https://arm.sputniknews.ru/20250304/hervosakan-kecvatsq-sharmazanvovy-baqvi-dataranum-bakvo-sahakjani-cucmunqi-masin-86378832.html
Հերոսական կեցվածք․ Շարմազանովը՝ Բաքվի դատարանում Բակո Սահակյանի ցուցմունքի մասին
Հերոսական կեցվածք․ Շարմազանովը՝ Բաքվի դատարանում Բակո Սահակյանի ցուցմունքի մասին
Sputnik Արմենիա
Շարմազանովը ճիշտ չի համարում մեկնաբանել գերության մեջ և ճնշումների տակ գտնվող մեր հայրենակիցների հայտարարությունները։ 04.03.2025, Sputnik Արմենիա
2025-03-04T10:35+0400
2025-03-04T10:35+0400
2025-03-04T10:38+0400
էդուարդ շարմազանով
բակո սահակյան
հայ-ադրբեջանական
ադրբեջան
գերի
հայ գերիներ, անհետ կորածներ
դատ
https://cdn.am.sputniknews.ru/img/07e9/02/1b/86221179_0:139:1500:983_1920x0_80_0_0_b942c44202a7c06ad69507e5241c5204.jpg.webp
ԵՐԵՎԱՆ, 4 մարտի – Sputnik․ «Հանրապետական» կուսակցության գործադիր մարմնի անդամ Էդուարդ Շարմազանովը ճիշտ չի համարում մեկնաբանել Արցախի նախկին նախագահ Արայիկ Հարությունյանին վերագրվող հայտարարությունները։Նրա խոսքով՝ մեր ամոթն է, որ նրանք բոլորն այնտեղ են, և մենք պայքարում ենք, որ առանց բացառության հայ գերիներն օր առաջ վերադառնան Հայաստան։Մյուս կողմից Շարմազանովն իր հիացմունքն է հայտնում Արցախի նախկին նախագահ Բակո Սահակյանի հանդեպ, ով, գտնվելով ադրբեջանակն գերության մեջ, իր ցուցմունքում հստակ նշեց, որ դատարանը չի կարող նման գործ քննել, որովհետև սա Արցախի ինքնորոշման պայքար է, և որևէ պետության դատարան չի կարող իրենց դատել։Նշենք, որ ըստ ադրբեջանական ԶԼՄ-ների՝ մարտի 3-ին Բաքվի հերթական շինծու դատական նիստի ժամանակ ցուցմունք էր տվել նաև Արցախի նախկին նախագահ Արայիկ Հարությունյանն ու ասել, որ 44-օրյա պատերազմի ժամանակ ցանկացել է նամակ գրել Ադրբեջանի նախագահ Իլհամ Ալիևին, սակայն ՀՀ վարչապետ Նիկոլ Փաշինյանը դա թույլ չի տվել։Կրկին ըստ ադրբեջանական լրատվամիջոցների տարածած հաղորդագրության՝ Արայիկ Հարությունյանն իբր հայտարարել է, թե տեղյակ չի եղել 2020 թվականի ամռանը Տավուշում տեղի ունեցած իրադարձությունների մասին, պատկերացում չի ունեցել, թե ինչ է տեղի ունեցել այնտեղ: Հարությունյանի խոսքով՝ ինքը «նոր մարդ» է եղել և 2020 թվականի ամռանը սկսել է այցելել առաջնագիծ՝ տեղում ծանոթանալու իրավիճակին։ Բաքվում պահվող հայերը պետք է ազատ արձակվեն․ ՄԱԿ-ում մարդու իրավունքների բարձր հանձնակատարԸստ ադրբեջանական լրատվամիջոցների հրապարակումների՝ Հարությունյանը նշել է, որ բանակի մասին ողջ տեղեկատվությունն իրեն տրամադրել է հայկական «մամուլի ծառայությունը» (թե կոնկրետ որ կառույցի մասին է խոսքը, չի հստակեցվում, -խմբ.): Նա իբր նաև խոստովանել է, որ այն ժամանակ մի քանի հրապարակային հայտարարություններ է արել (որոնք տեղադրվել են սոցցանցի իր էջում), ինչի համար հիմա զղջում է։Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:Նախկին պետնախարար և բարերար Ռուբեն Վարդանյանի գործը քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին` դատարանը որոշել է 422 հատորներից 400-ը դիտարկել առանձին:Փետրվարի 26-ին հայտնի դարձավ, որ Ռուբեն Վարդանյանի առողջական վիճակը կտրուկ վատացել է, քանի որ նա ադրբեջանական բանտում փետրվարի 19–ից հացադուլ է սկսել։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
էդուարդ շարմազանով, բակո սահակյան, հայ-ադրբեջանական, ադրբեջան, գերի, հայ գերիներ, անհետ կորածներ, դատ
էդուարդ շարմազանով, բակո սահակյան, հայ-ադրբեջանական, ադրբեջան, գերի, հայ գերիներ, անհետ կորածներ, դատ
Հերոսական կեցվածք․ Շարմազանովը՝ Բաքվի դատարանում Բակո Սահակյանի ցուցմունքի մասին
10:35 04.03.2025 (Թարմացված է: 10:38 04.03.2025) Շարմազանովը ճիշտ չի համարում մեկնաբանել գերության մեջ և ճնշումների տակ գտնվող մեր հայրենակիցների հայտարարությունները։
ԵՐԵՎԱՆ, 4 մարտի – Sputnik․ «Հանրապետական» կուսակցության գործադիր մարմնի անդամ Էդուարդ Շարմազանովը ճիշտ չի համարում մեկնաբանել Արցախի նախկին նախագահ Արայիկ Հարությունյանին վերագրվող հայտարարությունները։
«Թույլ տվեք՝ ես չմեկնաբանեմ Բաքվի բանտերում, Բաքվի ռեժիմի կողմից ճմնշումների տակ գտնվող մեր հայրենակիցների նմանատիպ հայտարարությունները, որովհետև ինչքան էլ ես Արայիկ Հարությունյանի հետ ունենամ քաղաքական տարաձայնություններ, այնուամենայնիվ, նա Բաքվի բանտում է, գերի»,- ասաց Շարմազանովը։
Նրա խոսքով՝ մեր ամոթն է, որ նրանք բոլորն այնտեղ են, և մենք պայքարում ենք, որ առանց բացառության հայ գերիներն օր առաջ վերադառնան Հայաստան։
Մյուս կողմից Շարմազանովն իր հիացմունքն է հայտնում Արցախի նախկին նախագահ Բակո Սահակյանի հանդեպ, ով, գտնվելով ադրբեջանակն գերության մեջ, իր ցուցմունքում հստակ նշեց, որ դատարանը չի կարող նման գործ քննել, որովհետև սա Արցախի ինքնորոշման պայքար է, և որևէ պետության դատարան չի կարող իրենց դատել։
Նշենք, որ ըստ ադրբեջանական ԶԼՄ-ների՝ մարտի 3-ին Բաքվի
հերթական շինծու դատական նիստի ժամանակ ցուցմունք էր տվել նաև Արցախի նախկին նախագահ Արայիկ Հարությունյանն ու ասել, որ 44-օրյա պատերազմի ժամանակ ցանկացել է նամակ գրել Ադրբեջանի նախագահ Իլհամ Ալիևին, սակայն ՀՀ վարչապետ Նիկոլ Փաշինյանը դա թույլ չի տվել։
Կրկին ըստ ադրբեջանական լրատվամիջոցների տարածած հաղորդագրության՝ Արայիկ Հարությունյանն իբր հայտարարել է, թե տեղյակ չի եղել 2020 թվականի ամռանը Տավուշում տեղի ունեցած իրադարձությունների մասին, պատկերացում չի ունեցել, թե ինչ է տեղի ունեցել այնտեղ: Հարությունյանի խոսքով՝ ինքը «նոր մարդ» է եղել և 2020 թվականի ամռանը սկսել է այցելել առաջնագիծ՝ տեղում ծանոթանալու իրավիճակին։
Ըստ ադրբեջանական լրատվամիջոցների հրապարակումների՝ Հարությունյանը նշել է, որ բանակի մասին ողջ տեղեկատվությունն իրեն տրամադրել է հայկական «մամուլի ծառայությունը» (թե կոնկրետ որ կառույցի մասին է խոսքը, չի հստակեցվում, -խմբ.): Նա իբր նաև խոստովանել է, որ այն ժամանակ մի քանի հրապարակային հայտարարություններ է արել (որոնք տեղադրվել են սոցցանցի իր էջում), ինչի համար հիմա զղջում է։
Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով
«դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը
քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին` դատարանը որոշել է 422 հատորներից 400-ը դիտարկել առանձին:
Փետրվարի 26-ին հայտնի դարձավ, որ Ռուբեն Վարդանյանի առողջական վիճակը
կտրուկ վատացել է, քանի որ նա ադրբեջանական բանտում փետրվարի 19–ից
հացադուլ է սկսել։
