ԵՐԵՎԱՆ, 1 հուլիսի — Sputnik. Երեկ գիշեր, ժամը 22։00-ի սահմաններում Գորիսի բնակիչ՝ 39-ամյա Մայիս Դարբինյանը Երևան-Մեղրի ավտոճանապարհի 217-րդ կմ հատվածում ВАЗ 2107 մակնիշի 06 ՕՕ 111 համարանիշի ավտոմեքենայով բախվել է ճանապարհի թույլատրելի մասում կայանված ГАЗ 53 մակնիշի 64 TT 555 համարանիշի ավտոմեքենային, որը պատկանում է Սյունիքի մարզի Խնձորեսկ գյուղի բնակիչ՝ 52-ամյա Վահիկ Սաթունցին։
Ըստ shamshyan.com–ի` վթարի հետևանքով «07»-ի ուղևորներ՝ վարորդի համաքաղաքացիներ, 39-ամյա Մարինե Հարությունյանը, 15-ամյա Գոռ Դոլունցը, 10-ամյա Սերգեյ Դոլունցը և 37-ամյա Մելինե Ադունցը տեղում մահացել են, իսկ վարորդը ու մյուս ուղևոր՝ 9-ամյա Արման Դարբինյանը մարմնական վնասվածքներով տեղափոխվել են Գորիսի բժշկական կենտրոն։
Գագիկ Շամշյանի տեղեկություններով՝ մահացածներից Գ. և Ս. Դոլունցները մահացած Մ. Հարությունյանի երեխաներն էին։ Իսկ բեռնատարի վարորդ Վ. Սաթունցի ավտոմեքենան խափանված է եղել. նա թույլատրելի հատվածում կայանելով մեքենան՝ մեկնել է ավտոմեքենայի պահեստամաս բերելու։ Վերադառնալով դեպքի վայր Վահիկ Սաթունցն ականատես է եղել խոշոր ու ողբերգական վթարին։
