ԵՐԵՎԱՆ, 28 դեկտեմբերի — Sputnik. Մոսկվայի «Շերեմետևո» օդանավակայանում «Աերոֆլոտ» ավիաընկերության ինքնաթիռը հազիվ է խուսափել ձյուն մաքրող մեքենային բախվելուց։ Այս մասին հայտնում է Mash ալիքը։
Երեքշաբթի 15:23-ին SU020 չվերթն իրականացնող (Մոսկվա-Սանկտ Պետերբուրգ) ինքնաթիռը պատրաստվել է օդ բարձրանալ։ Օդաչուն արդեն սկսել է արագություն հավաքել, երբ կարգավարը խուճապ է բարձրացրել։ Mash ալիքի տվյալներով` А-320-ի անձնակազմին սխալմամբ են թույլ տվել օդ բարձրանալ։
Այդ պահին թռիչքուղում, որով անցնում էր ինքնաթիռը, աշխատելիս է եղել ձյուն մաքրող մեքենան։
«Օդաչուն հասցրել է ժամանակին դադարեցնել ինքնաթիռի աշխատանքը և օդանավը կանգնեցնել թռիչքուղու կենտրոնում»,- նշված է հաղորդագրության մեջ։
Կարգավարը խիստ նկատողություն է ստացել ղեկավարությունից, որը շատ է վախեցել` հաշվի առնելով «Վնոկովոյի» դեպքը։ Հիշեցնենք, որ մի քանի տարի առաջ նույն պատճառով ինքնաթիռ էր կործանվել «Վնուկովո» օդանավակայանում, ողբերգության հետևանքով չորս մարդ էր մահացել։
