https://arm.sputniknews.ru/20250710/khvorapes-mtahvogvats-em-hajastanum-ajlakhvohneri-kalanavvormamb-amn-kvongresakan-91169014.html
Խորապես մտահոգված եմ Հայաստանում այլախոհների կալանավորմամբ․ ԱՄՆ կոնգրեսական
Խորապես մտահոգված եմ Հայաստանում այլախոհների կալանավորմամբ․ ԱՄՆ կոնգրեսական
Sputnik Արմենիա
Շերմանն իր մտահոգություններն է փոխանցել ԱՄՆ-ում Հայաստանի դեսպան Լիլիթ Մակունցին։ 10.07.2025, Sputnik Արմենիա
2025-07-10T10:33+0400
2025-07-10T10:33+0400
2025-07-10T10:44+0400
կալանք
սամվել կարապետյան
հայ առաքելական եկեղեցի
նիկոլ փաշինյան
ամն կոնգրես
բրեդ շերման
https://cdn.am.sputniknews.ru/img/07e9/07/0a/91168434_0:76:3077:1807_1920x0_80_0_0_47a4dc2816f7ca881bdf3746f696f412.jpg
ԵՐԵՎԱՆ, 10 հուլիսի – Sputnik․ ԱՄՆ կոնգրեսական, հայկական հարցերով խմբի փոխնախագահ Բրեդ Շերմանը խորապես մտահոգված է Հայաստանում տեղի ունեցող գործընթացներով։ Այս մասին կոնգրեսականը գրառում է արել X-ի իր էջում։Կոնգրեսականը նշել է, որ այսօր նա իր մտահոգություններն է հայտնել ԱՄՆ-ում Հայաստանի դեսպան Լիլիթ Մակունցին։Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։ Նա գրեթե ամեն օր գրառումներ է անում սոցցանցում` պահանջելով, որ կաթողիկոսը հեռանա։Հունիսի 24-ին էլ Փաշինյանը տարածեց իշխանական կայքի մի հրապարակում, ըստ որի` իբր ընդդիմադիրները պետական հեղաշրջում են նախաձեռնել։ Այդ «բացառիկ թղթերում» արծարծվում էր նաև Բագրատ սրբազանի անունը։Հունիսի 25-ի լույս 26-ի գիշերը Բագրատ արքեպիսկոպոս Գալստանյանը 2 ամսով կալանավորվեց ու տեղափոխվեց ԱԱԾ շենքում գտնվող «Երևան-Կենտրոն» քրեակատարողական հիմնարկ։Շիրակի թեմի առաջնորդ Միքայել արքեպիսկոպոս Աջապահյանի նկատմամբ էլ քրեական գործ հարուցվեց իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։ Նա հունիսի 28–ին 2 ամսով կալանավորվեց։Ինչ վերաբերում է գործարար Սամվել Կարապետյանի, ապա նրա տանը հունիսի 17-ին խուզարկություն իրականացվեց այն բանից հետո, երբ հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:Նրա հայտարարությունից հետո ՀՀ վարչապետ Նիկոլ Փաշինյանը գործարարին ուղղված վիրավորական և սպառնալի գրառումներ արեց սոցցանցերում։ Ավելի ուշ ՔԿ–ն հայտնեց, որ 422-րդ հոդվածի 2-րդ մասով նախաձեռնվել է քրեական վարույթ այն կապակցությամբ, որ Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է իշխանությունը զավթելուն՝ ՀՀ սահմանադրությամբ չնախատեսված եղանակով ՀՀ կառավարության լիազորություններին տիրանալուն ուղղված հրապարակային կոչ:Հունիսի 18-ին Սամվել Կարապետյանը 2 ամսով կալանավորվեց։ Այժմ նա «Երևան–Կենտրոն» ՔԿՀ–ում է։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կալանք, սամվել կարապետյան, հայ առաքելական եկեղեցի, նիկոլ փաշինյան, ամն կոնգրես, բրեդ շերման
կալանք, սամվել կարապետյան, հայ առաքելական եկեղեցի, նիկոլ փաշինյան, ամն կոնգրես, բրեդ շերման
Խորապես մտահոգված եմ Հայաստանում այլախոհների կալանավորմամբ․ ԱՄՆ կոնգրեսական
10:33 10.07.2025 (Թարմացված է: 10:44 10.07.2025) Շերմանն իր մտահոգություններն է փոխանցել ԱՄՆ-ում Հայաստանի դեսպան Լիլիթ Մակունցին։
ԵՐԵՎԱՆ, 10 հուլիսի – Sputnik․ ԱՄՆ կոնգրեսական, հայկական հարցերով խմբի փոխնախագահ Բրեդ Շերմանը խորապես մտահոգված է Հայաստանում տեղի ունեցող գործընթացներով։ Այս մասին կոնգրեսականը գրառում է արել
X-ի իր էջում։
«Խորապես մտահոգված եմ վերջերս հայ այլախոհների, այդ թվում՝ պարոն Սամվել Կարապետյանի և Հայ եկեղեցու հոգևորականների կալանավորմամբ: Հայաստանի հետ մեր հարաբերությունները հիմնված են ժողովրդավարություն կառուցելու մեր ընդհանուր հանձնառության վրա»,- գրել է Շերմանը։
Կոնգրեսականը նշել է, որ այսօր նա իր մտահոգություններն է հայտնել ԱՄՆ-ում Հայաստանի դեսպան Լիլիթ Մակունցին։
Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ
քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին
նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։ Նա գրեթե ամեն օր գրառումներ է անում սոցցանցում` պահանջելով, որ կաթողիկոսը հեռանա։
Հունիսի 24-ին էլ Փաշինյանը տարածեց իշխանական կայքի մի հրապարակում, ըստ որի` իբր ընդդիմադիրները պետական հեղաշրջում են նախաձեռնել։ Այդ «բացառիկ թղթերում» արծարծվում էր նաև Բագրատ սրբազանի անունը։
Հունիսի 25-ի լույս 26-ի գիշերը Բագրատ արքեպիսկոպոս Գալստանյանը 2 ամսով
կալանավորվեց ու
տեղափոխվեց ԱԱԾ շենքում գտնվող «Երևան-Կենտրոն» քրեակատարողական հիմնարկ։
Շիրակի թեմի առաջնորդ Միքայել արքեպիսկոպոս Աջապահյանի նկատմամբ էլ
քրեական գործ հարուցվեց իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։ Նա հունիսի 28–ին
2 ամսով կալանավորվեց։
Ինչ վերաբերում է գործարար Սամվել Կարապետյանի, ապա նրա տանը հունիսի 17-ին
խուզարկություն իրականացվեց այն բանից հետո, երբ հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:
Նրա հայտարարությունից հետո ՀՀ վարչապետ Նիկոլ Փաշինյանը գործարարին ուղղված վիրավորական և սպառնալի գրառումներ արեց սոցցանցերում։ Ավելի ուշ ՔԿ–ն հայտնեց, որ 422-րդ հոդվածի 2-րդ մասով նախաձեռնվել է քրեական վարույթ այն կապակցությամբ, որ Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է իշխանությունը զավթելուն՝ ՀՀ սահմանադրությամբ չնախատեսված եղանակով ՀՀ կառավարության լիազորություններին տիրանալուն ուղղված հրապարակային կոչ:
Հունիսի 18-ին Սամվել Կարապետյանը
2 ամսով կալանավորվեց։ Այժմ նա
«Երևան–Կենտրոն» ՔԿՀ–ում է։
