ԵՐԵՎԱՆ, 10 հոկտեմբերի — Sputnik. «Նուբարաշեն» բժշկական կենտրոնի հոգեբուժական բաժանմունքի հիվանդը հարձակվել է բժիշկի վրա, Sputnik Արմենիային հայտնել են ոստիկանության մամուլի ծառայությունից։
«Հիվանդը բժիշկին մարմնական վնասվածքներ է հասցրել` հարձակվելով նրա վրա զննության ժամանակ։ Նշանակվել է դատաբժշկական փորձաքննություն։ Կատարվում է հետաքննություն»,– ասել է մամուլի ծառայությունը։
Ոստիկանությունում դժվարացել են պատասխանել այն հարցին, թե արդյո՞ք ծանր վնասվածքներ է ստացել բժիշկը։
