https://arm.sputniknews.ru/20250623/arevmutqi-erkrnery-hamardzakutjun-chgtan-mak-i-akh-um-datapartel-amn-i-harvatsnern-iranin-90518003.html
Արևմուտքի երկրները համարձակություն չգտան ՄԱԿ-ի ԱԽ-ում դատապարտել ԱՄՆ-ի հարվածներն Իրանին
Արևմուտքի երկրները համարձակություն չգտան ՄԱԿ-ի ԱԽ-ում դատապարտել ԱՄՆ-ի հարվածներն Իրանին
Sputnik Արմենիա
Միևնույն ժամանակ, նրանք հայտարարել են, որ Իրանը չպետք է միջուկային զենք ունենա, և Թեհրանը պետք է վերադառնա բանակցությունների սեղանի շուրջ և երաշխավորի իրանական... 23.06.2025, Sputnik Արմենիա
2025-06-23T10:26+0400
2025-06-23T10:26+0400
2025-06-23T10:26+0400
արևմուտք
իրանի իսլամական հանրապետություն
իսրայել
միավորված ազգերի կազմակերպություն (մակ)
միջուկային ծրագիր
ամն
https://cdn.am.sputniknews.ru/img/07e9/06/17/90507798_0:0:1024:577_1920x0_80_0_0_7c8b7446d38fc96d2ef303293f61f039.jpg
ԵՐԵՎԱՆ, 23 հունիսի – Sputnik. ՄԱԿ-ում Մեծ Բրիտանիայի և Ֆրանսիայի ներկայացուցիչներն ԱՄՆ-ի հարվածներից հետո կոչ են արել Իրանին զսպվածություն ցուցաբերել։ Այդ մասին նրանք հայտարարել են Իրան-Իսրայել հակամարտությանը նվիրված ՄԱԿ-ի Անվտանգության խորհրդի հերթական արտակարգ նիստի ժամանակ։Ինչպես հայտարարել է ՄԱԿ-ում Մեծ Բրիտանիայի մշտական ներկայացուցիչ Բարբարա Վուդվարդը, բոլոր ջանքերը պետք է ուղղվեն լարվածության թուլացմանը։Սակայն, նա հավելել է, որ Մեծ Բրիտանիան միշտ հայտարարել է, որ Իրանը չպետք է միջուկային զենք ունենա, և երկրի միջուկային ծրագիրը «լուրջ սպառնալիք է ներկայացնում միջազգային խաղաղության և անվտանգության համար»։Բրիտանիայի և Ֆրանսիայի ներկայացուցիչները նշել են, որ իրենց երկրները չեն մասնակցել իրանական միջուկային օբյեկտների վրա ԱՄՆ–ի այսօրվա հարվածներին և հղում են կատարել «եվրոեռյակի» առաջնորդների (Ֆրանսիայի նախագահ, Գերմանիայի կանցլեր և Մեծ Բրիտանիայի վարչապետ) կողմից հնչեցված դիվանագիտական երկխոսության կոչերին։Ի դեպ, Վուդվարդը որոշել էր կոչ անել զսպվածության և բանակցություններին վերադառնալու հատկապես Իրանին, այլ ոչ թե ԱՄՆ–ին և Իսրայելին։ Նա շարունակել է. «Իրանի հրաժարումը ՄԱԳԱՏԷ–ի հետ համագործակցելուց հղի է հետագա ռիսկերով»։ՄԱԿ-ում Ֆրանսիայի ներկայացուցիչ Ժերոմ Բոնաֆոնը նույնպես կոչ է արել Իրանին «զերծ մնալ պատասխան հարվածներից և դադարեցնել միջուկային ծրագիրը և շարժվել դիվանագիտության ճանապարհով»։ Միևնույն ժամանակ, նա մտահոգություն է հայտնել Իրանի միջուկային ծրագրի զարգացման վերաբերյալ։ Նրա խոսքով՝ «ՄԱԳԱՏԷ–ն հնարավորություն չի ունեցել երաշխավորելու այս ծրագրի խաղաղ բնույթը»։ Փարիզը կրկնել է Լոնդոնի դիրքորոշումը՝ Իրանը չպետք է միջուկային զենք ունենա։ Դրա համար, Բոնաֆոնի խոսքով, անհրաժեշտ է համաձայնագիր, որը երաշխավորում է իրանական միջուկային ծրագրի նկատմամբ վերահսկողությունը։ԱՄՆ ներկայացուցիչ Լինդա Թոմաս-Գրինֆիլդը Իրանին նույնիսկ անվանել է «ահաբեկչության գլխավոր հովանավոր–պետություն», հայտարարելով, որ Թեհրանը «միջուկային սպառնալիք է ներկայացնում»։ Նրա խոսքով` Իրանը 40 տարի շարունակ վանկարկել է «Մահ Ամերիկային» և «Մահ Իսրայելին»։ Նա հավելել է, որ Իրանը հարյուրավոր բալիստիկ հրթիռներով հարձակվել է Իսրայելի վրա՝ առանց հիշատակելու, որ վերջին սրացումն Իսրայելն է սկսել։Նրա խոսքով` Իրանը երկար ժամանակ «սաբոտաժի էր ենթարկում բարի կամքի դրսևորումները» միջուկային ծրագրի շուրջ բանակցություններում։ Նա հայտարարել է, որ ԱՄՆ-ի կարծիքով իրանական ռեժիմը չի կարող միջուկային զենք ունենալ և մեջբերել է ԱՄՆ նախագահ Դոնալդ Թրամփի խոսքերը, որն ասել է, որ Ամերիկայի կամ ամերիկյան բազաների նկատմամբ Իրանի ցանկացած գրոհ «ավերիչ պատասխան» կառաջացնի։Նա պնդում է, որ Թեհրանը շարունակում է արագացնել իր միջուկային ծրագիրը՝ առանց «հիմնավորելու դրա խաղաղ բնույթը»։Հիշեցնենք` ԱՄՆ-ն հունիսի 22–ի գիշերը հարվածներ է հասցրել Իրանի երեք միջուկային օբյեկտներին Նաթանզում, Ֆորդոյում և Սպահանում: ԱՄՆ նախագահ Դոնալդ Թրամփի խոսքով՝ հարվածի նպատակը երկրի միջուկային հնարավորությունների սահմանափակումն է: Նա հայտարարել է, որ Թեհրանը պետք է համաձայնի «ավարտել այս պատերազմը», կամ Իրանին շատ ավելի լուրջ հետևանքներ են սպասվում:Իրանի խորհրդարանը հայտարարել է, որ Թեհրանը սպասում էր, որ Ֆորդոյի միջուկային օբյեկտի վրա կհարձակվեն, այդ պատճառով տարհանում է իրականացրել, օբյեկտին անդառնալի վնաս չի հասցվել: Երկրի Ատոմային էներգիայի կազմակերպությունն ընդգծել է, որ Թեհրանը մտադիր չէ դադարեցնել միջուկային ոլորտի զարգացումը հարվածներից հետո:ԱՄՆ-ի հարձակումն արդեն բացասական արձագանք է առաջացրել միջազգային ասպարեզում։ ՄԱԿ-ի գլխավոր քարտուղար Անտոնիո Գուտերեշն այն անվանել է վտանգավոր էսկալացիա տարածաշրջանում և ուղղակի սպառնալիք միջազգային խաղաղության և անվտանգության համար:Հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:Իրանը, որը հերքում է իր միջուկային ծրագրի ռազմական բաղադրիչը, պատասխանում է հրթիռային համազարկերով և հարվածային անօդաչու թռչող սարքերի արձակմամբ: Թեհրանում հարվածների թիրախ են նշում Իսրայելի ռազմական և ռազմարդյունաբերական օբյեկտները։ Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։
https://arm.sputniknews.ru/20250623/amn-n-bacel-e-pandvoraji-arkghy-ev-anhaskanali-e-inch-hetevanqner-karvogh-en-linel-nebenzja-90508125.html
https://arm.sputniknews.ru/20250623/netanjahuin-hajvoghvec-amnin-nerqashel-nvor-ev-anardaraci-paterazmi-mej-mak-um-irani-despan-90509062.html
արևմուտք
իրանի իսլամական հանրապետություն
իսրայել
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արևմուտք, իրանի իսլամական հանրապետություն, իսրայել, միավորված ազգերի կազմակերպություն (մակ), միջուկային ծրագիր, ամն
արևմուտք, իրանի իսլամական հանրապետություն, իսրայել, միավորված ազգերի կազմակերպություն (մակ), միջուկային ծրագիր, ամն
Արևմուտքի երկրները համարձակություն չգտան ՄԱԿ-ի ԱԽ-ում դատապարտել ԱՄՆ-ի հարվածներն Իրանին
Միևնույն ժամանակ, նրանք հայտարարել են, որ Իրանը չպետք է միջուկային զենք ունենա, և Թեհրանը պետք է վերադառնա բանակցությունների սեղանի շուրջ և երաշխավորի իրանական միջուկային ծրագրի վերահսկողությունը։
ԵՐԵՎԱՆ, 23 հունիսի – Sputnik. ՄԱԿ-ում Մեծ Բրիտանիայի և Ֆրանսիայի ներկայացուցիչներն ԱՄՆ-ի հարվածներից հետո կոչ են արել Իրանին զսպվածություն ցուցաբերել։ Այդ մասին նրանք հայտարարել են Իրան-Իսրայել հակամարտությանը նվիրված ՄԱԿ-ի Անվտանգության խորհրդի հերթական արտակարգ նիստի ժամանակ։
Ինչպես հայտարարել է ՄԱԿ-ում Մեծ Բրիտանիայի մշտական ներկայացուցիչ Բարբարա Վուդվարդը, բոլոր ջանքերը պետք է ուղղվեն լարվածության թուլացմանը։
Սակայն, նա հավելել է, որ Մեծ Բրիտանիան միշտ հայտարարել է, որ Իրանը չպետք է միջուկային զենք ունենա, և երկրի միջուկային ծրագիրը «լուրջ սպառնալիք է ներկայացնում միջազգային խաղաղության և անվտանգության համար»։
Բրիտանիայի և Ֆրանսիայի ներկայացուցիչները նշել են, որ իրենց երկրները չեն մասնակցել իրանական միջուկային օբյեկտների վրա ԱՄՆ–ի այսօրվա հարվածներին և հղում են կատարել «եվրոեռյակի» առաջնորդների (Ֆրանսիայի նախագահ, Գերմանիայի կանցլեր և Մեծ Բրիտանիայի վարչապետ) կողմից հնչեցված դիվանագիտական երկխոսության կոչերին։
Ի դեպ, Վուդվարդը որոշել էր կոչ անել զսպվածության և բանակցություններին վերադառնալու հատկապես Իրանին, այլ ոչ թե ԱՄՆ–ին և Իսրայելին։ Նա շարունակել է. «Իրանի հրաժարումը ՄԱԳԱՏԷ–ի հետ համագործակցելուց հղի է հետագա ռիսկերով»։
ՄԱԿ-ում Ֆրանսիայի ներկայացուցիչ Ժերոմ Բոնաֆոնը նույնպես կոչ է արել Իրանին «զերծ մնալ պատասխան հարվածներից և դադարեցնել միջուկային ծրագիրը և շարժվել դիվանագիտության ճանապարհով»։ Միևնույն ժամանակ, նա մտահոգություն է հայտնել Իրանի միջուկային ծրագրի զարգացման վերաբերյալ։ Նրա խոսքով՝ «ՄԱԳԱՏԷ–ն հնարավորություն չի ունեցել երաշխավորելու այս ծրագրի խաղաղ բնույթը»։ Փարիզը կրկնել է Լոնդոնի դիրքորոշումը՝ Իրանը չպետք է միջուկային զենք ունենա։ Դրա համար, Բոնաֆոնի խոսքով, անհրաժեշտ է համաձայնագիր, որը երաշխավորում է իրանական միջուկային ծրագրի նկատմամբ վերահսկողությունը։
ԱՄՆ ներկայացուցիչ Լինդա Թոմաս-Գրինֆիլդը Իրանին նույնիսկ անվանել է «ահաբեկչության գլխավոր հովանավոր–պետություն», հայտարարելով, որ Թեհրանը «միջուկային սպառնալիք է ներկայացնում»։ Նրա խոսքով` Իրանը 40 տարի շարունակ վանկարկել է «Մահ Ամերիկային» և «Մահ Իսրայելին»։ Նա հավելել է, որ Իրանը հարյուրավոր բալիստիկ հրթիռներով հարձակվել է Իսրայելի վրա՝ առանց հիշատակելու, որ վերջին սրացումն Իսրայելն է սկսել։
Նրա խոսքով` Իրանը երկար ժամանակ «սաբոտաժի էր ենթարկում բարի կամքի դրսևորումները» միջուկային ծրագրի շուրջ բանակցություններում։ Նա հայտարարել է, որ ԱՄՆ-ի կարծիքով իրանական ռեժիմը չի կարող միջուկային զենք ունենալ և մեջբերել է ԱՄՆ նախագահ Դոնալդ Թրամփի խոսքերը, որն ասել է, որ Ամերիկայի կամ ամերիկյան բազաների նկատմամբ Իրանի ցանկացած գրոհ «ավերիչ պատասխան» կառաջացնի։
Նա պնդում է, որ Թեհրանը շարունակում է արագացնել իր միջուկային ծրագիրը՝ առանց «հիմնավորելու դրա խաղաղ բնույթը»։
Հիշեցնենք` ԱՄՆ-ն հունիսի 22–ի գիշերը
հարվածներ է հասցրել Իրանի երեք միջուկային օբյեկտներին Նաթանզում, Ֆորդոյում և Սպահանում: ԱՄՆ նախագահ Դոնալդ Թրամփի խոսքով՝ հարվածի նպատակը երկրի միջուկային հնարավորությունների սահմանափակումն է: Նա հայտարարել է, որ Թեհրանը պետք է համաձայնի «ավարտել այս պատերազմը», կամ Իրանին շատ ավելի լուրջ հետևանքներ են սպասվում:
Իրանի խորհրդարանը հայտարարել է, որ Թեհրանը սպասում էր, որ Ֆորդոյի միջուկային օբյեկտի վրա կհարձակվեն, այդ պատճառով տարհանում է իրականացրել, օբյեկտին անդառնալի վնաս չի հասցվել: Երկրի Ատոմային էներգիայի կազմակերպությունն ընդգծել է, որ Թեհրանը մտադիր չէ դադարեցնել միջուկային ոլորտի զարգացումը հարվածներից հետո:
ԱՄՆ-ի հարձակումն արդեն բացասական արձագանք է առաջացրել միջազգային ասպարեզում։ ՄԱԿ-ի գլխավոր քարտուղար Անտոնիո Գուտերեշն այն
անվանել է վտանգավոր էսկալացիա տարածաշրջանում և ուղղակի սպառնալիք միջազգային խաղաղության և անվտանգության համար:
Հունիսի 13-ին Իսրայելը
լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալի կետի: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:
Իրանը, որը հերքում է իր միջուկային ծրագրի ռազմական բաղադրիչը,
պատասխանում է հրթիռային համազարկերով և հարվածային անօդաչու թռչող սարքերի արձակմամբ: Թեհրանում հարվածների թիրախ են նշում Իսրայելի ռազմական և ռազմարդյունաբերական օբյեկտները։ Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։
