https://arm.sputniknews.ru/20250429/aats-tnoreni-vordun-patkanvogh-tuny-durs-e-mnacel-aporini-gujqi-brnagandzman-cankic-hetq-88412986.html
ԱԱԾ տնօրենի որդուն պատկանող տունը դուրս է մնացել ապօրինի գույքի բռնագանձման ցանկից. «Հետք»
ԱԱԾ տնօրենի որդուն պատկանող տունը դուրս է մնացել ապօրինի գույքի բռնագանձման ցանկից. «Հետք»
Sputnik Արմենիա
Ռոբերտ Աբազյանը շուկայականից խիստ ցածր գնով ձեռք է բերել բնակարան Ծառուկյանին պատկանող շենքում, իսկ հիփոթեքային վարկը Խաչատուր Սուքիասյանի բանկն է տրամադրել։ 29.04.2025, Sputnik Արմենիա
2025-04-29T20:09+0400
2025-04-29T20:09+0400
2025-04-29T21:01+0400
հհ ազգային անվտանգության ծառայություն. աած
արմեն աբազյան
որդի
հհ դատախազություն
ապօրինի
գույք
բնակարան
բռնագանձում
https://cdn.am.sputniknews.ru/img/07e8/0a/1c/82407517_1:0:1005:565_1920x0_80_0_0_54b69aad7a11c5d81f5b1aaffee586d7.jpg
ԵՐԵՎԱՆ, 29 ապրիլի – Sputnik․ ՀՀ ԱԱԾ պետ Արմեն Աբազյանի որդու՝ Ռոբերտ Աբազյանի ձեռք բերած բնակարանը չի ներառվել այն գույքի ցանկում, որը դատախազությունը ցանկանում էր բռնագանձել նախկին սեփականատիրոջից: Այս մասին գրում է «Հետքը»։Եվ այսպես, 225.8 քմ մակերեսով, 600 հազար դոլար արժողությամբ բնակարանը տարօրինակ կերպով դուրս է մնացել այն ցանկից, որը բռնագանձելու պահանջ է ներկայացրել դատախազությունը Տիգրան Մանուկյանից։Ապօրինի ծագում ունեցող գույքի բռնագանձման մասին օրենքը սահմանադրական է. ՍԴԲՀԿ նախագահ Գագիկ Ծառուկյանից և նրա հետ փոխկապակցված անձանցից ենթադրաբար ապօրինի միլիարդավոր դրամների գույք առգրավելու գործը դատարանում է 2023 թվականի հոկտեմբերից։ Տիգրան Մանուկյանը «Շանգրի Լա» խաղատան և ԲՀԿ ղեկավարի հետ փոխկապված այլ ընկերությունների տնօրենն էր։ Մանուկյանից պահանջվում է բռնագանձել հետևյալ գույքը՝ «Մեգամոթորս» ՍՊԸ-ի 100% բաժնեմասը, 21 ավտոմեքենա («Մերսեդես բենս», «Ռենջ Ռովեր», «Բի Էմ Դաբլյու» և այլ մակնիշների), 13 բնակարան Երևանում (Նորք-Մարաշում), 10 ավտոհանգրվան Նորք-Մարաշի նույն շենքում, 2 բնակարան Երևանում (Աբովյան 9 հասցեում)։Բոլոր բնակարանները գտնվում են Ծառուկյանի ընկերությունների կողմից կառուցված երկու շենքերում։Նշվում է, որ բնակարանը ձեռք է բերվել ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի ընտանիքին պատկանող «Հայէկոնոմբանկի» տրամադրած հիփոթեքային վարկով։«Հետքի» գրավոր հարցմանն ի պատասխան դատախազությունից հայտնել են, որ ցանկանում են բռնագանձել ոչ թե Մանուկյանի ամբողջ գույքը, այլ այն, որի իրական սեփականատերը համարում են Ծառուկյանին:Դատախազությունը պահանջում է նախկին դատավորից բռնագանձել 93 մլն դրամ և 2 անշարժ գույքԹերքի համար հարցական է մնացել, թե ինչ անհերքելի փաստեր է ձեռք բերել դատախազությունը, որ Աբովյան 9 շենքի 36 և 39 համարի բնակարանների իրական շահառուն Գագիկ Ծառուկյանն է, իսկ 30 համարի բնակարանի իրական շահառուն՝ ոչ։ԱԱԾ-ից էլ պատասխանել են, որ հայցվող տեղեկությունը վերաբերում է քաղաքացի Ռոբերտ Աբազյանի անձնական կյանքին, այդ իսկ պատճառով չի կարող տրամադրվել։ Բացի այդ, որդին չափահաս է և անկախ ծնողի կարգավիճակից՝ ինքնուրույն է ստանձնում քաղաքացիական իրավունքի ու պարտականությունների համապատասխան ծավալը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ ազգային անվտանգության ծառայություն. աած, արմեն աբազյան, որդի, հհ դատախազություն, ապօրինի, գույք, բնակարան, բռնագանձում
հհ ազգային անվտանգության ծառայություն. աած, արմեն աբազյան, որդի, հհ դատախազություն, ապօրինի, գույք, բնակարան, բռնագանձում
ԱԱԾ տնօրենի որդուն պատկանող տունը դուրս է մնացել ապօրինի գույքի բռնագանձման ցանկից. «Հետք»
20:09 29.04.2025 (Թարմացված է: 21:01 29.04.2025) Ռոբերտ Աբազյանը շուկայականից խիստ ցածր գնով ձեռք է բերել բնակարան Ծառուկյանին պատկանող շենքում, իսկ հիփոթեքային վարկը Խաչատուր Սուքիասյանի բանկն է տրամադրել։
ԵՐԵՎԱՆ, 29 ապրիլի – Sputnik․ ՀՀ ԱԱԾ պետ Արմեն Աբազյանի որդու՝ Ռոբերտ Աբազյանի ձեռք բերած բնակարանը չի ներառվել այն գույքի ցանկում, որը դատախազությունը ցանկանում էր բռնագանձել նախկին սեփականատիրոջից: Այս մասին գրում է «
Հետքը»։
Եվ այսպես, 225.8 քմ մակերեսով, 600 հազար դոլար արժողությամբ բնակարանը տարօրինակ կերպով դուրս է մնացել այն ցանկից, որը բռնագանձելու պահանջ է ներկայացրել դատախազությունը Տիգրան Մանուկյանից։
ԲՀԿ նախագահ Գագիկ Ծառուկյանից և նրա հետ փոխկապակցված անձանցից ենթադրաբար ապօրինի միլիարդավոր դրամների գույք առգրավելու գործը դատարանում է 2023 թվականի հոկտեմբերից։ Տիգրան Մանուկյանը «Շանգրի Լա» խաղատան և ԲՀԿ ղեկավարի հետ փոխկապված այլ ընկերությունների տնօրենն էր։ Մանուկյանից պահանջվում է բռնագանձել հետևյալ գույքը՝ «Մեգամոթորս» ՍՊԸ-ի 100% բաժնեմասը, 21 ավտոմեքենա («Մերսեդես բենս», «Ռենջ Ռովեր», «Բի Էմ Դաբլյու» և այլ մակնիշների), 13 բնակարան Երևանում (Նորք-Մարաշում), 10 ավտոհանգրվան Նորք-Մարաշի նույն շենքում, 2 բնակարան Երևանում (Աբովյան 9 հասցեում)։
Բոլոր բնակարանները գտնվում են Ծառուկյանի ընկերությունների կողմից կառուցված երկու շենքերում։
Աբովյան 9 հասցեում գտնվող և Մանուկյանին պատկանող երրորդ բնակարանը բռնագանձման այս ցանկից դուրս մնալուց հետո նշված բնակարանը 240 միլիոն դրամով գնել է 31-ամյա Ռոբերտ Աբազյանը։ Բնակարանի 1 քմ-ն Ռոբերտ Աբազյանը գնել է 2,627 դոլարին համարժեք դրամով, մինչդեռ, ըստ «Հետքի», Երևանի փոքր կենտրոնում 2024 թ․-ին 1 քմ բնակտարածքի շուկայական արժեքը տատանվել է 3500-4000 ԱՄՆ դոլարի միջակայքում։ Այդ պայմաններով Ռոբերտ Աբազյանի ձեռք բերած բնակարանի շուկայական արժեքը պետք է լիներ 790- 900 հազար ԱՄՆ դոլարի սահմանում։
Նշվում է, որ բնակարանը ձեռք է բերվել ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի ընտանիքին պատկանող «Հայէկոնոմբանկի» տրամադրած հիփոթեքային վարկով։
«Հետքի» գրավոր հարցմանն ի պատասխան դատախազությունից հայտնել են, որ ցանկանում են բռնագանձել ոչ թե Մանուկյանի ամբողջ գույքը, այլ այն, որի իրական սեփականատերը համարում են Ծառուկյանին:
Թերքի համար հարցական է մնացել, թե ինչ անհերքելի փաստեր է ձեռք բերել դատախազությունը, որ Աբովյան 9 շենքի 36 և 39 համարի բնակարանների իրական շահառուն Գագիկ Ծառուկյանն է, իսկ 30 համարի բնակարանի իրական շահառուն՝ ոչ։
ԱԱԾ-ից էլ պատասխանել են, որ հայցվող տեղեկությունը վերաբերում է քաղաքացի Ռոբերտ Աբազյանի անձնական կյանքին, այդ իսկ պատճառով չի կարող տրամադրվել։ Բացի այդ, որդին չափահաս է և անկախ ծնողի կարգավիճակից՝ ինքնուրույն է ստանձնում քաղաքացիական իրավունքի ու պարտականությունների համապատասխան ծավալը։
