https://arm.sputniknews.ru/20250604/kajaranum-brnel-en-u-khckel-meqenaji-bernakhciky-inch-e-hajtni-areg-shchepikhini-gvortsi-masin-89703182.html
Կայարանում բռնել են ու խցկել մեքենայի բեռնախցիկը. ինչ է հայտնի Արեգ Շչեպիխինի գործի մասին
Կայարանում բռնել են ու խցկել մեքենայի բեռնախցիկը. ինչ է հայտնի Արեգ Շչեպիխինի գործի մասին
Sputnik Արմենիա
Մոսկվայի ոստիկանությունը ստուգում է իրականացնում տեսագրության հիման վրա, որում չորս անձինք Յարոսլավսկի կայարանում բռնում են մի տղամարդու, մտցնում AMR... 04.06.2025, Sputnik Արմենիա
2025-06-04T13:36+0400
2025-06-04T13:36+0400
2025-06-04T17:17+0400
առևանգում
արեգ շչեպիխին
գործարար
https://cdn.am.sputniknews.ru/img/07e9/06/04/89699876_0:47:1080:655_1920x0_80_0_0_1477570234aea9d1fde8e9617703535e.jpg
ԵՐԵՎԱՆ, 4 հունիսի – Sputnik. Չեչենների խմբի կողմից բլոգեր և գործարար Արեգ Շչեպիխինի առևանգումը, որը բոլորի աչքի առաջ տեսանյութ էր նկարահանել մահմեդականների և Ալլահի հասցեին վիրավորական խոսքերով, աղմուկ է առաջացրել ռուսական լրատվամիջոցներում։Երեկոյան սոցցանցերում տեսանյութ էր հայտնվել, որտեղ երևում էր, թե ինչպես են մի տղամարդու Մոսկվայի Յարոսլավսկի կայարանում խցկում սև «Mercedes»-ի բեռնախցիկն ու տանում։ Ընդ որում` տղամարդը օգնություն է կանչում և խնդրում զանգահարել ոստիկանություն։ Ավելի ուշ հայտնի դարձավ, որ առևանգվածը 39-ամյա Արեգ Շչեպիխինն է, որը ներկայանում է որպես գործարար։Աբրահամ Ռուսոն իր առևանգման գործով անցնող անձի դեմ 5,7 մլն ռուբլու հայց է ներկայացրելՄիջադեպի հետքերով Ռուսաստանի ՆԳՆ գծային վարչությունը Մոսկվա-Յարոսլավսկայա կայարանում անմիջապես ստուգում է սկսել: Մեքենան, որով տարել են Շչեպիխինին, ավելի ուշ կանգնեցվել է ոստիկանության կողմից, իսկ մեքենայում գտնվողներին տարել են հարցաքննության։ Գործարարը մեքենայում չի եղել։Shot պարբերականը գրում է, որ ինչպես պարզվել է, նրանք Ռոսգվարդիայի աշխատակիցների վկայականներ են ներկայացրել և հայտարարել, որ գործել են օպերատիվ միջոցառման շրջանակներում։Շչեպիխինի առևանգման գործով ձերբակալված վեց տղամարդիկ նախնական հարցաքննություններից հետո ազատ են արձակվել ոստիկանության բաժանմունքից: Նրանք միասին լքել են բաժանմունքի տարածքը նույն մեքենայով, որով ժամանել էին: Shot–ը նշում է, որ Արեգի գտնվելու վայրի մասին մինչ օրս ոչինչ հայտնի չէ։Չեչնիայի իշխանություններն ավելի ուշ հայտարարել են, որ Արեգ Շչեպիխինը «չի առևանգվել, այլ ձերբակալվել է իրավապահ մարմինների աշխատակիցների կողմից, որոնք համագործակցում են մայրաքաղաքի մասնագիտական գերատեսչությունների հետ»։Լյուբով Ուսպենսկայայի դստերը հանել են երկրից. հայտնի է դարձել, թե որտեղ կարող է նա լինելՉեչնիայի ՆԳՆ-ն Շչեպիխինի նկատմամբ ստուգում է իրականացնում հավատացյալների կրոնական զգացմունքները վիրավորելու նպատակով կատարված հրապարակային գործողությունների փաստով։ Ինչպես հայտարարել է Չեչնիայի ազգային քաղաքականության, արտաքին հարաբերությունների և մամուլի նախարար Ահմեդ Դուդաևը, Շչեպիխինը բացահայտ, հրապարակայնորեն և բազմիցս էթնիկ զտումների և նացիզմի կոչ է արել, վիրավորել է կրոնը և Աստծուն։Արեգ Շչեպիխինը սոցցանցերում պարբերաբար լուսանկարներ է հրապարակել տարբեր հայտնի մարդկանց հետ։ Նրա էջում տեղեկատվություն է հրապարակվել իր քաղաքական կուսակցության՝ «Նոր ռուսական աշխարհի» ստեղծման մասին։ Շչեպիխինի խոսքով՝ կուսակցության գլխավոր նպատակն է նոր սերնդին ցույց տալ, թե ինչպես կարելի է գումար վաստակել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
առևանգում, արեգ շչեպիխին, գործարար
առևանգում, արեգ շչեպիխին, գործարար
Կայարանում բռնել են ու խցկել մեքենայի բեռնախցիկը. ինչ է հայտնի Արեգ Շչեպիխինի գործի մասին
13:36 04.06.2025 (Թարմացված է: 17:17 04.06.2025) Մոսկվայի ոստիկանությունը ստուգում է իրականացնում տեսագրության հիման վրա, որում չորս անձինք Յարոսլավսկի կայարանում բռնում են մի տղամարդու, մտցնում AMR համարանիշներով և լուսային ազդանշանով մեքենայի բեռնախցիկի մեջ և տանում։
ԵՐԵՎԱՆ, 4 հունիսի – Sputnik. Չեչենների խմբի կողմից բլոգեր և գործարար Արեգ Շչեպիխինի առևանգումը, որը բոլորի աչքի առաջ տեսանյութ էր նկարահանել մահմեդականների և Ալլահի հասցեին վիրավորական խոսքերով, աղմուկ է առաջացրել ռուսական լրատվամիջոցներում։
Երեկոյան սոցցանցերում տեսանյութ էր հայտնվել, որտեղ երևում էր, թե ինչպես են մի տղամարդու Մոսկվայի Յարոսլավսկի կայարանում խցկում սև «Mercedes»-ի բեռնախցիկն ու տանում։ Ընդ որում` տղամարդը օգնություն է կանչում և խնդրում զանգահարել ոստիկանություն։ Ավելի ուշ հայտնի դարձավ, որ առևանգվածը 39-ամյա Արեգ Շչեպիխինն է, որը ներկայանում է որպես գործարար։
Միջադեպի հետքերով Ռուսաստանի ՆԳՆ գծային վարչությունը Մոսկվա-Յարոսլավսկայա կայարանում անմիջապես ստուգում է սկսել: Մեքենան, որով տարել են Շչեպիխինին, ավելի ուշ կանգնեցվել է ոստիկանության կողմից, իսկ մեքենայում գտնվողներին տարել են հարցաքննության։ Գործարարը մեքենայում չի եղել։
Shot պարբերականը գրում է, որ ինչպես պարզվել է, նրանք Ռոսգվարդիայի աշխատակիցների վկայականներ են ներկայացրել և հայտարարել, որ գործել են օպերատիվ միջոցառման շրջանակներում։
Շչեպիխինի առևանգման գործով ձերբակալված վեց տղամարդիկ նախնական հարցաքննություններից հետո ազատ են արձակվել ոստիկանության բաժանմունքից: Նրանք միասին լքել են բաժանմունքի տարածքը նույն մեքենայով, որով ժամանել էին: Shot–ը նշում է, որ Արեգի գտնվելու վայրի մասին մինչ օրս ոչինչ հայտնի չէ։
Չեչնիայի իշխանություններն ավելի ուշ հայտարարել են, որ Արեգ Շչեպիխինը «չի առևանգվել, այլ ձերբակալվել է իրավապահ մարմինների աշխատակիցների կողմից, որոնք համագործակցում են մայրաքաղաքի մասնագիտական գերատեսչությունների հետ»։
Չեչնիայի ՆԳՆ-ն Շչեպիխինի նկատմամբ ստուգում է իրականացնում հավատացյալների կրոնական զգացմունքները վիրավորելու նպատակով կատարված հրապարակային գործողությունների փաստով։ Ինչպես հայտարարել է Չեչնիայի ազգային քաղաքականության, արտաքին հարաբերությունների և մամուլի նախարար Ահմեդ Դուդաևը, Շչեպիխինը բացահայտ, հրապարակայնորեն և բազմիցս էթնիկ զտումների և նացիզմի կոչ է արել, վիրավորել է կրոնը և Աստծուն։
Արեգ Շչեպիխինը սոցցանցերում պարբերաբար լուսանկարներ է հրապարակել տարբեր հայտնի մարդկանց հետ։ Նրա էջում տեղեկատվություն է հրապարակվել իր քաղաքական կուսակցության՝ «Նոր ռուսական աշխարհի» ստեղծման մասին։ Շչեպիխինի խոսքով՝ կուսակցության գլխավոր նպատակն է նոր սերնդին ցույց տալ, թե ինչպես կարելի է գումար վաստակել։
