00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
6 ր
Ուղիղ եթեր
09:33
4 ր
Ուղիղ եթեր
09:37
22 ր
Ուղիղ եթեր
10:00
6 ր
Ուղիղ եթեր
10:06
38 ր
Ուղիղ եթեր
11:00
5 ր
Ուղիղ եթեր
13:00
5 ր
Ուղիղ եթեր
14:00
4 ր
Ուղիղ եթեր
17:00
6 ր
Ուղիղ եթեր
18:00
6 ր
5 րոպե Դուլյանի հետ
18:06
7 ր
Ուղիղ եթեր
19:00
6 ր
Ուղիղ եթեր
Լուրեր
09:17
46 ր
Ուղիղ եթեր
Լուրեր
10:00
46 ր
Ուղիղ եթեր
Ուրիշ նորություններ
10:47
5 ր
Ուղիղ եթեր
Մամուլի տեսություն
10:51
17 ր
Ուղիղ եթեր
Լուրեր
11:00
46 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

«Հրշեջների» կաբինետը. Կարեն Կարապետյանի կառավարության ձեռքբերումներն ու բացթողումները

© Sputnik / Asatur Yesayants Карен Карапетян на XVI съезде РПА
Карен Карапетян на XVI съезде РПА - Sputnik Արմենիա
Բաժանորդագրվել
Կարապետյանի գլխավորած նախարարների կաբինետին հաջողվեց կանխել հետաճը, սակայն կոռուպցիայի ու մենաշնորհների դեմ պայքարը չի կարելի հաջողված անվանել։ Այսպես են կարծում փորձագետները։

ԵՐԵՎԱՆ, 9 ապրիլի — Sputnik, Դավիթ Գալստյան. Կարեն Կարապետյանը 1, 5 տարի է վարչապետի պաշտոնում եղել։ Թե ինչի՞ է նրա օրոք հասել նախարարների կաբինետն ու ինչն էր նրա ուժերից վեր, Sputnik Արմենիան փորձել է վերլուծել փորձագետների հետ։

Ապրիլի 9-ին Կարեն Կարապետյանի գլխավորած կառավարությունը հրաժարական տվեց։ Այն ընդունեց նախագահ Արմեն Սարգսյանը։

Տնտեսագետ Ատոմ Մարգարյանը կարծում է` իր աշխատանքի կարճ ժամկետի ընթացքում Կարեն Կարապետյանի կաբինետը լավ է աշխատել։ Հիմնականում լուծվել են մակրոտնտեսական խնդիրները, որոնք ներկայացված էին 2016 թվականի ծրագրի շրջանկում։

Президент РА Серж Саргсян принял премьер-министра Карена Карапетяна (7 апреля 2018). Ереван - Sputnik Արմենիա
Սարգսյանի և Կարապետյանի «վերջին» հանդիպումը. նախագահը խնդրել է շնորհակալություն փոխանցել

«Հիմնական խնդիրն էր` կայունացնել ֆինանսական, մակրոտնտեսական ոլորտները, որոնք նախորդ կառավարությունից հետո անմխիթար վիճակում էին։ Որոշ քայլեր են արվել բիզնեսի ոլորտը բարելավելու ու ներդրումային ոլորտը ակտիվացնելու համար` հատկապես տեքստիլի արտադրության, շինարարության ու գյուղատնտեսական ոլորտները», — ասաց Մարգարյանը։

2017 թվականի արդյունքները, նրա կարծիքով, կարելի է տպավորիչ համարել։ Այս մասին են վկայում մակրոտնտեսական ցուցանիշները։

Մասնավորապես դա վերաբերում է 7,5 տոկոսանոց տնտեսական աճին, որը երկու անգամ գերազանցում է համաշխարհային տնտեսական աճը, գերազանցում է ԵԱՏՄ այլ երկրների ցուցանիշներն ու նաև եվրոպական երկրների մեծ մասի ցուցանիշները։

© Sputnik / Aram NersesyanՄեղրիում ազատ տնտեսական գոտու բացումը
Открытие свободной экономической зоны (15 декабря 2017). Мегри - Sputnik Արմենիա
Մեղրիում ազատ տնտեսական գոտու բացումը
«Գրանցվել է նաև արտաքին ակտիվություն, մասնավորապես արտահանման աճ։ Իսկ Հայաստանը փոքր շուկայի պայմաններում կարող է իրացնել իր տնտեսական ներուժը միայն արտահանման զարգացմամբ», — ասաց Մարգարյանը։

Արտաքին տնտեսական ու քաղաքական ձերքբերումների շարքում է ԵՄ-ի հետ համաձայնագրի ստորագրությունը, որը դիվերսիֆիկացնում է Հայսատանի կապերը։ Բացի այդ, տնտեսության մեջ մեծ դեր կարող է ունենալ Մեղրիում Ազատ տնտեսական գոտու ստեղծումը, նաև Գյումրիում ու Վանաձորում տեխնոլոգիական միավորումների բացումը։

Տնտեսագետը ներկայիս կառավարության ձեռքբերումներից է համարում նաև մինչև 2030 թվականը ռազմավարական ծրագրի ստեղծումը, թեև այն դեռ չի ներկայացվել լայն հասարակական քննարկման։

Ինչ վերաբերում է այն ոլորտներին, որտեղ Կարապետյանի կառավարությունը ձախողել է, ապա, ըստ Մարգարյանի, դրանց թվում են հասարակական ոլորտը, աղքատության ցուցանիշի աճը, կոռուպցիայի դեմ պայքարը։

ГРАФИК СОСТОЯНИЯ ФИНАНСОВОГО РЫНКА - Sputnik Արմենիա
Սոցիալապես անապահովները կզգան տնտեսական աճի ազդեցությունը, բայց ոչ 2-3 տարի հետո

«Սրանք այն հարցերն են, որոնք պետք է ապագայում լուծվեն։ Համենայն դեպս ռազմավարական խնդիրների լուծման համար պայմաններ են ստեղծվել», — նշեց Մարգարյանը։

Նրա կարծիքով` ընդհանուր առմամբ ձեռքբերումները նպաստել են ներկայիս կառավարության, նաև իր` Կարեն Կարապետյանի բարձր վարկանիշի ձևավորմանը։

Քաղտեխնոլոգ Վիգեն Հակոբյանը ուշադրություն է հրավիրում այն բանին, որ պաշտոնը ստանձնելուց անմիջապես հետո Կարապետյանը զգուշացրել էր` տնտեսությունը ծանր վիճակում է գտնվում։

Նրա խոսքով` Կարապետյանի նշանակման պահից գրեթե մեկ տարի կառավարությունը գույքագրում էր անցկացնում։ Սահմանվել էին այն ուղղությունները, որտեղ կարճ ժամկետում հնարավոր էր առաջընթացի հասնել։

© Sputnik / Asatur YesayantsԱրմավիրի մարզի Շենիք գյուղում գործարկվեց մեկ ՄՎտ հզորությամբ էլեկտրակայանը
Станция в один МВт запущена в селе Шеник Армавирской области. - Sputnik Արմենիա
Արմավիրի մարզի Շենիք գյուղում գործարկվեց մեկ ՄՎտ հզորությամբ էլեկտրակայանը
«Կառավարությունը հիմնականում լուծում էր օպերատիվ ու մարտավարական խնդիրները` որոշ դեպքերում ռազմավարական նպատակներ դնելով։ Կարելի է ասել, որ Կարապետյանը փորձում էր տնտեսության «հրդեհը մարել», դադարեցնել համընդհանուր հետաճը», — ասաց Հակոբյանը։

Այս առումով Կարապետյանի կառավարությունը որոշակի հաջողության է հասել։ Առաջխաղացում է գրանցվել բիզնեսի ոլորտում, մանավանդ որ ամենասկզբից հայտարարվել էր «մենեջերների կառավարության» մասին։

Քաղտեխնոլոգի խոսքով` բիզնեսի ներկայացուցիչների հայտարարությունները ևս վկայում են այն մասին, որ որոշակի փոփոխություններ են եղել այնպիսի «քրոնիկական» ոլորտներում, ինչպիսին են` հարկային ու մաքսային ոլորտները։

«Որոշակի տնտեսական կայունություն է ապահովվել, գրանցվել է զգալի (եթե համեմատենք նախորդ տասը տարիների ցուցանիշների հետ) տնտեսական աճ։ Հետընթացը կանխվել է, դրվել են տնտեսական աճի հիմքերը (եթե, իհարկե, այս քաղաքականությունը շարունակվի), — ասաց Հակոբյանը։

Որոշակի գործունեություն (թեև ոչ այդքան հաջող) իրականացվել է «ստվերային» տնտեսության նվազեցման ուղղությամբ, սակայն, Հակոբյանի խոսքով, սա ավելի շատ քաղաքական, քան տնտեսական հարց է։

Карен Карапетян - Sputnik Արմենիա
Կարեն Կարապետյանի խոստացած ներդրումները լրիվ չենք ստանա. տնտեսագետ

«Չհաջողվեց զգալի դարձնել կոռուպցիայի ու մենաշնորհների դեմ պայքարը։ Այդ գործընթացի մասին հայտարարվել է, սակայն տեմպերը բավականին փոքր են։ Միաժամանակ պետք է հասկանալ, որ կան հարցեր, որոնք չափազանց մենաշնորհային երկրում կախված են քաղաքական կամքից, և դրանք լուծվում են բոլորովին այլ նստավայրում», — ասաց Հակոբյանը։

Բացի այդ, որոշակի թյուրիմացություն է եղել ներդրումների ծավալի հաշվարկում։ Կառավարությունը դրանք հաշվարկում է այլ բանաձևով (շատ ցուցանիշներ ներառելով), իսկ քննադատները` բոլորովին այլ։

Կարեն Կարապետյանի հրաժարականից հետո կառավարության անդամները շարունակելու են ժամանակավոր կատարել իրենց պարտականությունները, մինչև Ազգային ժողովը նոր վարչապետի կընտրի։ Նոր Սահմանադրության համաձայն` հաջորդ կառավարությունը կձևավորվի վարչապետի ընտրությունից հետո հինգ օրվա ընթացքում։ Վարչապետի ընտրությունը տեղի կունենա ապրիլի 17-ին։

Լրահոս
0