https://arm.sputniknews.ru/20221011/mihran-pvoghvosjani-gvortsy-hasav-dataran-brnagandzman-entaka-gumary-13-mln-dvolar-e-49621895.html

Միհրան Պողոսյանի գործը հասավ դատարան. բռնագանձման ենթակա գումարը 1.3 մլն դոլար է

Միհրան Պողոսյանի գործը հասավ դատարան. բռնագանձման ենթակա գումարը 1.3 մլն դոլար է

Sputnik Արմենիա

Ապօրինի ծագում ունեցող գույքի բռնագանձման պահանջը ԴԱՀԿ ծառայության նախկին պետից բացի վերաբերում է նաև նրա հետ փոխկապակցված 7 անձանց։ 11.10.2022, Sputnik Արմենիա

2022-10-11T17:15+0400

2022-10-11T17:15+0400

2022-10-11T17:27+0400

միհրան պողոսյան

քրեական գործ

գույք

անշարժ գույք

բռնագանձում

դատարան

դատական ակտերի հարկադիր կատարման ծառայություն (դահկ)

https://cdn.am.sputniknews.ru/img/07e5/06/15/28026221_0:0:1601:901_1920x0_80_0_0_4ffa89dcc91913036cdaacd0083c3bcf.jpg

ԵՐԵՎԱՆ, 11 հոկտեմբերի – Sputnik. ԴԱՀԿ ծառայության նախկին պետ Միհրան Պողոսյանի ու նրա հետ փոխկապակցված անձանց դեմ ապօրինի ծագում ունեցող գույքի բռնագանձման պահանջով հայցն ընդունվել է Հակակոռուպցիոն դատարանի վարույթ։Դատախազությունից ուղարկված հայցադիմումը մակագրվել է դատավոր Աշխեն Ղարսլյանին։ Դատարանում` Աշխեն Ղարսլյանի նախագահությամբ, առաջիկայում կմեկնարկի Միհրան Պողոսյանից ու նրա հետ փոխկապակցված ևս 7 անձից ապօրինի ծագում ունեցող գույքի բռնագանձման պահանջի մասին դատավարությունը։Միհրան Պողոսյանի նկատմամբ հարուցված քրեական գործի համաձայն` նախկին պաշտոնյան ապօրինի ձեռնարկատիրական գործունեության արդյունքում 568 830 000 մլն դրամի կամ շուրջ 1.3 մլն դոլարի չարաշահում է կատարել` հարկեր չվճարելով։ Իսկ հետոայդ գումարները «լվացել է» իր հետ կապված ընկերությունների միջոցով` դրանք ձևակերպելով որպես փոխառություններ։Մասնավորապես` 2015թ–ին գումարը փոխանցվել է «Քեթրին Գրուպ» ՍՊ Ը–ի հաշվեհամարին որպես դրամական անտոկոս աջակցություն Պանամայի Հանրապետության օֆշորային գոտում գրանցված ընկերության կողմից։ Ավելի ուշ այն «Քեթրին Գրուպի» հաշվեհամարից մաս–մաս փոխանցվել է Պողոսյանի հետ կապված այլ ընկերությունների` «Կեչառիսի», «Կեչառիս գարդենսի» և այլ հաշվեհամարների։Միհրան Պողոսյանի և նրա ընտանիքի անդամների գույքի նկատմամբ արգելանք է կիրառվելՀիշեցնենք` Միհրան Պողոսյանը հետախուզման մեջ է` առանձնապես խոշոր չափերով գույքի հափշտակման ու պաշտոնեական դիրքը չարաշահելու մեղադրանքով։2019 թվականի ապրիլի 19-ին Պողոսյանը հայտնաբերվել էր Կարելիայի Հանրապետության Պետրոզավոդսկ քաղաքում և ձերբակալվել: Իսկ մայիսի 28-ին ազատ էր արձակվել և ապրում էր Պետրոզավոդսկում վարձակալած բնակարանում`իրավապահների հսկողության տակ։2019թ.-ի օգոստոսի 17-ին հայտնի դարձավ, որ Միհրան Պողոսյանին Հայաստանին արտահանձնելու` ՀՀ գլխավոր դատախազության միջնորդությունը ՌԴ գլխավոր դատախազությունը մերժել է անհնարինության հիմքով։2022թ–ի ապրիլին ԴԱՀԿ նախկին պետ Միհրան Պողոսյանի, նրա կնոջ ու դստեր, ինչպես նաև նրանց հետ փոխկապակցված ընկերությունների սեփականատեր ու ղեկավար գրանցված անձանց գույքի նկատմամբ արգելանք էր կիրառվել։

2022

Լուրեր

am_HY

միհրան պողոսյան, քրեական գործ, գույք, անշարժ գույք, բռնագանձում, դատարան, դատական ակտերի հարկադիր կատարման ծառայություն (դահկ)