ԵՐԵՎԱՆ, 12 ապրիլի — Sputnik. Մայր Աթոռ Սուրբ Էջմիածնում ցուցադրել է երիտասարդ կնոջ դիմանկարը, որը հեղինակել է ֆրանսիացի գեղանկարիչ Նիկոլա դե Լարժիյերը։ Հայ առաքելական եկեղեցուն այն ընծայաբերել է բարերար տիկին Մարի Մնդիկյան–Հյուսիսյանը։
Կտավը նվիրվել է Ն.Ս.Օ.Տ.Տ. Գարեգին Բ Ամենայն Հայոց Հայրապետին` իր Միլան կատարած հովվապետական այցի ժամանակ և կպահվի Վեհարանում։ Սակայն քաղաքացիները երբեմն այն կկարողանան տեսնել Մայր Աթոռ Սուրբ Էջմիածնի թանգարաններում։
![Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին - Sputnik Արմենիա](https://cdn.am.sputniknews.ru/img/1802/36/18023685_0:0:1600:1068_600x0_80_0_0_589dd753ba126384287e05cc880b5d0f.jpg)
Հայաստանի Ազգային պատկերասրահի աշխատակից Սաթենիկ Չուգասզյանը հայտնեց, որ կտավը թանկ նվեր է եկեղեցուն, այսօր դրա գինն աճում է։ Բացի այդ աճում է նաև կտավի հոգևոր արժեքը։ Հետևաբար, դրա առկայությունը Հայաստանի կրոնական կենտրոնում այն առանձնահատուկ է դարձնում և էլ ավելի կարևոր` համաշխարհային արվեստի համար։
«Դատելով կեցվածքից, ռակուրսից և կտավի այլ առանձնահատկություններից` կարելի է ենթադրել, որ այդ անծանոթուհին ազնվական ծագում ունի, սակայն միանշանակ թագավորական ընտանիքից չէ, նրանց լրիվ այլ կերպ էին նկարում», – պատմեց նա։
![Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին - Sputnik Արմենիա](https://cdn.am.sputniknews.ru/img/1802/36/18023680_0:0:1600:1049_600x0_80_0_0_1fa3cf4d7cd3ba669e86cec9bea1e3f9.jpg)
Մայր Աթոռի Թանգարանների և Արխիվի տնօրեն Տ. Ասողիկ քահանա Կարապետյանն իր հերթին նշեց, որ երկար դարերի ընթացքում Էջմիածինը շարունակում է ոչ միայն հոգևոր, այլև մշակութային կենտրոն մնալ։
«Մեզ մոտ են հավաքվում ոչ միայն եկեղեցական, այլև աշխարհիկ արվեստի ցուցանմուշներ։ Նման կտավների առկայությունն ուրախացնում է մեզ, քանի որ արվեստը ոչ միայն ազգային, այլև համամարդկային արժեք է», – նշեց նա։
![Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին - Sputnik Արմենիա](https://cdn.am.sputniknews.ru/img/1802/36/18023690_0:0:1600:1054_600x0_80_0_0_8bf0f15f2010e60c526782266c925839.jpg)
Էջմիածնում է պահպանվում նաև իտալացի նկարիչ Կարավաջոյի կտավներից մեկը, որը բազմիցս ցուցադրվել է Հայ Առաքելական եկեղեցու թանգարաններում։ Ավելին, ամբողջությամբ վերանորոգվել է թանգարաններից մեկը, որպեսզի պատշաճ կերպով ընդունի աբստրակտ էքսպրեսիոնիզմի հիմնադիրներից մեկի` Արշիլ Գորկու կտավները, որոնք նրա քույրը ընծայաբերել է եկեղեցուն։ Կտավներն այժմ ԱՄՆ–ում են, և որոշակի ընթացակարգերից հետո Հայաստան կբերվեն ։