https://arm.sputniknews.ru/20250623/amn-n-bacel-e-pandvoraji-arkghy-ev-anhaskanali-e-inch-hetevanqner-karvogh-en-linel-nebenzja-90508125.html
ԱՄՆ-ն բացել է «Պանդորայի արկղը», և անհասկանալի է` ինչ հետևանքներ կարող են լինել. Նեբենզյա
ԱՄՆ-ն բացել է «Պանդորայի արկղը», և անհասկանալի է` ինչ հետևանքներ կարող են լինել. Նեբենզյա
Sputnik Արմենիա
ԵՐԵՎԱՆ, 23 հունիսի — Sputnik. Իր գործողություններով ԱՄՆ-ն բացել է «Պանդորայի արկղը», և անհասկանալի է, թե ինչ հետևանքների կարող է դա հանգեցնել։ Այս մասին ասել է... 23.06.2025, Sputnik Արմենիա
2025-06-23T00:27+0400
2025-06-23T00:27+0400
2025-06-23T00:38+0400
միավորված ազգերի կազմակերպություն (մակ)
վասիլի նեբենզյա
իրանի իսլամական հանրապետություն
իսրայել
ամն
ռուսաստան
միջուկային զենք
https://cdn.am.sputniknews.ru/img/1137/67/11376794_0:0:2800:1574_1920x0_80_0_0_0f3b8c8feccbbe668188c376f2e1dbbd.jpg
ԵՐԵՎԱՆ, 23 հունիսի — Sputnik. Իր գործողություններով ԱՄՆ-ն բացել է «Պանդորայի արկղը», և անհասկանալի է, թե ինչ հետևանքների կարող է դա հանգեցնել։ Այս մասին ասել է ՄԱԿ-ում ՌԴ–ի մշտական ներկայացուցիչ Վասիլի Նեբենզյան` Իրանի շուրջ ստեղծված իրավիճակին նվիրված Անվտանգության խորհրդի նիստում Նա հիշեցրել է, որ ՄԱԳԱՏԷ-ի գլխավոր տնօրեն Գրոսին զգուշացրել է, որ հարվածները կարող են սպառնալիք լինել ոչ միայն Իրանի, այլև ամբողջ տարածաշրջանի համար, սակայն, ինչպես նշել է ՌԴ ներկայացուցիչը, Վաշինգտոնը մտահոգված չէ ճառագայթային հետևանքներով կամ մեծ թվով խաղաղ բնակիչների կյանքով և առողջությամբ։ Նա ընդգծել է, որ ԱՄՆ-ն անտեսել է ամբողջ համաշխարհային հանրության դիրքորոշումը, հետևել է Իսրայելի օրինակին՝ փոխանակ նրան զսպելու և ստիպելու փուլացնել լարվածության սրացումը։ Հիշեցնենք` ԱՄՆ-ն հունիսի 22–ի գիշերը հարվածներ է հասցրել Իրանի երեք միջուկային օբյեկտներին Նաթանզում, Ֆորդոյում և Սպահանում: ԱՄՆ նախագահ Դոնալդ Թրամփի խոսքով՝ հարվածի նպատակը երկրի միջուկային հնարավորությունների սահմանափակումն է: Նա հայտարարել է, որ Թեհրանը պետք է համաձայնի «ավարտել այս պատերազմը», կամ Իրանին շատ ավելի լուրջ հետևանքներ են սպասվում:Իրանի խորհրդարանը հայտարարել է, որ Թեհրանը սպասում էր, որ Ֆորդոյի միջուկային օբյեկտի վրա կհարձակվեն, այդ պատճառով տարհանում է իրականացրել, օբյեկտին անդառնալի վնաս չի հասցվել: Երկրի Ատոմային էներգիայի կազմակերպությունն ընդգծել է, որ Թեհրանը մտադիր չէ դադարեցնել միջուկային ոլորտի զարգացումը հարվածներից հետո:ԱՄՆ-ի հարձակումն արդեն բացասական արձագանք է առաջացրել միջազգային ասպարեզում։ ՄԱԿ-ի գլխավոր քարտուղար Անտոնիո Գուտերեշն այն անվանել է վտանգավոր էսկալացիա տարածաշրջանում և ուղղակի սպառնալիք միջազգային խաղաղության և անվտանգության համար:
իրանի իսլամական հանրապետություն
իսրայել
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միավորված ազգերի կազմակերպություն (մակ), վասիլի նեբենզյա, իրանի իսլամական հանրապետություն, իսրայել, ամն, ռուսաստան, միջուկային զենք
միավորված ազգերի կազմակերպություն (մակ), վասիլի նեբենզյա, իրանի իսլամական հանրապետություն, իսրայել, ամն, ռուսաստան, միջուկային զենք
ԵՐԵՎԱՆ, 23 հունիսի — Sputnik. Իր գործողություններով ԱՄՆ-ն բացել է «Պանդորայի արկղը», և անհասկանալի է, թե ինչ հետևանքների կարող է դա հանգեցնել։ Այս մասին ասել է ՄԱԿ-ում ՌԴ–ի մշտական ներկայացուցիչ Վասիլի Նեբենզյան` Իրանի շուրջ ստեղծված իրավիճակին նվիրված Անվտանգության խորհրդի նիստում
Նա հիշեցրել է, որ ՄԱԳԱՏԷ-ի գլխավոր տնօրեն Գրոսին զգուշացրել է, որ հարվածները կարող են սպառնալիք լինել ոչ միայն Իրանի, այլև ամբողջ տարածաշրջանի համար, սակայն, ինչպես նշել է ՌԴ ներկայացուցիչը, Վաշինգտոնը մտահոգված չէ ճառագայթային հետևանքներով կամ մեծ թվով խաղաղ բնակիչների կյանքով և առողջությամբ։
«Աշխարհում իր գերիշխանությունը պահպանելու համար ԱՄՆ-ն պատրաստ է միջազգային իրավունքի ցանկացած խախտման։ Ռուսաստանը ամենախիստ կերպով դատապարտում է ԱՄՆ-ի անպատասխանատու, վտանգավոր և սադրիչ գործողությունները։ Մենք համառորեն առաջարկել ենք մեր միջնորդական ծառայությունները»,- ընդգծել է կազմակերպությունում Ռուսաստանի մշտական ներկայացուցիչը։
Նա ընդգծել է, որ ԱՄՆ-ն անտեսել է ամբողջ համաշխարհային հանրության դիրքորոշումը, հետևել է Իսրայելի օրինակին՝ փոխանակ նրան զսպելու և ստիպելու փուլացնել լարվածության սրացումը։
«Այսօր մենք կրկին ԱՄՆ–ից կլսենք բանակցություններին վերադառնալու կոչեր, կարծես գիշերային հարվածների շարք չի եղել։ Ակնհայտ է, որ սա արվում է Իրանին որպես բանակցային գործընթացը փչացնող ներկայացնելու համար, իբրև թե նա խաթարում է Մերձավոր Արևելքի կայունությունը։ Այսօր այս դահլիճում ներկաներից ոմանք համարձակություն չգտան դատապարտելու Միացյալ Նահանգների գործողությունները։ Մեզ համար տարօրինակ է մասնակցել աբսուրդի և ցինիզմի այս թատրոնին։ Միացյալ Թագավորության ներկայացուցիչը կոչ է անում Իրանին զսպվածություն ցուցաբերել. սա այն երկիրն է, որը ենթարկվել է չհրահրված հարձակման»,–ասել է նա։
Հիշեցնենք` ԱՄՆ-ն հունիսի 22–ի գիշերը
հարվածներ է հասցրել Իրանի երեք միջուկային օբյեկտներին Նաթանզում, Ֆորդոյում և Սպահանում: ԱՄՆ նախագահ Դոնալդ Թրամփի խոսքով՝ հարվածի նպատակը երկրի միջուկային հնարավորությունների սահմանափակումն է: Նա հայտարարել է, որ Թեհրանը պետք է համաձայնի «ավարտել այս պատերազմը», կամ Իրանին շատ ավելի լուրջ հետևանքներ են սպասվում:
Իրանի խորհրդարանը հայտարարել է, որ Թեհրանը սպասում էր, որ Ֆորդոյի միջուկային օբյեկտի վրա կհարձակվեն, այդ պատճառով տարհանում է իրականացրել, օբյեկտին անդառնալի վնաս չի հասցվել: Երկրի Ատոմային էներգիայի կազմակերպությունն ընդգծել է, որ Թեհրանը մտադիր չէ դադարեցնել միջուկային ոլորտի զարգացումը հարվածներից հետո:
ԱՄՆ-ի հարձակումն արդեն բացասական արձագանք է առաջացրել միջազգային ասպարեզում։ ՄԱԿ-ի գլխավոր քարտուղար Անտոնիո Գուտերեշն այն
անվանել է վտանգավոր էսկալացիա տարածաշրջանում և ուղղակի սպառնալիք միջազգային խաղաղության և անվտանգության համար:
