոդվածը ու ամեն մի հրմշտոց այդ հոդվածի տակ է դնում։ Իմ վստահորդի կողմից շշեր չեն նետվել, անգամ եթե նետվել են, ապա ոչ ծառայողների ուղղությամբ»,– ասաց Սողոյանը։Նրա համար տարօրինակ է նաև այն, որ վերջին հինգ տարիների ընթացքում ծնողները բազմաթիվ նման ակցիաներ են իրականացրել, սակայն երբևէ նման խնդիր չի առաջացել։«Ռազմական ոստիկանության և ՊՆ ծառայողներն այդ քաշքշուկի հետ կապված հաղորդում են ներկայացրել` մատնանշելով կոնկրետ Արսեն Ղուկասյանին, և այդ մատնանշումը, մեր համոզմամբ, պատահական չի եղել»,– ասաց փաստաբանը։Սողոյանն ավելացրեց, որ Ապիջան Սարգսյանն ազատ է արձակվել երկրից չհեռանալու մասին ստորագրությամբ։Ի դեպ, Արսեն Ղուկասյանի կալանքի նիստը տեղի կունենա այսօր՝ ժամը 21:00–ին, Երևանի առաջին ատյանի ընդհանուր իրավասության քրեական դատարանի Ավան նստավայրում։ Գործը մակագրվել է Մասիս Մելքոնյանին:Հիշեցնենք, որ արցախյան 44-օրյա պատերազմում անհետ կորած զինծառայողների հարազատները սեպտեմբերի 27-ին պաշտպանության նախարարության վարչական համալիրի մոտ հանդիպում էին պահանջում ՀՀ գլխավոր շտաբի պետ Էդվարդ Ասրյանի, Արցախի ՊԲ նախկին հրամանատար, այժմ պաշտպանության նախարարի խորհրդական Կամո Վարդանյանի հետ։ Ծնողներին խոստացել էին հանդիպումը կազմակերպել սեպտեմբերի 29–ին, սակայն ժամ չէին ասել։ Անհետ կորած զինծառայողների հարազատները երկուշաբթի ժամը 12–ին ՊՆ շենքի դիմաց էին։Ավելի ուշ հայտնի դարձավ, որ նրանք մի քանի ժամանոց հանդիպում են ունեցել ԳՇ պետ Էդվարդ Ասրյանի հետ։ ՀՀ ՊՆ մամուլի ծառայությունը միաժամանակ հաղորդագրություն տարածեց, որում նշվում էր` ՊՆ–ի մոտ սեպտեմբերի 29–ին ակցիայի որոշ մասնակիցներ ռազմական ոստիկանության ծառայողների ուղղությամբ շշեր են նետել, ինչպես նաև այլ առարկաներով տարբեր գործողությունների դիմել, ինչին ի պատասխան ՌՈ ծառայողների գործողությունները շարունակել են մնալ հարգալից։Հիշեցնենք նաև` 2022թ․ ապրիլի 13-ին ՀՀ վարչապետ Նիկոլ Փաշինյանն ԱԺ-ում հայտարարեց, որ 44-օրյա պատերազմի հետևանքով զոհվել է 3825 անձ, անհետ կորած է համարվում 187 զինծառայող և 21 քաղաքացիական անձ։ 2025թ․ մարտին քննչական կոմիտեն, ի պատասխան «Ժողովուրդ» օրաթերթի հարցման, հայտնեց, որ 44-օրյա պատերազմում զոհվել է 3941 անձ, իսկ 191-ը համարվում է անհետ կորած։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, անհետ կորած, հհ պաշտպանության նախարարություն (պն)
հայաստան, անհետ կորած, հհ պաշտպանության նախարարություն (պն)
Արսեն Ղուկասյանի ինքնազգացողությունը վատացել է, շտապօգնություն է եկել. փաստաբան
20:34 06.10.2025 (Թարմացված է: 20:35 06.10.2025) Անհետ կորած զինծառայողի հորեղբոր կալանքի նիստը տեղի կունենա այսօր՝ ժամը 21:00–ին, Երևանի առաջին ատյանի ընդհանուր իրավասության քրեական դատարանի Ավան նստավայրում։
ԵՐԵՎԱՆ, 6 հոկտեմբերի – Sputnik. Անհետ կորած զինծառայողներից մեկի հարազատի` Արսեն Ղուկասյանի ինքնազգացողությունն այսօր վատացել է, նրա համար շտապօգնություն են կանչել։ Աջափնյակ վարչական շրջանի դատարանի բակում լրագրողների հետ զրույցում այս մասին ասաց փաստաբան Տաթև Սողոյանը։
Ավելի վաղ
հայտնել էինք, որ այսօր ձերբակալել են անհետ կորած զինծառայողերի հարազատներից երկուսին` Ապիջան Սարգսյանին և Արսեն Ղուկասյանին, այնուհետև Ապիջան Սարգսյանին ազատ են արձակել, իսկ Արսեն Ղուկասյանին` ոչ։ Նրանց մեղադրանք է առաջադրվել սեպտեմբերի 29–ին ՀՀ պաշտպանության նախարարության շենքի մոտ բողոքի ակցիայի ժամանակ քաշքշուկի ժամանակ խուլիգանություն կատարելու և պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով։
«Այսօր շտապօգնության մեքենա է կանչվել, քանի որ հրմշտոցից հետո նա իր կրծքավանդակի շրջանում հարված է ստացել։ Իմ կողմից գործի նյութերին կցվել են նաև Արսեն Ղուկասյանի մի շարք ծանր հիվանդությունների մասին նյութեր։ Նա հաշմանդամություն է ձեռք բերել 44–օրյա պատերազմից հետո` 2 անգամ սրտամկանի ինֆարկտ և մեկ անգամ ինսուլտ է ստացել, 3 անգամ ստենտավորվել է»,– նշեց փաստաբանը։
Նա ընդգծեց` ոչ մի տեսանյութով չի հաստատվել, որ Արսեն Ղուկասյանը որևէ ծառայողի է հարվածել։
«Տեղի ունեցած քաշքշուկի հետ կապված նա ուղղակի վրդովված է եղել, ու այդ մասին նա մանրամասն ցուցմունքներ է տվել։ Հիմա ուղղակի իրավապահ համակարգը մատի փաթաթան է սարքել խուլիգանության հոդվածը ու ամեն մի հրմշտոց այդ հոդվածի տակ է դնում։ Իմ վստահորդի կողմից շշեր չեն նետվել, անգամ եթե նետվել են, ապա ոչ ծառայողների ուղղությամբ»,– ասաց Սողոյանը։
Նրա համար տարօրինակ է նաև այն, որ վերջին հինգ տարիների ընթացքում ծնողները բազմաթիվ նման ակցիաներ են իրականացրել, սակայն երբևէ նման խնդիր չի առաջացել։
«Ռազմական ոստիկանության և ՊՆ ծառայողներն այդ քաշքշուկի հետ կապված հաղորդում են ներկայացրել` մատնանշելով կոնկրետ Արսեն Ղուկասյանին, և այդ մատնանշումը, մեր համոզմամբ, պատահական չի եղել»,– ասաց փաստաբանը։
Սողոյանն ավելացրեց, որ Ապիջան Սարգսյանն ազատ է արձակվել երկրից չհեռանալու մասին ստորագրությամբ։
Ի դեպ, Արսեն Ղուկասյանի կալանքի նիստը տեղի կունենա այսօր՝ ժամը 21:00–ին, Երևանի առաջին ատյանի ընդհանուր իրավասության քրեական դատարանի Ավան նստավայրում։ Գործը մակագրվել է Մասիս Մելքոնյանին:
Հիշեցնենք, որ արցախյան 44-օրյա պատերազմում անհետ կորած զինծառայողների հարազատները սեպտեմբերի 27-ին պաշտպանության նախարարության վարչական համալիրի մոտ հանդիպում էին
պահանջում ՀՀ գլխավոր շտաբի պետ Էդվարդ Ասրյանի, Արցախի ՊԲ նախկին հրամանատար, այժմ պաշտպանության նախարարի խորհրդական Կամո Վարդանյանի հետ։ Ծնողներին խոստացել էին հանդիպումը կազմակերպել սեպտեմբերի 29–ին, սակայն ժամ չէին ասել։ Անհետ կորած զինծառայողների հարազատները
երկուշաբթի ժամը 12–ին ՊՆ շենքի դիմաց էին։
Ավելի ուշ հայտնի դարձավ, որ նրանք մի քանի ժամանոց հանդիպում են ունեցել ԳՇ պետ Էդվարդ Ասրյանի հետ։
ՀՀ ՊՆ մամուլի ծառայությունը միաժամանակ հաղորդագրություն տարածեց, որում նշվում էր` ՊՆ–ի մոտ սեպտեմբերի 29–ին ակցիայի որոշ մասնակիցներ ռազմական ոստիկանության ծառայողների ուղղությամբ շշեր են նետել, ինչպես նաև այլ առարկաներով տարբեր գործողությունների դիմել, ինչին ի պատասխան ՌՈ ծառայողների գործողությունները շարունակել են մնալ հարգալից։
Հիշեցնենք նաև` 2022թ․ ապրիլի 13-ին ՀՀ վարչապետ
Նիկոլ Փաշինյանն ԱԺ-ում հայտարարեց, որ 44-օրյա պատերազմի հետևանքով զոհվել է 3825 անձ, անհետ կորած է համարվում 187 զինծառայող և 21 քաղաքացիական անձ։ 2025թ․ մարտին քննչական կոմիտեն, ի պատասխան «Ժողովուրդ» օրաթերթի հարցման,
հայտնեց, որ 44-օրյա պատերազմում զոհվել է 3941 անձ, իսկ 191-ը համարվում է անհետ կորած։
