https://arm.sputniknews.ru/20211201/inchpes-rusakan-su-35s-kortsanichy-dardzav-aviakirneri-sarsapy-35947473.html

Ինչպես ռուսական Սու-35Ս կործանիչը դարձավ ավիակիրների սարսափը

Ինչպես ռուսական Սու-35Ս կործանիչը դարձավ ավիակիրների սարսափը

Sputnik Արմենիա

4++ սերնդի Սու-35Ս ծանր կործանիչի հետ Խ-35Ու բարձր ճշգրտության թևավոր հրթիռի ինտեգրումը թույլ է տալիս արձակման կետից ավելի քան 500 կմ հեռավորության վրա... 01.12.2021, Sputnik Արմենիա

2021-12-01T23:26+0400

2021-12-01T23:26+0400

2021-12-01T23:26+0400

ռուսաստան

կործանիչ

սու-35ս կործանիչ

https://cdn.am.sputniknews.ru/img/07e5/03/15/26876753_0:52:1000:615_1920x0_80_0_0_3233eaa256c2815b1cc3574a192b5216.jpg

4++ սերնդի Սու-35Ս ծանր կործանիչի հետ Խ-35Ու բարձր ճշգրտության թևավոր հրթիռի ինտեգրումը թույլ է տալիս արձակման կետից ավելի քան 500 կմ հեռավորության վրա վերացնել ծովային ցանկացած թիրախ և արդյունավետ կերպով ուժեղացնում է Ռուսաստանի սահմանների պաշտպանությունը Սևծովյան տարածաշրջանում, Բալթիկայում, Անդրբևեռյան շրջանում և Հեռավոր Արևելքում։Ալեքսանդր Խրոլենկո, ռազմական վերլուծաբանՄի շարք փորձարկումներից հետո բարձր հեռահարության գերճշգրիտ Х-35У թևավոր հրթիռը պաշտոնապես ընդգրկվեց այսօրվա դրությամբ ամենահզոր ռուսական կործանիչի զինանոցում։ Սու-35Ս-ի սպառազինության համալիրին Х-35У-ն հաջողվել է ինտեգրել հրթիռի կառուցվածքի և ծրագրային ապահովման որոշ տարրերի փոփոխության հաշվին: Դա անելը հեշտ չի եղել՝ հրթիռը, ամեն դեպքում, փոքր չէ. երկարությունը մոտ 4 մետր է, զանգվածը՝ 550 կգ։ Ուղղահայաց անկման կործանիչ. F-35-ի նոր աղետը Միջերկրական ծովումՀավանական հակառակորդի ռադարների համար քիչ նկատելի Х-35У-ն ռուսական վերջրյա հրթիռային նավերի մի քանի նախագծերի, հարվածային ինքնաթիռների սպառազինության մաս է կազմում, կիրառվում է «Բալ» առափնյա հրթիռային համալիրի կազմում։ Եվ այնուամենայիվ, Սու-35Ս-ի ֆանտաստիկ հնարավորությունների հետ ինտեգրումը զարգացման և մարտական կիրառման սկզբունքորեն նոր փուլ է։Х-35У հզոր թևավոր հրթիռների և «տիեզերական» Սու-35Ս կործանիչների մարտական համագործակցությունը կապահովի Ռուսաստանի և նրա դաշնակիցների անվտանգության որակական աճը։Թևավոր անտեսանելինՄեր ուշադիր ընթերցողներին ծանոթ է Х-35У հրթիռը, քանի որ կիրառվում է «Բալ» առափնյա հրթիռային համալիրի հետ միասին, որի մասին Sputnik-ը պատմել էր ավելի վաղ։ Х-35У-ի կատարելագործված, հեռահար մոդիֆիկացիայի փորձարկումները հաստատել են ավելի քան 500 կմ հեռահարության վրա վերջրյա թիրախները խոցելու ունակությունը։ Ընդ որում՝ թիրախավորման նոր համակարգը թույլ է տալիս հակառակորդի լավ պաշտպանված օբյեկտներ ոչնչացնել նաև ցամաքում։ Նոր մոդիֆիկացիայի բնութագրերը թույլ են տվել մոտենալ «Բաստիոն» առափնյա համակարգի П-800 «Օնիքս» գերձայնային հրթիռի հզորությանը։Բարձր արագության, հզորության, գաղտնիության և թիրախավորման ճշգրտության համադրությամբ Х-35-ը «աշխարհի չեմպիոն» տիտղոսին է արժանի։ Հականավային թևավոր հրթիռը՝ թիրախավորման համակցված համակարգով և ավելի քան կես տոննա մեկնարկային զանգվածով, դեպի նպատակակետն է թռչում 300մ/վ արագությամբ՝ ջրից 4 մետր բարձրության վրա։ Եզրափակիչ հատվածում իջնում է մինչև 2 մետր՝ հակառակորդի ՀՕՊ-ի համար անտեսանելի գոտի։ Գործում է «կրակեցիր-մոռացար» սկզբունքով։ 145 կգ զանգվածով մարտական մասն ունակ է ծովի հատակն ուղարկել էսկադրոնային ականակիրը կամ ֆրեգատը, իսկ մի քանի նմանատիպ հրթիռի համազարկով կարելի է ավիակիր ոչնչացնել։Թևավոր Х-35-ների ընտանիքը կայուն կերպով ցուցադրում է մարտական արդյունավետություն Բարենցի, Սև, Օխոտի, Ճապոնական ծովերում հրաձգության ընթացքում: Ռուսաստանի ՌԾՈՒ-ն այսօր սպառազինության կազմում ունի 40 ինքնագնաց «Բալ» արձակման կայանք՝ յուրաքանչյուրը ութ հրթիռով․ ՌԴ ծովային սահմանների (ավելի քան 38 հազար կիլոմետր երկարությամբ) անվտանգության երաշխիքն է: Ռուսական Սու-75 կործանիչն «արվեստի գործ» է, կամ լուրջ հարված ամերիկյան F-35-ինՌուսաստանի օդատիեզերական ուժերի Սու-35Ս ծանր կործանիչների թեկուզ կես հարյուրակ ինքնաթիռներում Х-35У-ի լրացուցիչ տեղակայումը կապահովի կրակային հզորության կտրուկ որակական աճ և զգալիորեն կմեծացնի խոցման գոտին Համաշխարհային օվկիանոսում: Մարտական գործողությունների իրավիճակում հավանական հակառակորդի ավիակիր հարվածային խմբերը չեն կարողանա մոտենալ ռուսական ափերին տախտակամածային ավիացիայի կիրառման հեռավորությամբ։«Վերերկրյա» կործանիչըԾանր բազմաթիրախային, գերմանևրային Սու-35Ս կործանիչը ՌԴ տեխնոլոգիապես ամենակատարյալ մեքենան է ՌԴ Ռազմատիեզերական ուժերում (բառացիորեն հինգերերոդ սերնդի շեմին), հզորությամբ շատ մոտ է Սու-57-ին։ Ինքնաթիռներին «մտերմացնում են» АЛ-41Ф1С շարժիչները՝ պլազմային այրումով, 14,5 տոննա քարշող ուժով և ավելացված ռեսուրսով, կառավարման թվային համակարգով, ձգողականության համառակուրսային վեկտորով։ Այս ուժային սարքավորումները թույլ են տալիս ձայնի արագության հասնել առանց ֆորսաժային ռեժիմի կիրառման։Սու-35Ս կործանիչը զգալիորեն գերազանցում է մոտակա մրցակիցներին արագությամբ, մանևրելու ունակությամբ և կարող է մինչև 8 տոննա մարտական բեռ կրել: Այդ թվում՝ «Կալիբր-Ա» մեծ հեռահարության հրթիռներ և «օդ-մակերևույթ» դասի այլ հրթիռներ։ Առավելագույն արագությունը 2500 կմ/ժ է։ Մարտական շառավիղը, առանց վառելիքի առկախված բաքերի՝ 1800 կմ:Արտասահմանյան մասնագետները հատուկ նշում են կործանիչի ռադիոլոկացիոն համալիրը, որը հակառակորդի ինքնաթիռները «տեսնում է» մինչև 400 կմ հեռավորությունից: L-դիապազոնի ռադարը Սու-35-ի համար բացառիկ հնարավորություններ է ապահովում ամերիկյան F-22 և F-35 անտեսանելի օբյեկտների դեմ:«Իրբիս» ռադիոլոկացիոն կայանը կարող է ուղեկցել 30 օդային թիրախների և միաժամանակ հարձակվել դրանցից 8-ի վրա: Խոշոր ծովային օբյեկտներն ավելի կոնտրաստային են և խոցելի են ՌԼԿ-ի և Սու-35Ս-ի սպառազինության համար։Համեմատության համար նշենք, որ հինգերորդ սերնդի F-22 Raptor կործանիչի համար օդային թիրախների հայտնաբերման հեռավորությունը մինչև 225 կմ է: Ավելի վաղ Սիրիայի երկնքում Սու-35-ը կարողացել է «զավթել» Raptor-ը (որպես թիրախ), միևնույն ժամանակ ամերիկյան ինքնաթիռը չի հայտնաբերել «ռուսական հարթակը»: Երբ «Ջավելինը» չի փրկում․ ԱՄՆ-ն Ուկրաինային ՌԴ–ի հետ պատերազմ է պարտադրումԿործանիչի օդաչուի իրավիճակային բարձր տեղեկացվածությունն ապահովում են օպտիկական-էլեկտրոնային և ռադիոտեխնիկական հետախուզության համակարգերը։ Թռիչքի մասին տեղեկատվությունն արտացոլվում է երկու հեղուկ-բյուրեղյա էկրաններին՝ «նկարը նկարում» ռեժիմով։Մարտական խնդիրների լուծումը հեշտացնում է տեղեկատվական-կառավարման համակարգի «ինտելեկտուալ աջակցությունը»։ Հնարավոր է օդում մինչև 16 Սու-35 ինքնաթիռների խմբակային գործողությունների կազմակերպում՝ տեղեկատվության ավտոմատացված փոխանակմամբ և նպատակների բաշխմամբ:Ինչպես արդեն նշվեց վերևում, Սու-35Ս կործանիչը «մարտական մկրտությունը» ստացել է Սիրիայում: Այնտեղ՝ խիստ պայմաններում, այն ապացուցել է իր բարձր արդյունավետությունն ու հուսալիությունը։ Ռուսաստանի օդատիեզերական ուժերի շարքերում այսօր ավելի քան 60 այդպիսի մեքենա կա։ Զգալի հետաքրքրություն կա արտերկրյա պատվիրատուների կողմից․ Չինաստանը ձեռք է բերել 24 միավոր Սու-35, Ինդոնեզիան պատվիրել է 11 ինքնաթիռ, չհաշված Ալժիրի և Եգիպտոսի պայմանագրերը։ Ավելի վաղ Լը-Բուրժեի ավիասրահում հարթ պտույտի ֆիգուրի ցուցադրությունից հետո՝ առանց բարձրության կորստի, ռուսական Սու-35Ս կործանիչը համեմատել են ՉԹՕ-ի հետ։Ռազմական վերլուծաբան Ալեքսանդր Խրոլենկոյի Telegram ալիքին հետևեք հետևյալ հղումով` https://t.me/AKhrolenko

https://arm.sputniknews.ru/20211125/rusastanum-pordzarkvum-e-mig-31-kvortsanich-kalanichi-ardiakanacvats-tarberaky---35745171.html

https://arm.sputniknews.ru/20211002/inchu-f-35-kvortsanichy-hajtnvec-vatagujn-amerikjan-inqnatirneri-hngjakum-33836773.html

https://arm.sputniknews.ru/20211130/patrast-en-ardjoq-amn-rtsu-eskadrajin-akanakirnery-paterazmel-ukrainaji-hamar-35890419.html

2021

Լուրեր

am_HY

ռուսաստան, կործանիչ, սու-35ս կործանիչ