ԵՐԵՎԱՆ, 11 օգոստոսի — Sputnik. ԱՄՆ-ի Սենթ Լուիս քաղաքում ընթացող շախմատի Սինքֆիլդի գավաթի խաղարկության ութերորդ տուրում Լևոն Արոնյանը ոչ ոքի է խաղացել Պյոտր Սվիդլերի հետ, տեղեկացնում է Հայաստանի ազգային օլիմպիական կոմիտեն:
Հայ գրոսմայստերը վաստակած 5 միավորով շարունակում է գլխավորել մրցաշարային աղյուսակը: Սակայն, նույնքան միավոր ունեն նաեւ Մաքսիմ Վաշյե Լագրավը և Վիշվանաթան Անանդը:
Հաղթողի անունը կորոշվի վերջին՝ 9-րդ տուրում, որտեղ Լևոն Արոնյանի մրցակիցը Մագնուս Կարլսենն է:
