https://arm.sputniknews.ru/20250815/datarany-merzhec-miqajel-arqepiskvopvos-ajapahjanin-kalanqic-azatelu-mijnvordutjuny-92395027.html
Դատարանը մերժեց Միքայել արքեպիսկոպոս Աջապահյանին կալանքից ազատելու միջնորդությունը
Դատարանը մերժեց Միքայել արքեպիսկոպոս Աջապահյանին կալանքից ազատելու միջնորդությունը
Sputnik Արմենիա
Դատավորը հայտարարեց, որ պաշտպանական կողմի բերած հիմնավորումները համոզիչ չէին։ 15.08.2025, Sputnik Արմենիա
2025-08-15T16:22+0400
2025-08-15T16:22+0400
2025-08-15T17:08+0400
հայաստան
դատարան
միքայել արքեպիսկոպոս աջապահյան
https://cdn.am.sputniknews.ru/img/07e9/08/0f/92386629_0:127:1600:1027_1920x0_80_0_0_18d55d35b157e7e95e9269ebf87d16fe.jpg
ԵՐԵՎԱՆ, 15 օգոստոսի – Sputnik. Դատարանը մերժեց Շիրակի թեմի առաջնորդ Միքայել արքեպիսկոպոս Աջապահյանին կալանքից ազատելու միջնորդությունը։Ավելի վաղ տեղեկացրել էինք, որ այսօր Ավան և Նոր Նորք վարչական շրջանների ընդհանուր իրավասության դատարանում սկսվել է սրբազանի գործով առաջին դատական նիստը: Հոգևորականը ելույթ ունեցավ և հայտարարեց` չի պատրաստվում խնդրել դատարանին, որ իրեն ազատ արձակեն։Դատավոր Արմինե Մելիքսեթյանը հայտարարեց, որ պաշտպանական կողմի բերած հիմնավորումները համոզիչ չէին, այդ հիմքով կալանքից ազատման միջնորդությունը ենթակա է մերժման։Փաստաբան Երեմ Սարգսյանը հանդես եկավ հայտարարությամբ` նշելով, որ դատարանն անհիմն որոշում կայացրեց, և առարկություն ներկայացրեց կալանքի երկարաձգման մասով։Դատավորը փաստաբանին առաջարկեց վերաքննիչ բողոք ներկայացնել։Փաստաբան Արա Զոհրաբյանը 10 րոպե ժամանակ խնդրեց իրենց դիրքորոշումը հայտնելու համար։Ընդմիջումից վերադառնալուց հետո նա միջնորդեց գործը փոխանցել Շիրակի մարզի առաջին ատյանի դատարան։Դատավորը մերժեց այս միջնորդությունը։ Փաստաբան Երեմ Սարգսյանն էլ քրեական հետապնդումը դադարեցնելու միջնորդություն ներկայացրեց։Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։Գարեգին Երկրորդը հունիսի 22-ին հայտարարեց, որ ՀՀ իշխանությունների սանձազերծած հակաեկեղեցական արշավը լրջագույն սպառնալիք է ազգային միաբանությանը, երկրի ներքին կայունությունն ու ուղիղ հարված հայոց պետականությանը:Հունիսի 25-ի լույս 26-ի գիշերը կալանավորվեց «Սրբազան պայքար» շարժման առաջնորդ Բագրատ արքեպիսկոպոս Գալստանյանը («հեղաշրջման գործով»)։Հունիսի 27-ին ՀՀ ազգային անվտանգության ծառայության հատուկջոկատայինները մտան Մայր աթոռ Սուրբ Էջմիածին՝ վեհարանի բակ՝ ձերբակալելու Շիրակի թեմի առաջնորդ Միքայել արքեպիսկոպոս Աջապահյանին, ապա հեռացան։ Աջապահյանն ինքը ներկայացավ ՔԿ։ Հունիսի 28-ին նա կալանավորվեց։ Նրա նկատմամբ քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։Փաշինյանը հուլիսի 8-ին հայտարարեց, որ պատրաստ է անձամբ առաջնորդել Մայր աթոռ սուրբ Էջմիածնի «ազատագրումը»` նշելով, որ «Միածնի իջման վայրը զավթված է հակաքրիստոս, շնաբարո, ապազգային, ապապետական մի խմբակի կողմից»։ Մինչ այդ նա գրել էր, որ Վաղարշապատ խոշորացված համայնքի որեւէ տարածք չի կարող իրավապահների գործունեության համար փակ լինել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դատարան, միքայել արքեպիսկոպոս աջապահյան
հայաստան, դատարան, միքայել արքեպիսկոպոս աջապահյան
Դատարանը մերժեց Միքայել արքեպիսկոպոս Աջապահյանին կալանքից ազատելու միջնորդությունը
16:22 15.08.2025 (Թարմացված է: 17:08 15.08.2025) Դատավորը հայտարարեց, որ պաշտպանական կողմի բերած հիմնավորումները համոզիչ չէին։
ԵՐԵՎԱՆ, 15 օգոստոսի – Sputnik. Դատարանը մերժեց Շիրակի թեմի առաջնորդ Միքայել արքեպիսկոպոս Աջապահյանին կալանքից ազատելու միջնորդությունը։
Ավելի վաղ
տեղեկացրել էինք, որ այսօր Ավան և Նոր Նորք վարչական շրջանների ընդհանուր իրավասության դատարանում սկսվել է սրբազանի գործով առաջին դատական նիստը: Հոգևորականը ելույթ ունեցավ և
հայտարարեց` չի պատրաստվում խնդրել դատարանին, որ իրեն ազատ արձակեն։
Դատավոր Արմինե Մելիքսեթյանը հայտարարեց, որ պաշտպանական կողմի բերած հիմնավորումները համոզիչ չէին, այդ հիմքով կալանքից ազատման միջնորդությունը ենթակա է մերժման։
«Մեղադրյալի նկատմամբ կալանքը որպես խափանման միջոց ընտրելը հիմնավոր է ու պիտանի։ Այդ իսկ պատճառով կալանքը պետք է պահպանել։ Հաշվի առնելով վարույթի ոչ ծավալուն լինելը` կալանքի ժամկետը կերկարաձգվի 10 օրով` պահպանելով սահմանափակումները»,– ասաց Մելիքսեթյանը։
Փաստաբան Երեմ Սարգսյանը հանդես եկավ հայտարարությամբ` նշելով, որ դատարանն անհիմն որոշում կայացրեց, և առարկություն ներկայացրեց կալանքի երկարաձգման մասով։
Դատավորը փաստաբանին առաջարկեց վերաքննիչ բողոք ներկայացնել։
Փաստաբան Արա Զոհրաբյանը 10 րոպե ժամանակ խնդրեց իրենց դիրքորոշումը հայտնելու համար։
Ընդմիջումից վերադառնալուց հետո նա միջնորդեց գործը փոխանցել Շիրակի մարզի առաջին ատյանի դատարան։
Դատավորը մերժեց այս միջնորդությունը։
Փաստաբան Երեմ Սարգսյանն էլ քրեական հետապնդումը դադարեցնելու միջնորդություն ներկայացրեց։
Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ
քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին
նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։
Գարեգին Երկրորդը հունիսի 22-ին
հայտարարեց, որ ՀՀ իշխանությունների սանձազերծած հակաեկեղեցական արշավը լրջագույն սպառնալիք է ազգային միաբանությանը, երկրի ներքին կայունությունն ու ուղիղ հարված հայոց պետականությանը:
Հունիսի 25-ի լույս 26-ի գիշերը
կալանավորվեց «Սրբազան պայքար» շարժման առաջնորդ Բագրատ արքեպիսկոպոս Գալստանյանը («հեղաշրջման գործով»)։
Հունիսի 27-ին ՀՀ ազգային անվտանգության ծառայության հատուկջոկատայինները մտան Մայր աթոռ Սուրբ Էջմիածին՝ վեհարանի բակ՝ ձերբակալելու Շիրակի թեմի առաջնորդ Միքայել արքեպիսկոպոս Աջապահյանին, ապա հեռացան։ Աջապահյանն ինքը ներկայացավ ՔԿ։ Հունիսի 28-ին նա
կալանավորվեց։ Նրա նկատմամբ
քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։
Փաշինյանը հուլիսի 8-ին
հայտարարեց, որ պատրաստ է անձամբ առաջնորդել Մայր աթոռ սուրբ Էջմիածնի «ազատագրումը»` նշելով, որ «Միածնի իջման վայրը զավթված է հակաքրիստոս, շնաբարո, ապազգային, ապապետական մի խմբակի կողմից»։ Մինչ այդ նա
գրել էր, որ Վաղարշապատ խոշորացված համայնքի որեւէ տարածք չի կարող իրավապահների գործունեության համար փակ լինել։
