Ուժգին քամին վնասել է Գեղարքունիքի մարզի 7 դպրոցների շենքերը
14:55 07.03.2023 (Թարմացված է: 15:07 07.03.2023)
© Photo : Facebook / Կարեն Սարգսյան / Karen SargsyanՈւժգին քամին վնասել է Գեղարքունիքի մարզի 7 դպրոցների շենքերը
![Ուժգին քամին վնասել է Գեղարքունիքի մարզի 7 դպրոցների շենքերը Ուժգին քամին վնասել է Գեղարքունիքի մարզի 7 դպրոցների շենքերը - Sputnik Արմենիա, 1920, 07.03.2023](https://cdn.am.sputniknews.ru/img/07e7/03/07/56365026_0:0:1600:901_1920x0_80_0_0_36d43506f0b7e5c61fb948c34f21f915.jpg)
Ուժգին քամին վնասել է Գեղարքունիքի մարզի 7 դպրոցների շենքերը
Բաժանորդագրվել
Մարզպետը դպրոցների տնօրեններին հանձնարարել է հնարավորինս արագ կազմել շինարարական թերությունների ակտերը։
ԵՐԵՎԱՆ, 7 մարտի – Sputnik. Ուժեղ քամին զգալի վնասներ է հասցրել Գեղարքունիքի մարզի հանրակրթական 7 դպրոցների շենքերին: Տեղեկությունը հայտնում է մարզպետ Կարեն Սարգսյանը։
«2023 թվականի մարտի 5-ի գիշերվա և մարտի 6-ի ցերեկային ժամերի ընթացքում գրանցված ուժեղ քամիների հետևանքով վնասվել են Գեղարքունիքի մարզի Վարդենիկի թիվ 2 հիմնական, Ծովագյուղի, Սեմյոնովկայի, Կարճաղբյուրի, Շատվանի, Այգուտի և Գեղամավանի միջնակարգ դպրոցների տանիքները»,– գրել է նա ֆեյսբուքյան էջում։
Մարզպետը դպրոցների տնօրեններին հանձնարարել է հնարավորինս արագ կազմել շինարարական թերությունների ակտերը և ներկայացնել Գեղարքունիքի մարզպետարան։ Կարեն Սարգսյանը վստահեցրել է` դպրոցներին հասցված վնասների վերականգնման ուղղությամբ կձեռնարկվեն համապատասխան միջոցներ։
Հիշեցնենք, որ քամու հետևանքով շինությունների տանիքներ, գովազդային վահանակներ են վնասվել, ինչպես նաև ծառեր կոտրվել նաև Երևանի Կենտրոն, Շենգավիթ, Դավթաշեն, Մալաթիա-Սեբաստիա, Նոր Նորք, Էրեբունի, Քանաքեռ-Զեյթուն, Նորք-Մարաշ, Աջափնյակ վարչական շրջաններում, Գավառ, Աբովյան, Ծաղկաձոր, Հրազդան, Կապան, Ալավերդի, Ստեփանավան, Վանաձոր քաղաքներում, Լոռու մարզի Օձուն և Կոտայքի մարզի Նոր Գեղի գյուղերում։