https://arm.sputniknews.ru/20211002/inchu-f-35-kvortsanichy-hajtnvec-vatagujn-amerikjan-inqnatirneri-hngjakum-33836773.html

Ինչու F-35 կործանիչը հայտնվեց վատագույն ամերիկյան ինքնաթիռների հնգյակում

Ինչու F-35 կործանիչը հայտնվեց վատագույն ամերիկյան ինքնաթիռների հնգյակում

Sputnik Արմենիա

Չնայած վերջերս տեղի ունեցած մի շարք «գերձայնային» անհաջողություններին, ԱՄՆ-ի բարձր տեխնոլոգիական սպառազինությունների զարգացման ճգնաժամը առավել ցայտուն... 02.10.2021, Sputnik Արմենիա

2021-10-02T00:11+0400

2021-10-02T00:11+0400

2021-10-02T00:11+0400

բանակ

ամն

ինքնաթիռ

սպառազինություն

https://cdn.am.sputniknews.ru/img/1111/42/11114245_0:85:1600:985_1920x0_80_0_0_555c6d06c25a9a37f63cf1d51ce8271f.jpg

Ալեքսանդր Խրոլենկո, ռազմական վերլուծաբանԱՄՆ-ի ռազմական վերլուծաբանները կազմել են առավել ձախողված ավիացիոն նախագծերի ցանկը, և հինգերորդ սերնդի F-35 Lightning («Կայծակ») II կործանիչը հայտնվել է Պենտագոնի պատմության ամենավատ ինքնաթիռների հնգյակում: «Թևավոր անհաջողակների» շարքերում են հայտնվել նաև ամերիկյան Convair F-102 Delta Dagger, Grumman F-11 Tiger, Vought F7U Cutlass եւ Bell P-59 Airacomet կործանիչները, որոնք տարբեր ժամանակներում չեն արդարացրել ԱՄՆ ռազմաօդային ուժերի սպասումները։Ռուս-չինական զորավարժություններ կամ «սրտագին» ողջույն ամերիկացներին ու թալիբներինԱվելի վաղ F-35 սթելս-կործանիչը ԱՄՆ բանակի սպառազինության վատթարագույն օրինակների ցանկում ներառել էր Business Insider կայքը։ Bloomberg գործակալությունը հայտնել էր, որ ամերիկյան «կայծակները» զգալիորեն հետ են մնում Ռուսաստանի և Չինաստանի ՀՕՊ միջոցների սրընթաց զարգացումից։Sputnik-ը նույնպես պատմել էր F-35-ի կրիտիկական (չվերականգնվող) կոնստրուկտիվ թերությունների և խոցելիության մասին, ծառայության չափազանց կարճ ժամկետի (հայտարարվածից չորս անգամ պակաս՝ ընդամենը 2100 թռիչքային ժամ) և տեխսպասարկման բարդության մասին (վերջինս արդեն իսկ հանգեցրել է «անտեսանելիների» մեծ մասի մարտունակության կորստին)։ Եվ այնուամենայնիվ, ամերիկյան «անտեսանելիները» շարունակում են զարմացնել։Պենտագոնում նախատեսում էին մինչև 2025թ․-ը մարտական շարքում 1700 F-35 կործանիչ ունենալ, սակայն 2021թ․-ի սեպտեմբերի դրությամբ «Կայծակն» այդպես էլ չհասունացավ մինչև «սերիական արտադրության» պաշտոնական մեկնարկը։ ԱՄՆ ՌՕՈւ-ն այսօր օգտագործում է մոտ 300 F-35 կործանիչ, իսկ նոր մեքենաների արտադրությունը դիտմամբ սահմանափակում են «պիկով»՝ մինչև 156 միավոր 2023թ․-ին և հետագայում։1,4 տրիլիոն ԱՄՆ դոլար արժողությամբ մարող նախագիծը ամերիկացի մասնագետները վաղուց արդեն «ազգային աղետ» են անվանում։ ԱՄՆ-ի բանակի, ռազմաօդային և ռազմածովային ուժերի բարձր տեխնոլոգիական սպառազինությունների հետընթացի որոշակի միտում է նկատվում:Ոչ մարտական սերունդըՊենտագոնը շարունակաբար և արդեն մի քանի տարի շարունակ հետաձգում է F-35-ի սերիական արտադրության հաստատումը, այսինքն՝ ամերիկացի օդաչուները և դաշնակիցները օդ են բարձրանում պաշտոնապես «կիսասարքված» մեքենաներով (դագաղներով), և մարքեթինգի այդ գիծն ակամա հիացմունք է առաջացնում։ F-35 կործանիչի շահագործման ծախսերը կազմում են ժամում մոտ 35 հազար դոլար։Ընդհանուր առմամբ 700 այդպիսի ինքնաթիռ ստանալով՝ ամերիկացի և օտարերկրացի պատվիրատուներն այսօր առավել հուսալի և պակաս սնանկացնող փոխարինող են փնտրում։«Բանակ-2021». 97 երկրի պատվիրակություններ և 7 մլրդ դոլարի պայմանագրերՀեռանկարում ԱՄՆ ՌՕՈւ-ն մտադիր են F-35A-ի վրա նոր, ավելի հզոր և տնտեսող շարժիչներ օգտագործել Adaptive Engine Transition Program ծրագրից, որոնք չափերով չեն համապատասխանում F-35C (ՌԾՈւ) и F-35B (Ծովային հետևակ) մոդիֆիկացիաներին։Եթե ՌՕՈւ-ն, այնուամենայնիվ, ինտեգրի նոր շարժիչը, դա կտրուկ կմեծացնի F-35-ի ավտոպարկի շահագործման ծախսերը, քանի որ մասնագետները ստիպված կլինեն սպասարկել շարժիչների երկու տեսակ՝ տարբեր դետալներով և հարակից սարքավորումներով: ԱՄՆ ՌՕՈւ նախարար Ֆրենկ Քենդալը խիստ թերահավատորեն է վերաբերվում 2025 թ․-ին F-35-ի թռիչքի մեկ ժամի ծախսերը մինչև 25000 դոլար կրճատման պլաններին։ Այդպիսով, «կայծակների» անգամ խաղաղ շահագործումը մի փոքրիկ պատերազմից ավելի սնանկացնող է թվում։«Անտեսանելիի» մարտական արդյունավետությունը պաշտոնապես հաստատված չէ ոչ Պենտագոնի, ոչ ռազմական հակամարտությունների գոտում ԱՄՆ դաշնակիցների կողմից։ Հակառակը, հայտնում էին, որ Իսրայելի ՌՕՈւ-ի F-35-ը խոցվել է ռուսական արտադրության С-200 ԶՀՀ-ի (1960-ականներին մշակված) «ցամաք-օդ» սիրիական հրթիռով՝ 2017թ․-ին Սիրիային հասցված ավիահարվածի ժամանակ (այն օրը, երբ ՌԴ պաշտպանության նախարար Սերգեյ Շոյգուն ժամանել Էր Իսրայել՝ վարչապետ Բենիամին Նեթանյահուի և պաշտպանության նախարար Ավիգդոր Լիբերմանի հետ բանակցություններ վարելու համար)Այն ժամանակ իսրայելցիները հայտարարեցին, որ F-35-ի վնասման պատճառը թռչունին բախվելն է, սակայն լուսանկարները չհաստատեցին այդ վարկածը։ Ռադարների վրա «կայծակների» տեսանելիութունը բազմիցս հաստատել են Ռուսաստանի և Թուրքիայի (որը ստացել է С-400 «Տրիումֆ» ԶՀՀ-ն) ՀՕՊ մասնագետները: ԱՄՆ ՌՕՈւ տեխնոլոգիական ճգնաժամն ակնհայտ է։Հիշեցնեմ, որ ամերիկացիների մեկ այլ հավակնոտ նախագիծ՝ հինգերորդ սերնդի F-22 Raptor կործանիչը 1981թ․-ից ի վեր այնքան երկար զարգացավ, որ մինչև ավարտվելն արդեն հնացել էր մի շարք չափանիշներով։Ուկրաինական բանակ-2021․ սպառազինություն և մարտունակությունԻ սկզբանե ԱՄՆ ՌՕՈւ-ն ծրագրում էր 750 F-22 կործանիչ ստանալ (յուրաքանչյուր միավորի համար 35-ական միլիոն դոլար), 1997 թվականի դրությամբ ամերիկյան վարչակազմը պատվերը կրճատեց մինչև 339, 2003 թվականի դրությամբ՝ մինչև 277 ինքնաթիռ: Արդյունքում կառուցեցին ընդամենը 187 կործանիչ և դադարեցրին F-22 Raptor-ի արտադրությունը։ Ակնհայտ է, որ F-35 ծրագրի հետ պատմությունը կրկնվում է, բայց ամերիկացիներին դա բնավ չի շփոթեցնում։ ԱՄՆ ՌՕՈւ-ն իր առջև «օդում անվերապահ գերազանցության» նոր հավակնոտ խնդիրներ է դրել։Ի հեճուկս ֆիզիկայի օրենքներիԱմերիկացի բարձրաստիճան զորահրամանատար Մարկ Քելլին օրերս հայտարարեց, որ վերջին 20 տարում ԱՄՆ-ի ռազմաօդային ուժերը հարմարեցված են եղել «բարենպաստ միջավայրում» մարտական գործողություններ վարելու համար և հեղափոխական փոփոխություններ են պահանջում, որպեսզի հաղթեն «գլխավոր հակառակորդի», այսինքն՝ Չինաստանի հետ բարձր ինտենսիվության հակամարտությունում:Քելլիի կարծիքով՝ Չինաստանի զինված ուժերի կառուցվածքն ու համակարգերը «նախագծված են այնպես, որ մարտական գործողությունների առաջին 30 ժամվա ընթացքում ավելի շատ կորուստներ պատճառեն, քան վերջին 30 տարում կրել ենք Մերձավոր Արևելքում»: Նկատենք, որ Չինաստանը խաղաղ է տրամադրված ԱՄՆ-ի նկատմամբ, բայց ամերիկացիների համար դա կարևոր չէ։Գեներալ Քելլին նշել է, որ Ռուսաստանը կարողացել է «առանց մի հատիկ կրակոցի» «բռնակցել» Ղրիմը, իսկ Չինաստանը հայտարարել Է Հարավչինական ծովի հատվածում իր իրավունքների մասին, քանի որ Միացյալ Նահանգների համար նման իրավիճակների դեմ պայքարն ավելի դժվար է դարձել՝ հակառակորդի հակաօդային պաշտպանության զարգացած միջոցների պատճառով:Աշխարհում իր առավելությունը վերականգնելու համար ԱՄՆ-ն ռազմաօդային ուժերի օգնությամբ պետք է կարողանա ներթափանցել «վիճարկվող ինքնիշխան օդային տարածք»: Ակնհայտ է, որ 20 տարի շարունակ Աֆղանստանում անհաջող ռազմական գործողությունների ընթացքում ամերիկացիները ոչինչ չեն հասկացել ու պատրաստվում են նոր պատերազմների։Ծովային «Ցիրկոնով»՝ ցամաքային թիրախներին. ի՞նչ է դա նշանակում «գործընկերների» համարԳեներալ Քելլին կարծում է, որ այսօր ձևավորված ամերիկյան կործանիչները ոչ հեռու ապագայում կկարողանան ներթափանցել, այսպես կոչված, A2/AD (Anti-Access/Area-Denial՝ բարձր վտանգավորության գոտիներ, որտեղ ՆԱՏՕ-ի զորքերը չեն կարող մտնել առանց իրենց համար անընդունելի վնասի)՝ ճեղքելով հակաօդային պաշտպանության ցանկացած համակարգ, ոչնչացնելով հակառակորդի ավիացիան և կարևորագույն օբյեկտները:Վեցերորդ սերնդի Next Generation Air Dominance կործանիչի ստեղծման ամերիկյան ծրագիրը նպատակ է դնում ինտեգրացված համակարգերի մի ամբողջ ընտանիք ձևավորել՝ օդաչուավոր ինքնաթիռներ, անօդաչուներ, տիեզերական ապարատներ և կիբերպլատֆորմներ: Կապրենք, կտեսնենք։Այս բարձր տեխնոլոգիական նախագծում որևէ սկզբունքորեն նոր բան չկա։ Զգացվում են «ամերիկյան բացառիկության» մասին միշտ նույն համոզմունքն ու զինված համաշխարհային տիրապետության հնացած ձգտումը ի հեճուկս գոյություն ունեցող իրականության՝ բազմաբևեռ աշխարհի։ Սակայն անհույս F-35 կործանիչները և ԱՄՆ-ի վատ թռչող (փորձարկումների ժամանակ) գերձայնային հրթիռները վկայում են խրոնիկական կերպով տեխնոլոգիանելում հետ մնալու մասին։ Աստված դեռ պատրաստ չէ եղջյուրներ տալ «պոզահարող կովին»։Հետևեք ռազմական վերլուծաբան Ալեքսանդր Խրոլենկոյի Telegram–ալիքին հետևյալ հղումով` https://t.me/AKhrolenko։

https://arm.sputniknews.ru/20210804/amn-i-gerdzaynayin-dzakhoxumy-erb-hrtiry-chi-ashxatum-nuynisk-mets-gumarneri-dimac-28554078.html

https://arm.sputniknews.ru/20210805/amn-i-Large-Scale-Exercise-2021-zoravarjutyunnery-ujery-kheriqen-sev-tsovi-hamar-28562515.html

https://arm.sputniknews.ru/20210801/rusastani-martakan-robotnern-aveli-lavn-en-dardznum-ashxarhy-28509955.html

https://arm.sputniknews.ru/20210727/datastani-orva-nor-rusakan-inqnatirnery-28454760.html

ամն

2021

Լուրեր

am_HY

բանակ, ամն, ինքնաթիռ, սպառազինություն