https://arm.sputniknews.ru/20251003/vkan-pvokhel-e-cucmunqy-azati-hrdehi-gvortsi-qnnutjunn-ancnum-e-larvats-mtnvolvortum-94222401.html
Վկան փոխե՞լ է ցուցմունքը. Ազատի հրդեհի գործի քննությունն անցնում է լարված մթնոլորտում
Վկան փոխե՞լ է ցուցմունքը. Ազատի հրդեհի գործի քննությունն անցնում է լարված մթնոլորտում
Sputnik Արմենիա
Զորամասի հոգեբան-սպա Վահագն Ներսիսյանը դատարանում պնդեց նախաքննության վարկածը։ 03.10.2025, Sputnik Արմենիա
2025-10-03T15:53+0400
2025-10-03T15:53+0400
2025-10-03T16:00+0400
ազատ գյուղ
կացարան
հրդեհ
զինվոր
մահ
դատ
դատարան
վկա
ծնող
գեղարքունիքի մարզ
https://cdn.am.sputniknews.ru/img/07e7/01/13/54036800_0:0:1601:901_1920x0_80_0_0_0374e3ba132c2531f9dc4542898f25b1.jpg
ԵՐԵՎԱՆ, 3 հոկտեմբերի – Sputnik. Գեղարքունիքի մարզի առաջին ատյանի ընդհանուր իրավասության դատարանում Ազատի զինվորական կացարանի հրդեհի գործով հերթական դատալսումն անցնում է թեժ մթնոլորտում. 15 ժամկետային զինծառայողների ծնողները զորամասի հոգեբան-սպա Վահագն Ներսիսյանի՝ դատարանում տրված ցուցմունքի և իրենց ասված նախնական խոսքի մեջ անհամաձայնություն են տեսնում։Իրավիճակը լարվեց, երբ Վահագն Ներսիսյանը, պատասխանելով հրդեհից փրկված զինծառայող Գարուշ Սարգսյանի մասին հարցերին` ասաց, թե ամենասկզբում իր իսկ վարկածն է եղել, որ նա դռնով է դուրս եկել։Զինվորներից մեկը վառարանի մոտ էր. ի՞նչ է տեսել փրկարարը Ազատ գյուղի զինվորական կացարանում«Զորամասում արդեն հետո քննարկել ենք գլոբալ ու իմացել ենք, որ Գարուշը դուրս է եկել պատուհանից»,- ասաց նա։Ծնողները բարկացան ու տեղից դիմելով վկային` ասացին, թե դեպքից հետո իրենց ասել էր` Գարուշ Սարգսյանն է իրեն պատմել, թե ինչպես է փրկվել, իսկ հիմա ասում է նախաքննության վարկածը։Սակայն վկան մինչև վերջ պնդեց, որ այդ տեղեկությունն ինքը չի ասել, իսկ որ Գարուշ Սարգսյանը դուրս է եկել դռնով, զուտ իր անձնական կարծիքն է եղել՝ ելնելով իրավիճակից։ Զորամասի հոգեբանը պատմեց, որ ինժեներասակրավորների վաշտի զինվորների հետ մշտապես շփվել է, ճանաչել է բոլորին, նրանցից որևէ մեկի մոտ տրամադրության խանգարում չի հայտնաբերել, ավելին` նրանց համարել է հոգեբանորեն շատ ուժեղ։«Գագիկ Բարսեղյանը (հրդեհից մահացած զինծառայողներից մեկը – խմբ.) իմ համագյուղացին էր, այդ երեխան աչքիս դիմաց է մեծացել, բայց նա ո՛չ սպաների ու զինվորների փոխհարաբերությունների լարվածության, ո՛չ էլ հնարավոր բռնության մասին ոչինչ չի պատմել»,- նշեց Վահագն Ներսիսյանը։Ազատի զինվորական կացարանի հրդեհի գործով զորամասի փոխհրամանատարը չի կալանավորվիՎկայի ցուցմունքին հաջորդեցին որոշ ծնողների հայհոյանքները։ Մինչ այդ էլ զինծառայողների ծնողները բարկացան դատախազի հարցադրումններից և հայտարարեցին, թե «հարց է տալիս հարց տալու համար, ծեծված հարցեր են»։Տուժողների իրավահաջորդների փաստաբան Նորայր Նորիկյանն արձագանքեց վկայի ցուցմունքին՝ ասելով, թե նա անպատասխանատու հայտարարություն է արել։Հիշեցնենք` 2023–ի հունվարի 19-ին՝ ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել էին 15, վնասվածքներ ստացել` 7 զինծառայող։Դեպքից անմիջապես հետո պաշտոններից ազատվել էին 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։Այս գործով առայժմ մեկ դատավաճիռ է կայացվել` 3 տարվա ազատազրկման է դատապարտվել վաշտի հերթապահ Ռադիկ Մաթևոսյանը։Քրգործ է հարուցվել նաև զորամասի ինժեներասակրավորային վաշտի հրամանատար Գ.Մ.-ի և ինժեներական ծառայության սպա Եղիշե Հակոբյանի նկատմամբ։
ազատ գյուղ
գեղարքունիքի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ազատ գյուղ, կացարան, հրդեհ, զինվոր, մահ, դատ, դատարան, վկա, ծնող, գեղարքունիքի մարզ
ազատ գյուղ, կացարան, հրդեհ, զինվոր, մահ, դատ, դատարան, վկա, ծնող, գեղարքունիքի մարզ
Վկան փոխե՞լ է ցուցմունքը. Ազատի հրդեհի գործի քննությունն անցնում է լարված մթնոլորտում
15:53 03.10.2025 (Թարմացված է: 16:00 03.10.2025) Զորամասի հոգեբան-սպա Վահագն Ներսիսյանը դատարանում պնդեց նախաքննության վարկածը։
ԵՐԵՎԱՆ, 3 հոկտեմբերի – Sputnik. Գեղարքունիքի մարզի առաջին ատյանի ընդհանուր իրավասության դատարանում Ազատի զինվորական կացարանի հրդեհի գործով հերթական դատալսումն անցնում է թեժ մթնոլորտում. 15 ժամկետային զինծառայողների ծնողները զորամասի հոգեբան-սպա Վահագն Ներսիսյանի՝ դատարանում տրված ցուցմունքի և իրենց ասված նախնական խոսքի մեջ անհամաձայնություն են տեսնում։
Իրավիճակը լարվեց, երբ Վահագն Ներսիսյանը, պատասխանելով հրդեհից փրկված զինծառայող Գարուշ Սարգսյանի մասին հարցերին` ասաց, թե ամենասկզբում իր իսկ վարկածն է եղել, որ նա դռնով է դուրս եկել։
«Զորամասում արդեն հետո քննարկել ենք գլոբալ ու իմացել ենք, որ Գարուշը դուրս է եկել պատուհանից»,- ասաց նա։
Ծնողները բարկացան ու տեղից դիմելով վկային` ասացին, թե դեպքից հետո իրենց ասել էր` Գարուշ Սարգսյանն է իրեն պատմել, թե ինչպես է փրկվել, իսկ հիմա ասում է նախաքննության վարկածը։
«Դու ինձ չե՞ս ասել, որ քեզ Գարուշն է ասել, որ «բուշլաթը» գցել է վրան ու դուրս եկել դռնից։ Հարցրել եմ՝ որ պետք է լինի, կասե՞ս դատարանում, ասել ես «դաժե» վատ բառով, թե չասողը...»,- ասաց ծնողներից մեկը։
Սակայն վկան մինչև վերջ պնդեց, որ այդ տեղեկությունն ինքը չի ասել, իսկ որ Գարուշ Սարգսյանը դուրս է եկել դռնով, զուտ իր անձնական կարծիքն է եղել՝ ելնելով իրավիճակից։ Զորամասի հոգեբանը պատմեց, որ ինժեներասակրավորների վաշտի զինվորների հետ մշտապես շփվել է, ճանաչել է բոլորին, նրանցից որևէ մեկի մոտ տրամադրության խանգարում չի հայտնաբերել, ավելին` նրանց համարել է հոգեբանորեն շատ ուժեղ։
«Գագիկ Բարսեղյանը (հրդեհից մահացած զինծառայողներից մեկը – խմբ.) իմ համագյուղացին էր, այդ երեխան աչքիս դիմաց է մեծացել, բայց նա ո՛չ սպաների ու զինվորների փոխհարաբերությունների լարվածության, ո՛չ էլ հնարավոր բռնության մասին ոչինչ չի պատմել»,- նշեց Վահագն Ներսիսյանը։
Վկայի ցուցմունքին հաջորդեցին որոշ ծնողների հայհոյանքները։ Մինչ այդ էլ զինծառայողների ծնողները բարկացան դատախազի հարցադրումններից և հայտարարեցին, թե «հարց է տալիս հարց տալու համար, ծեծված հարցեր են»։
Տուժողների իրավահաջորդների փաստաբան Նորայր Նորիկյանն արձագանքեց վկայի ցուցմունքին՝ ասելով, թե նա անպատասխանատու հայտարարություն է արել։
«Չե՞ք մտածել՝ կարող է ճակատագրական լինել ծնողների համար։ Ինչո՞ւ պետք է հիմա Ձեր խոսքն ավելի արժանահավատ համարի դատարանը, քան դեպքի սկզբնական փուլում, որ ասել եք ծնողներին, մահացած զինծառայող Գագիկ Բարսեղյանի հորը՝ Արման Բարսեղյանին»,- նշեց Նորայր Նորիկյանը։
Հիշեցնենք` 2023–ի հունվարի 19-ին՝ ժամը 01:30-ի սահմաններում,
հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել էին 15, վնասվածքներ ստացել` 7 զինծառայող։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Այս գործով առայժմ մեկ դատավաճիռ է կայացվել`
3 տարվա ազատազրկման է դատապարտվել վաշտի հերթապահ Ռադիկ Մաթևոսյանը։
Քրգործ է հարուցվել նաև զորամասի ինժեներասակրավորային վաշտի հրամանատար
Գ.Մ.-ի և ինժեներական ծառայության սպա
Եղիշե Հակոբյանի նկատմամբ։
