https://arm.sputniknews.ru/20250615/tehrany-patrast-e-knqel-mijukajin-zenqi-bacakajutjuny-erashkhavvorvogh-hamadzajnagiry-araghchi-90136110.html
Թեհրանը պատրաստ է կնքել միջուկային զենքի բացակայությունը երաշխավորող համաձայնագիրը. Արաղչի
Թեհրանը պատրաստ է կնքել միջուկային զենքի բացակայությունը երաշխավորող համաձայնագիրը. Արաղչի
Sputnik Արմենիա
Արաղչին ընդգծել է, որ երկիրը պատրաստ չէ ստորագրել պայմանագիրը, եթե դրա նպատակն է Իրանին զրկել օրինական միջուկային իրավունքներից: 15.06.2025, Sputnik Արմենիա
2025-06-15T11:53+0400
2025-06-15T11:53+0400
2025-06-15T21:56+0400
աբբաս արաղչի
իրանի իսլամական հանրապետություն
իսրայել
ամն
միջուկային ծրագիր
https://cdn.am.sputniknews.ru/img/07e9/02/19/86139984_60:0:1600:866_1920x0_80_0_0_dab6534f50020f00f927214362baea48.jpg
ԵՐԵՎԱՆ, 15 հունիսի - Sputnik. Իրանի ԱԳ նախարար Աբբաս Արաղչին հայտարարել է, որ Իսլամական Հանրապետությունը պատրաստ է համաձայնագիր կնքել, որը կերաշխավորի միջուկային զենքի բացակայությունը: Նրա խոսքով՝ այսօր Մասկատում պետք է կայանար միջուկային բանակցությունների 6-րդ փուլը: Օմանում նախատեսվող և չեղարկված բանակցությունների ժամանակ Իրանը մտադիր էր ԱՄՆ-ին ներկայացնել առաջարկներ, որոնք կարող էին հանգեցնել միջուկային գործարքին։Նախարարը պնդում է, որ Թեհրանը միջուկային զենքի տարածումն արգելելու դիրքորոշման կողմնակից է: Իրանը պատրաստ էր հաստատել, որ միջուկային ծրագիրը խաղաղ բնույթ է կրում, ինչն արձանագրվել է 2015 թվականի գործարքում: Արաղչին միաժամանակ ընդգծել է, որ եթե պայմանագրի նպատակը Իրանին օրինական միջուկային իրավունքներից զրկելն է, ապա երկիրը պատրաստ չէ դրան:Նրա խոսքով՝ ԱՄՆ-ին հետ բանակցությունների հինգ փուլ այդ տրամաբանությամբ է ընթացել։ Վեցերորդ փուլում Թեհրանը պետք է ամերիկյան կողմին ներկայացներ հնարավոր համաձայնագրի ծրագիրը։Իրանի ԱԳ նախարարը նաև հայտարարել է, որ իրենք կդադարեցնեն հարվածներն Իսրայելին, եթե վերջինս դադարեցնի ագրեսիան Իսլամական Հանրապետության նկատմամբ:«Մենք պաշտպանվում ենք, դա ինքնապաշտպանություն է։ Բնականաբար, եթե դադարեցվի, մենք էլ կդադարենք պատասխանել»,-ասել է նա դեսպանների հետ հանդիպմանը, որը հեռարձակվել է իրանական հեռուստատեսությամբ։Արաղչին հայտնել է, որ Իրանն ԱՄՆ-ից տարբեր խողովակներով ուղերձներ է ստացել, որոնցում պնդում են, թե Վաշինգտոնը չի մասնակցել և չի մասնակցի Իսրայելի հարձակումներին: Նախարարը հայտարարել է, որ Թեհրանը չի հավատում դրան։ Իսրայել-Իրան փոխադարձ հրթիռակոծությունը շարունակվել է, կան ավերածություններ և զոհերԱյս պատճառով, Արաղչիի խոսքով, Իրանն ԱՄՆ-ից սպասում է իրանական միջուկային ենթակառուցվածքի վրա Իսրայելի հարձակումների դատապարտում։«Անհրաժեշտ է, որ ԱՄՆ-ն հստակ հայտարարի իր դիրքորոշումըև անկեղծորեն դատապարտի միջուկային ենթակառուցվածքի վրա հարձակումը»,-ասել է նա իրանական հեռուստատեսության եթերում:Նրա խոսքով՝ Իսրայելը Իրանի միջուկային ծրագրին վերաբերող որևէ համաձայնագիր չի ուզում:Հիշեցնենք` հունիսի 13-ի վաղ առավոտյան Իսրայելի պաշտպանության բանակը (ՑԱԽԱԼ) Իրանի դեմ լայնածավալ գործողություն սկսեց։ Իսրայելի իշխանությունները հայտարարեցին, որ գործողության նպատակն է կանխել հրեական պետության գոյությանը սպառնացող վտանգը, քանի որ, ըստ իրենց զինվորականների և հետախուզության տվյալների, Իրանը կարճ ժամանակում միջուկային զենք ստեղծելու հարցում անդառնալի կետի է մոտեցել։ Դրան հաջորդեց Իրանի հակահարձակումը Իսրայելի վրա։Այդ օրվանից փոխադարձ հրթիռակոծությունները շարունակվում են։
իրանի իսլամական հանրապետություն
իսրայել
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աբբաս արաղչի, իրանի իսլամական հանրապետություն, իսրայել, ամն, միջուկային ծրագիր
աբբաս արաղչի, իրանի իսլամական հանրապետություն, իսրայել, ամն, միջուկային ծրագիր
Թեհրանը պատրաստ է կնքել միջուկային զենքի բացակայությունը երաշխավորող համաձայնագիրը. Արաղչի
11:53 15.06.2025 (Թարմացված է: 21:56 15.06.2025) Արաղչին ընդգծել է, որ երկիրը պատրաստ չէ ստորագրել պայմանագիրը, եթե դրա նպատակն է Իրանին զրկել օրինական միջուկային իրավունքներից:
ԵՐԵՎԱՆ, 15 հունիսի - Sputnik. Իրանի ԱԳ նախարար Աբբաս Արաղչին հայտարարել է, որ Իսլամական Հանրապետությունը պատրաստ է համաձայնագիր կնքել, որը կերաշխավորի միջուկային զենքի բացակայությունը: Նրա խոսքով՝ այսօր Մասկատում պետք է կայանար միջուկային բանակցությունների 6-րդ փուլը: Օմանում նախատեսվող և չեղարկված բանակցությունների ժամանակ Իրանը մտադիր էր ԱՄՆ-ին ներկայացնել առաջարկներ, որոնք կարող էին հանգեցնել միջուկային գործարքին։
Նախարարը պնդում է, որ Թեհրանը միջուկային զենքի տարածումն արգելելու դիրքորոշման կողմնակից է: Իրանը պատրաստ էր հաստատել, որ միջուկային ծրագիրը խաղաղ բնույթ է կրում, ինչն արձանագրվել է 2015 թվականի գործարքում: Արաղչին միաժամանակ ընդգծել է, որ եթե պայմանագրի նպատակը Իրանին օրինական միջուկային իրավունքներից զրկելն է, ապա երկիրը պատրաստ չէ դրան:
Նրա խոսքով՝ ԱՄՆ-ին հետ բանակցությունների հինգ փուլ այդ տրամաբանությամբ է ընթացել։ Վեցերորդ փուլում Թեհրանը պետք է ամերիկյան կողմին ներկայացներ հնարավոր համաձայնագրի ծրագիրը։
«Մենք պատրաստ ենք ցանկացած համաձայնության, որն ուղղված է Իրանում միջուկային զենքի հայտնվելը թույլ չտալուն, քանի որ դա մեր սեփական դոկտրինն է և մեր համոզմունքը, որ միջուկային զենքն արգելված է։ Իհարկե, եթե համաձայնագրի նպատակը Իրանին միջուկային իրավունքներից զրկելն է, ապա բնական է, որ մենք պատրաստ չենք նման համաձայնության»,-ասել է Արաղչին։
Իրանի ԱԳ նախարարը նաև հայտարարել է, որ իրենք կդադարեցնեն հարվածներն Իսրայելին, եթե վերջինս դադարեցնի ագրեսիան Իսլամական Հանրապետության նկատմամբ:
«Մենք պաշտպանվում ենք, դա ինքնապաշտպանություն է։ Բնականաբար, եթե դադարեցվի, մենք էլ կդադարենք պատասխանել»,-ասել է նա դեսպանների հետ հանդիպմանը, որը հեռարձակվել է իրանական հեռուստատեսությամբ։
Արաղչին հայտնել է, որ Իրանն ԱՄՆ-ից տարբեր խողովակներով ուղերձներ է ստացել, որոնցում պնդում են, թե Վաշինգտոնը չի մասնակցել և չի մասնակցի Իսրայելի հարձակումներին: Նախարարը հայտարարել է, որ Թեհրանը չի հավատում դրան։
Այս պատճառով, Արաղչիի խոսքով, Իրանն ԱՄՆ-ից սպասում է իրանական միջուկային ենթակառուցվածքի վրա Իսրայելի հարձակումների դատապարտում։
«Անհրաժեշտ է, որ ԱՄՆ-ն հստակ հայտարարի իր դիրքորոշումըև անկեղծորեն դատապարտի միջուկային ենթակառուցվածքի վրա հարձակումը»,-ասել է նա իրանական հեռուստատեսության եթերում:
Նրա խոսքով՝ Իսրայելը Իրանի միջուկային ծրագրին վերաբերող որևէ համաձայնագիր չի ուզում:
«Մենք կարծում ենք, որ մեր առաջարկը կարող էր ուղի հարթել համաձայնագրի համար, և միանգամայն ակնհայտ է, որ իսրայելական ռեժիմը միջուկային խնդրի շուրջ որևէ համաձայնագիր չի ուզում, բանակցություններ չի ուզում, դիվանագիտություն չի ուզում, իսկ Իրանից դեմ ագրեսիան միջուկային բանակցությունների թեժ պահին վկայում է իսրայելական ռեժիմի՝ ցանկացած բանակցության հակազդելու մասին»,-նշել է Արաղչին։
Հիշեցնենք` հունիսի 13-ի վաղ առավոտյան Իսրայելի պաշտպանության բանակը (ՑԱԽԱԼ) Իրանի դեմ լայնածավալ
գործողություն սկսեց։ Իսրայելի իշխանությունները հայտարարեցին, որ գործողության նպատակն է կանխել հրեական պետության գոյությանը սպառնացող վտանգը, քանի որ, ըստ իրենց զինվորականների և հետախուզության տվյալների, Իրանը կարճ ժամանակում միջուկային զենք ստեղծելու հարցում անդառնալի կետի է մոտեցել։ Դրան հաջորդեց
Իրանի հակահարձակումը Իսրայելի վրա։
Այդ օրվանից փոխադարձ հրթիռակոծությունները շարունակվում են։
